Nɛra Kura 13:22 - mzwDBL

²² Ba kpɔ Nɛɡɛv waa ɛ pua hɛŋle ɡbo harɛ weekaŋle harɛbɔr dɛ ka tel Hɛbrɔn. Dɛ nɛra bane baa dɛ yer ba Anak naanar soɡe bela. Banee Ahiman ne Sɛsae dɛ Talmai tena. Dɛ ba vɔrɔwe Hɛbrɔn bene anuanɛ mɔɔ dɛ vɔrɔwe Soan waa lɔ Ijipt harɛ ta.

Nɛra Kura 13:22 ပူးပေါင်းရင်းမြစ်များ

Mumpar 13:18

Asɛ o ir bela waa soɡa la, dɛ ba so dajena ane mun Mamre, o bɛne bwɛɛ bɛl sɔne Hɛbrɔn. Asɛ o kwaa kon waa kpoo kwaa dɛɛ ɛ saraha o ta tɛ Korowii bela.

Mumpar 23:2

Keenan harɛ ta bobɛl baa dɛ yerɛ bela Kiriat Aaba, dɛ berɛ dɛɛ yerɛ bela Hɛbrɔnee o ka sewɛ. Asɛ Abraham la ka ɛ o lwe dɛ wiu.

2 Samoɛl 2:1

A habɔɔ la, Devid bɔɔ Korowii ŋɔ, “N Naa Korowii, mɛɛ won la ka so Juda bwɛɛre nɔ bɛl ta naa?” Anee Korowii chaŋo ŋɔ “Ɔɔh.” Asɛ Devid berɛ bɔɔ ŋɔ, “Bwɛ besoo ta nɔ?” Anee Korowii ŋɔ, “Ka so Hɛbrɔn.”

2 Samoɛl 2:11

Kooro Devid di kora Hɛbrɔn Juda dea harɛ ta bene anuanɛ korobie anumɛl.

2 Samoɛl 21:16

Belaa baa bɛl waa kpeɡa kɛrɛdɛ dɛ ɛ Rafa naa baa yerɔ Esbe Bɛnɔb, ŋɔ wɛɛ kpo Kooro Devidii. Dɛ o kpoŋe ayaawa lampea, o nyoa buni tɔɡre aa ɛ kilore atoro ne fah, dɛ berɛ kpoŋe tokobifale ɡe.

Yela 78:12

O ɛ nyokpowaa ba naawa siwi ta, Soan harɛ waa chɔa kaa dɛ do Ijipt harɛ ta.

Yela 78:43

dɛ ɛ wejena ne nyokpowe-ɛɛla, Soan harɛ waa chɔa kaa, dɛ do Ijipt harɛ ta la wa.

Aesaya 19:11

Nomonome baa chɔ Ijipt bwɛjen Soan nyoa la ɛ ɡɛna, nomonome baa jemɛ waa dɛɛ ja Ijipt kooro la aa on liidɛɛɡa tɛ. Aah, hɛɛ won ŋɔ Ijipt kooro be ŋɔ, “N ɛ wejereme kɛŋɔ saŋ la tena wejerema ne koranar la bini bɛl aa?”

Aesaya 19:13

Nomonome baa chɔ Soan nyoa berɛ ɡɛna, Mɛmfes nomonome ɡe wili. Banee fe chɛ kɛŋɔ ba tɔ Ijipt tena sie, dɛ berɛ ɡel ba nyoɡre.

Aesaya 30:4

A lole kɛŋɔ Juda tena toroma lɔ Ijipt bwɛjena Soan ne Hanes,

Nɛra Kura 13:17

Waa tom ba ŋɔ bá ka sɔh nyiŋi Keenan harɛ la, o ŋɔ, “Hé kpɔ Nɛɡɛv pua hɛŋle ɡbo harɛ weekaŋle nyunduabɔr, dɛ́ kaa deŋɡarere harɛ la ta.

Nɛra Kura 13:28

Kɛ nɛra baa lɔ bela te kpeɡri, ba bwɛɛre la kan, ba ma danjwɛjena bara. Hale ya na Anak tena naanar bela.

Nɛra Kura 13:33

Ya na nɛra baa kpekpeɡa kohona dɛ ɛ Anak tena naanar bela. Yaa na ba la, dɛ ya jeɡre kɛŋɔ hɔɔhre ken ba siwi ta.”

Mmarare 9:2

Ba ɛ nɛra bane baa do kpeɡri dɛ kpeɡ kohona baa yer ba Anak tena la. He ɡbabir jemɔ dɛ no ɡɛ ba yon ŋɔ, ‘Nomɛlbwa toole dɛ́ won che Anak tena sie la.’

Josua 10:36

Dɛ berɛ kpɔ le bwɛjen Ɛɡlɔn ka pu bwɛjen Hɛbrɔn ne o nɛra dɛ ka yo ba ɡe.

Josua 21:13

Bwɛjen Hɛbrɔn habɔɔ la, o ɛ bwɛɛ baa lea cheɡ dɛ nɛn kpo o dɔŋ aa, ó chwa ka so o ta dɛ dɔ o nyu, Arɔn waa ɛ sɔfo naanar bwɛjena baa tɛɛ ba teŋa nɔ, Lebna

Sitɔɔla 1:10

Ba berɔ ka pu Keenan tena baa soɡe bwɛjen Hɛbrɔn la yo, dɛ pɔ Sɛsae ne Ahiman dɛ Talmai deene tena nɛ.

1 Samoɛl 30:31

ne Hɛbrɔn dɛ nɛra baa lɔ harɛre Devid ne o laa tena aa ɡaaɡe a ta bwa.