Ate, he bwa ba n be dɛ ba ŋɔ, ‘Gel ya tomɛ nɛra ba tɔ ya sie, dɛ́ ka sɔh nyiŋi harɛ la ba tɛ yaa, ásɛ ya jemɛ ŋwɛnɛ ne bwɛɛre yaa dɛ́ ba a ta kpɔe waa dɛ́ ba ŋɔ ya be.’
Gɛ saŋ Korowii aa le he ne Kades Baanea la, O ŋɔ, ‘Hé kaa dɛ́ ka kpɔ harɛ la maa kpɔa tɛ heyaa la so ó ɛ he kon.’ Kɛ he le Korowii haa dɛ tomɔ nɔ habɔɔ he ta on yaradae, he ta duure kpɔe tɛo.
A ɡɛ saŋ la dɛ n di bene fifraanaarɛ. Asɛ Korowii bonɔɔ Mosis tom mɛ le Kades Baanea ba Keenan harɛ nɔ ta ŋɔ ń ba sɔh nyiŋi harɛ la. Asɛ n berɛ laa berɛ ba baɡle ɡɛ tenten harɛ la waa aa doa o be.
Dɛ Israel tena la bwa cheme bobɛl baa dɛ yerɔ Sitim dɛ so bela. Asɛ Josua sɔh dɛ le ba bini baala banɛ dɛ tom ba ŋɔ, “Hé ka sɔh nyiŋi Keenan harɛ dɛ́ na ɡɛ waa doa, bwɛjen Jeriko te fanfa.” Asɛ ba sɔh dɛ la bela, dɛ ka choɡ hanjwamane Rahab.