Nɛra Kura 14:14 - mzwDBL

¹⁴ A ba ɡɛ naa, baa boloo baɡle nɛra baa soɡe harɛ nɔ ta bá ɡe jemɛ a wa. Ba noɔ wubwa dɛ jemɛ kɛŋɔ he cheɡɛ ba habɔɔ he ne ba bol wa, he bam tɔ ba nɛɛ baa valɛ. He tɔ ba sie webaŋa bam waa do jaŋne kaa nyundua bini, asɛ dɛ bɔr joɔ ɡe aa, o yon berɛ nii tɔ ba sie.

Nɛra Kura 14:14 ပူးပေါင်းရင်းမြစ်များ

Kaala 15:14

Harɛre ta nɛra ɛɛ no he waa ásɛ ɔmee laɡ ba, bambichɔɡ ɛɛ ɡeloo Filisti tena bwara yɔr kɛŋɔ loltea yon lɔ haah la.

Mmarare 5:4

Sinai Bwejen la doaa Korowii che nii ta bol waa he be he siwi ta.

Kaala 33:11

Dɛ Korowii ne Mosis dɛ bol waa dɔŋa be kɛŋɔ nɛn ne o dam ken. Asɛ Mosis berɛ kaa ba soŋnibɔr bela, kɛ Nun bibaa Josua waa dɛ chao la te soɡe bela.

Amanesoma Jɔn Aa Chwera Tɔn 1:18

Nomɛlbwa ta Korowii nae bwa. O Bibeŋkpoŋ waa pɛlo la, on ɡela nɛwɛnyini jemɔ.

Yela 78:14

O cheɡɛ bam waa do jaŋne kaa nyundua ta, dɛ tɔ ba sie webaŋa, asɛ jwaana bwa ɡe, o kpɔ nii waa tɛra kaa nyundua tɔ ba sie wɛɛ chaah ba ba won vala.

Nehemia 9:19

Kɛ he ta ban ɡelɛ pua hɛŋle ɡbo harɛ ta bela, dɛkalkɛ tedoma haa dɔa tɛ nɛra kan kohona. He ta bam kɛɛ nii waa tɔ ba sie dɛɛ baɡ ba ŋwɛnɛ webaŋa ne jwaana laa kpɔ.

Nehemia 9:12

He cheɡɛ bam waa do jaŋne kaa nyundua tɔ ba sie webaŋa, jwaana ɡe, he kpɔ nii waa tɛra kaa nyundua tɔ ba sie wɛɛ chaah ba won vala.

Josua 5:1

Amɔre tena baa lɔ Jɔɔdan Moo la wee cholibɔr koranar, ne Keenan tena baa lɔ Mɛdetereenea Mpo nyoa koranar aa noa kɛŋɔ Korowii ɡelɔ Jɔɔdan Moo la teŋe, asɛ Israel tena won ɛɡɛ le o baŋ la, ba jum jaoh, ba hwɛɡa bwa tonɛ kɛŋɔ ba ne Israel tena aa won yo.

Nɛra Kura 12:8

N ne o bol wa dɔŋa be, a bini chɔ kɛrɛdɛ, wobobeela laa. O dɛ na ɡɛ maa doa kɛrɛdɛ. Ɛrɛ waa haa wola ɔmɛ kɛŋɔ he bol n bonɔɔ Mosis waa nɔɔ?”

Nɛra Kura 10:34

Tɔɔ perɔ ba ir dɛɛ kaa bofale aa, bam la dɛ tɔ ba nɛɛ baa ɡaaɡe.

Kaala 40:38

Israel tena vala bwa bini la, Korowii bam la dɛ do Korowii Tɛnte Dea la nyundua baa nao, asɛ jwaana ɡe o do kɛŋɔ nii.

Mumpar 32:30

Belaa o ŋɔ, “N na Korowii siwi ne dɛ ta so mkpa ta.” Anomanta, o pa bela sɔn Pɛneɛl.

1 Kɔrent 13:12

Gɛ tentenee ya waa do taraken. A do kɛŋɔ yaa dɛ nyiŋi diɡi waa wola na kɛrɛdɛ ta ken. Dɛ tɔpere bɛl telaa, yaa naa kɛrɛdɛɛ kɛŋɔ a chɔ ya sie. Anɔ la bwa yaa jema taraken nɔ, anjena ta lɔ mun ta. Kɛ tɔpere la telaa, mɛɛ jemɛ wobɛlbwa ɡɛ Korowii aa jem mɛ la.

Amanesoma Jɔn Aa Chwera Tɔn 14:9

Asɛ Yeesu chaŋe ŋɔ, “N ne haa lole le saŋ la bwa nɔ, amɔ he ta wone jem mɛ mɔɔ naa, Felep? Nomɛlbwa waa na mɛ la, dɛ n Mɛɛɛ o na la. Ɛrɛɛ he berɛ ŋɔ ń baɡle heyaa n Mɛɛ la nɔɔ?

Yela 105:39

Korowii ɡelɔ bam bɛl waa do jaŋne kaa nyundua tɔ Israel tena sie, dɛɛ baɡ ba ŋwɛnɛ, asɛ nii waa tɛra kaa nyundua ɡe tɔ ba sie jwaana, dɛɛ chaah ba ba vala bini.

Mmarare 34:10

Mosis habɔɔ la, Korowii keame bɛlbwa ta berɛ le Israel kɛŋɔ on kpa, dɛkalkɛŋɔ dɛ o ne Korowii dɛ bol wa.

1 Jɔn 3:2

Yabala, taraken ya ɛ Korowii bii. Yaa jemɛ kɛrɛdɛ ɡɛ yaa dɛ ba doe. Kɛ ya jemɔ kɛŋɔ awola Yeesu Kristo aa forɛ le nɛra nao la, ɡɛ waa doa la, ɡɛɛ ya ɡe ɛɛ ba doe, dɛkalkɛ yaa nao dɛ́ na ɡɛ waa doa.

Kaala 33:16

Ya ne he kaala taa nɛra ɛɛ ba jema kɛŋɔ he sie lɛ n ne he nɛra nɛ. Gɛɛ dɛɛ ba ɡela ya korɛ harɛ nɔ ta nɛra baa kaa nɛ.”

Mmarare 1:19

Asɛ ya ir le Sinai Bwejen ta, ɡɛ Korowii aa ŋɔ ya be la, dɛ kpɔ pua hɛŋle ɡbo harɛ waa do kan kohona dɛ do ɔma la ta, dɛ kpɔ sie chaɡɛ Amɔre tena deŋɡarere harɛ he fa aa naa la ta dɛ ka tel Kades Baanea.

Mmarare 5:24

dɛ ba ŋɔ, ‘Korowii ɡelɔ ya na o jirima ne ɡɛ waa do kan, ya no o taa nii la ta. Fini ya nao kɛŋɔ Korowii bol waa nɛn be naa, naate ta won o nyu dɔe dɛ́ ta so le.