Nɛra Kura 11:28 - mzwDBL

²⁸ Dɛ Nun bibaa Josua le o bonɔɔne saŋ bwa dɛ teŋɛ Mosis nɛɛ dɛɛ chao. O ŋɔ Mosis be ŋɔ, “N dɔɔ Mosis, ɡel bá ka kah ba, bá ɡel bola!”

Nɛra Kura 11:28 ပူးပေါင်းရင်းမြစ်များ

Amanesoma Jɔn Aa Chwera Tɔn 3:26

Ba la Jɔn be dɛ ka pɛɛro ŋɔ, “Nomoa, he dɛ lii kɛ he ne baa bɛl fa aa cheɡɛ Jɔɔdan Moo la wee leebɔr pera la aa? O waa he faa bol la. O dɛ sɔ nɛra Korowii ne, asɛ nɛra bwa chwa dɛɛ kaa o be.”

Josua 1:1

Korowii bonɔɔ Mosis seo habɔɔ la, Korowii ŋɔ Nun bibaa Josua, o fa aa dɛ cha Mosis la be ŋɔ,

Kaala 33:11

Dɛ Korowii ne Mosis dɛ bol waa dɔŋa be kɛŋɔ nɛn ne o dam ken. Asɛ Mosis berɛ kaa ba soŋnibɔr bela, kɛ Nun bibaa Josua waa dɛ chao la te soɡe bela.

Kaala 17:9

Anee Mosis ŋɔ Josua be ŋɔ, “Le ya baala nɔ bini bane, ásɛ he ka yoo ba. Kere mɛɛ ka che deŋɡare bɛl doa belaa dɛ́ kpoŋe Korowii daŋɡbala la.”

Nɛra Kura 11:27

Asɛ bonɔɔ bɛl chwa le bela baa soɡa tɛnte deene la bini dɛ ka ŋɔ Mosis be ŋɔ, “Korowii Doma la baa so Eldad ne Medad nɛɛ kpeɡri ne dɛ ɡel baa bol Korowii wa.”

Kaala 24:13

Ate, Mosis ne Josua waa dɛ chao la kpɔ ba te le kaa Korowii be bwe la doa.

1 Webena 7:27

Elisama lolɛ Nun, asɛ Nun ɡe lolɛ Josua.