Nɛra Kura 14:10 - mzwDBL

¹⁰ Kɛ ane a bwa, nɛra la bwa bolɔ ŋɔ baa foɡre Josua ne Kaleb bweaa kpo. Belaa Korowii jirima ba o Dea Cheremibɔr bela, Israel tena la bwa na.

Nɛra Kura 14:10 ပူးပေါင်းရင်းမြစ်များ

Kaala 16:10

Arɔn aa dɛ bol waa la Israel tena bwa be la, ba nyiŋo dɛ na pua hɛŋle ɡbo harɛ ta bela kɛŋɔ Korowii jirima aa chaahna le bam bɛl ta nyundua.

Kaala 16:7

ásɛ tɔɔ perɔ chɔɔ ɡe aa, he na Korowii jirima chaahna, dɛkalkɛ o noɔ kɛŋɔ haa dɛ naɡre o wa. Ya ɡee bamewa hɛɛ naɡre ya waɔ?”

Kaala 17:4

Ate, Mosis soŋe Korowii ŋɔ, “N Naa Korowii, ɛrɛɛ yaa ba wona ɛ tɛ nɛra nɔ te nɔ? Ba dɛ nyin kɛ ba foɡ mɛ bwea kpo kwara.”

Kaala 40:34

Belaa bam la ba tɔ Korowii Dea Cheremibɔr la bwa, asɛ Korowii jirima su o Tɛnte Dea la bini.

Lewi Dea Tena 9:23

Ate, Mosis ne Arɔn jo Korowii Dea Cheremibɔr la bini. Baa bera le buse la, ba soŋe andɛɛɡa tɛ nɛra la, asɛ Korowii jirima chaah nɛra la bwa nɛ.

Nɛra Kura 16:19

Kora aa yerɛ o bala baa wara la bwa cheme Korowii Dea Cheremibɔr doonyoa bela la, Korowii jirima balɔ, nɛra baa cheme bela la bwa na.

Nɛra Kura 16:42

Israel tena la aa pɛa dɛɛ naɡre waa Mosis ne Arɔn be la, ba berɛ sie ta Korowii Dea Cheremibɔr bela, buɡ la ta, ba na kɛŋɔ bam la baa tɔ o ta, asɛ Korowii jirima tɔ o bwa.

Nɛra Kura 17:7

Ate, Mosis pa ka teɡli Korowii Tɛnte Dea, O Ne Nɛwɛnyina Fɔo Daka la sie.

Nɛra Kura 20:6

Ate, Mosis ne Arɔn le nɛra la bwa be, dɛ la Korowii Dea Cheremibɔr doonyoa bela, dɛ ka kpɔ sie pi harɛ dɛ soŋe Korowii, asɛ Korowii jirima ba ba nɛ.

Matiu 23:37

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

We-ɛɛla 7:52

Korowii keamere la bini ume nɛɛ he naawa aa wola cheɡɛ dɛ ɛo saɡasaɡa nɔ? Ba ta nɛra Korowii aa toma ŋɔ bá ba bol o Bonɔɔ la bala waa la kpooraa? Waa bala la, he ɡe ta on yoɡe dɛ kpoo wa aa?

We-ɛɛla 7:59

Baa dɛ foɡro bwea la, dɛ o yerɛ Yeesu, dɛɛ ŋɔ, “N Dɔɔ Yeesu, n kpɔ n lileo dɛɛ do he nɔn ta dɛ́ sewɛ!”

1 Samoɛl 30:6

Devid bambile chɔɡɔ kɛrɛdɛ, dɛkalkɛ dɛ a dɛ we o laa tena la nɛɛ kɛŋɔ baa lawɛ ba bii kaa la, asɛ dɛɛ nyin ba foɡre Devid bwea kpo. Kɛ Korowii waa dɛ tomɔ la doo ɡbemba.