Nɛra Kura 12:14 - mzwDBL

¹⁴ Asɛ Korowii ŋɔ o be ŋɔ, “Dɛ Miriam mɛɛ fe ta nentane ta o sie ta naa, ba fe ta on kpɔe le he baah ta o ka so dahara tɔpera anuanɛ sihiih kpoo waa? Hé le Miriam ne dahara, dɛ́ ɡel o so bela tɔpera anuanɛ mɔɔ he berɛ ba o ne.”

Nɛra Kura 12:14 ပူးပေါင်းရင်းမြစ်များ

2 Koranar 15:5

Korowii kpɔ wee ta Kooro Ussia nɛɛ ka tel kɛŋɔ waa baa sewɛ. O ta koodem soɡee kpa, asɛ o bibaa Jotam so koodem bela, dɛ nyiŋi Juda harɛ la ta.

Job Tɔn 17:6

Gɛɛ nɛra kpɔ sɛɡla nɔ dɛɛ bol n wa, nɛra lawɛ n sie dɛɛ teɡɛ harɛ.

Job Tɔn 30:10

Ba hah mɛ, baa men bɛne, baa waa haŋre, dɛ ta nentane dɛɛ ta n siebɔr.

Aesaya 50:6

N berɛ n nyaŋ tɛ nɛra ba lɔɔ, dɛ kpɔ n taŋɡbaɡre ɡe tɛ nɛra ba chuɡri n tampona. N ta n sie laa fɛr sihihwaa ne nentane baa taa ta n sie ta.

Lewi Dea Tena 13:4

Kɛ dɛ ŋwɛr la bini too dɛ o ta yɛɛ kaa bini pona la ɡe ta toe yaa, ate sɔfo la chɛ kɛŋɔ ó pere naate le o bala bini tɔpera anuanɛ.

Lewi Dea Tena 14:8

Nɛn baa laa doŋa kpɔ o nɛɛ la chɛ kɛ ó chɛɡɛ o laala, dɛ́ fonɛ o pona bwa ta dɛ́ sɔ ne, ásɛ o doŋa le o nɛ. Anɔ habɔɔ, wɛɛ wono berɛ ba bela baa soɡa la, kɛ a chɛ kɛ o so o tɛnte dea dahara tɔpera anuanɛ mɔɔ.

Nɛra Kura 5:1

Korowii ŋɔ Mosis be ŋɔ,

Matiu 26:67

Ba ta nentane ta o siebɔr dɛ lɔɔro, dɛ tɔɔ kande. Banɔ la baa dɛ kpaa o lwɛrɛme dɛɛ chuɡru kwɛɛrɛre la yon berɛ pɛɛro ŋɔ,

Mmarare 25:9

haah la laa ɡɛ baa la naŋɡawa beŋkpoŋ foo nomonome la sie ta bela, dɛ́ ta nentane ta o sie ta dɛ́ ŋɔ, ‘Anɔɔ ba kpɔ dɛɛ ɛ baa waa wola nyin kɛ o dɔɔ kɛɛ nime dɔ dwee.’

Hibru 12:9

Ya mɛɛnanar baa lolɛ yaa la kwara, ba tɛr ya deŋne aa, ya dɛ no ba be. Aah dɛ ya Mɛɛ waa lɔ nyundua dɛ dɔ ya lileore la te sɛ, a ta chɛ kɛ ya no o be dɛ́ dɔ mkpa aa?