Nɛra Kura 13:28 - mzwDBL

²⁸ Kɛ nɛra baa lɔ bela te kpeɡri, ba bwɛɛre la kan, ba ma danjwɛjena bara. Hale ya na Anak tena naanar bela.

Nɛra Kura 13:28 ပူးပေါင်းရင်းမြစ်များ

Mmarare 1:28

Leperaa yaa ba chaɡa ɔ? Ya bala baa laŋa ka sɔh nyiŋi harɛ la ŋɔ, nɛra baa lɔ harɛ la ta bwara kpeɡri, ba kpeɡo ɡe kohona dɛ ɡwaa yaa. Ba bwɛjena, ba ma danjwɛkpeɡa a kaa nyundua bara, nomɛlbwa aa wola won dɔ bɔr jo a ta. Dɛ ba na Anak naanar bela, ba kpeɡo kɛrɛdɛ.’

Josua 11:22

A ɡɛ Anak tena nɔ bɛlbwa ta Israel harɛ ta kae. Nemenɛ bwɛjena ane baa dɛ yera Gasa ne Gat dɛ Asdɔdee tamaa bane ka.

Nɛra Kura 13:33

Ya na nɛra baa kpekpeɡa kohona dɛ ɛ Anak tena naanar bela. Yaa na ba la, dɛ ya jeɡre kɛŋɔ hɔɔhre ken ba siwi ta.”

Josua 15:14

Kaleb doŋi Anak naanar baa soɡe bela la bwa le bwɛjen Hɛbrɔn la ta. Dɛ nɛmbele batoro baa ɛ Anak tenaa lɔ bela. Banee Sɛsae ne Ahiman dɛ Talmai tena.

Mmarare 3:5

Ba ma danjwɛkpeɡa a kaa nyundua bar bwɛjena la bwa, dɛ kpɔ bune dɛɛ kaɡre a doonyoone. Dɛ bwɛjeɡre baa wola danjwɛɛ mae bara ɡe warɛ bela.

Mmarare 2:21

Dɛ ɡɛ Refa tena nɔ warɔ ba bwara do kpeɡri, dɛ kpeɡ kohona kɛŋɔ Anak tena ken. Kɛ Korowii kpoo ba Amɔn tena bwa siwi ta, dɛ ɡel ba so ba buɡ ta.

Sitɔɔla 1:20

Ba kpɔ bwɛjen Hɛbrɔn tɛ Kaleb, ɡɛ Mosis aa bola la, asɛ o doŋi Anak tena deene atoro nɛra baa lɔ bela la.

2 Samoɛl 21:16

Belaa baa bɛl waa kpeɡa kɛrɛdɛ dɛ ɛ Rafa naa baa yerɔ Esbe Bɛnɔb, ŋɔ wɛɛ kpo Kooro Devidii. Dɛ o kpoŋe ayaawa lampea, o nyoa buni tɔɡre aa ɛ kilore atoro ne fah, dɛ berɛ kpoŋe tokobifale ɡe.

Josua 14:12

Anomanta, n dɛ soŋe kɛ hé kpɔ deŋɡarere harɛ Korowii aa kpɔa baɡ mɛ nyoa awola tɔpere la tɛ mɛ fini. He ɡbabir noɔ kɛŋɔ Anak tena baa kpeɡa kohona lɔ harɛ la ta, asɛ ba bwɛjena do kan ba ma danjwɛkpeɡa bara. Kɛ dɛ Korowii cheɡɛ n mun ta naa, mɛɛ won doŋ ba le, ɡɛ waa bola la.”