Nɛra Kura 11:25 - mzwDBL

²⁵ Asɛ Korowii do bam la bini, o ne Mosis bol wa, dɛ ɡel o Doma waa soɡe Mosis nɛɛ dɛɛ tɛo kpeɡri la ba so nomonome la nɛ. Korowii Doma la aa baa so ba nɛɛ la, ba dɔ kpeɡri dɛ won bol Korowii wa. A habɔɔ la, ba ta wone bol Korowii waa la kpa.

Nɛra Kura 11:25 ပူးပေါင်းရင်းမြစ်များ

2 Koranar 2:15

Dɛ Korowii keamere baa pɛa dɛɛ valɛ fifraanue ba le Jeriko la ta cheɡɛ bela nao, asɛ dɛ ŋɔ dɔŋa be ŋɔ, “Elaeja kpeɡri la ba Elaesa nɛ!” Asɛ ba la o be, dɛ ka ɡuŋi o sie,

Nehemia 9:20

He kpɔ he Doma waa wera tɛɛ ba wɛɛ baɡ ba wa, dɛ tɛɛ ba maana ba di, dɛ tɛɛ ba nee ɡe ba nyɔ.

Yela 99:7

O cheɡɛ bam waa do jaŋne kaa nyundua ta, dɛ bol waa ba be, asɛ ba teŋɛ mmarare ne waa waa do ba a ta.

Kaala 32:32

Kɛ taraken, n dɛ soŋe kɛ he kpɔ ba wechɔɡa kɛ ba, dɛ a laa ɡe aa, he fee n sɔn le tɔn haa chwerɛ he nɛra sɔna do o bini la ta.”

Kaala 34:5

Belaa Korowii kpɔ bam ta dɛ ba o ne Mosis che bela. Asɛ Korowii yerɛ o sɔndɛɛɡe waa dɔa la o be kɛ onee Korowii.

Kaala 40:38

Israel tena vala bwa bini la, Korowii bam la dɛ do Korowii Tɛnte Dea la nyundua baa nao, asɛ jwaana ɡe o do kɛŋɔ nii.

Aesaya 63:11

Anee ba berɛ lii waa aa chiɡa, Korowii bonɔɔ Mosis saŋ la, asɛ dɛ bɔɔ ŋɔ, “Leperaa Korowii waa lɛ o nɛra ne ba sitɔɔla le mpo ta la dɔɔ taraken nɔ? Korowii waa kpɔ o Doma tɛ Mosis la sɛ?

Ɛsekeɛl 8:11

Dɛ Israel nomonome fifraanuanɛ lɔ bela, asɛ Safan bibaa Jaasania ja ba nɛ. Ba bɛlbwa kpoŋe kon baa dɛ fuh daawiile a ta, chuu la sɔɔh do som dɛɛ kaa nyundua.

Nɛra Kura 11:17

Mɛɛ tuu ba, n ne he ba bol waa bela. Mɛɛ ɡeloo n Doma waa lɔ he Mosis nɛɛ dɛɛ tɛɛ kpeɡri la ba so ba nɛ, ásɛ ba ɡe lɛɛ waa aa ɡwaa he nɛɛ la ane, ásɛ a bɛ he ɡbo nɛɛ dawɛ.

Nɛra Kura 12:5

Korowii cheɡɛ bam waa do jaŋne kaa nyundua ta, dɛ tu ba che o Dea Cheremibɔr la doonyoa bela, dɛ yerɛ Arɔn ne Miriam, asɛ ba le ba che sie.

Nɛra Kura 16:25

Belaa Mosis den ir la Datan ne Abiram be, asɛ Israel nomonome la teŋɛ o nɛ.

Nɛra Kura 24:2

Balam ha sie dɛ na Israel tena la kɛŋɔ baa baŋre ba tɛnte deene dɛ so denaa ta. Korowii Doma baa so o nɛ,

Nɛra Kura 27:18

Anee Korowii ŋɔ o be ŋɔ, “Kpɔ Nun bibaa Josua, onee N Doma so o nɛ. Kpɔ nɔn dawɛ o nɛɛ dɛ swee andɛɛɡa tɛo.

We-ɛɛla 11:28

Dɛ ba bini bɛl sɔne Aɡabus. Korowii Domadɛɛɡe la ir o nɛ, asɛ o ir che dɛ na chaahna dɛ ŋɔ lɔrchɔɡe bɛl dɛ́ ba ba harɛ la ta bala. Kpela, a ɡɛ waa nɔ balɔ Klɔdeɔs kara dii saŋ.

1 Kɔrent 14:32

Nɛra Korowii Domadɛɛɡe aa tɛɛ ba kpeɡri bá bol o waa la, bá won ba te lawa,

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

2 Pita 1:21

Akai! Baa chwera la, ba ɡbaɡba liire ne laa ba chwera. Korowii Domadɛɛɡee ir Korowii nɛra nɛ, asɛ baa bol waa aa dɛ ba bala kerekere Korowii aa kpɔa do ba nyoa.

Sitɔɔla 3:10

Korowii Doma baa so o nɛ o ɛ ba sitɔɔ dɛ tɔ ba sie dɛɛ la laa. Korowii tɛo kpeɡri o won ka yo dɛ pɔ Mɛsopoteemea Kooro Kusan Risataim nɛ.

1 Samoɛl 10:10

Baa tel Gebea la, Korowii keamere teŋɛ dɔŋa nɛɛ ba chemo, asɛ Korowii Doma ba so o nɛɛ kpeɡri nɛ, o ka ja ba nɛ baa bol Korowii waa aa dɛ ba bala kerekere.