Nɛra Kura 11:20 - mzwDBL

²⁰ Hɛɛ chwea korobibir bwaa a ba lawɛ heya, dɛ́ pe heya, dɛkalkɛŋɔ he vɛh Korowii, onee ja he nɛɛ he soɡa bini. Kɛ he wi o siwi ta ŋɔ, ‘Bɔkwaa ɡela ya le Ijipt harɛ te nɔ?’ ”

Nɛra Kura 11:20 ပူးပေါင်းရင်းမြစ်များ

Yela 106:15

Anomanta, he tɛɛ ba kwaa baa soŋe la, dɛ berɛ kpɔ weechɔɡa ta ba nɛ.

Nɛra Kura 21:5

dɛ bol waa yaɡɛ Korowii ne Mosis ŋɔ, “Bɔkwa waa he kpɔ yaa le Ijipt harɛ ta yaa ba ba serewe pua hɛŋle ɡbo harɛ ta ken? Kondikwaa tenten bɛlbwa toole bonɔ, nee ɡe kwaraa toole. Yaa maana nɔ ɡe nyin kpa.”

1 Samoɛl 10:19

Kɛ taraken he vɛh men Korowii haa dɛ tom mɛ, n lɛ heyaa le wahala ne wekpeɡa bwa ta la. He berɔ ŋɔ ń tɛ heyaa kooro wɛɛ tɔ he sie. Anomanta, he bwa ba cheme n sie deenaa ta.”

1 Tesalonika 4:8

Nomɛlbwa waa wola a ɡɛ waa nɔ ta teŋɛ la, dɛ nɛwɛnyini waa laa o vɛh, dɛ Korowii waa tɛ heyaa o Domadɛɛɡe la waa o vɛh.

We-ɛɛla 13:41

‘He nɛra haa nyiŋi nɛra dɛɛ vah dɛɛ mamɛ nɛra la, hé nyiŋi waa maa dɛ ɛ nɔ kɛrɛdɛ. Aa ba kpo he nyoa he serewe. Waa maa dɛ ɛ fini nɔ ɛ waane, dɛ nɛn baɡle a bini tɛ heyaa kwara naa, haa wola yarada!’ ”

Malakae 1:6

Koranar Bwa Kooro ŋɔ sɔfore la be ŋɔ, “Bie dɛɛ tɛ o mɛɛ jirima, asɛ bonɔɔ ɡe ɛɛ tɛ o nomoa duure. Menee he mɛɛ, ɛrɛɛ haa wola jirima kpɔe dɛɛ tɛ mɛ nɔ? N ɛ he dɔɔ, ɛrɛɛ haa wola duure kpɔe dɛɛ tɛ mɛ nɔ? He sɔfore, heyaa wola duure kpɔe dɛɛ tɛ n sɔn, kɛ he dɛ bɔɔ ŋɔ, ‘Ɛrɛɛ yaa wola duure kpɔe dɛɛ tɛ he sɔn ɔ?’ ”

Sɛɡla 27:7

Nɛn di kwaa vaɡɛ o tea aa, o waane laa tooh wa, ɡɛɛ nɛn lɔr aa dɛ kpoo la, koŋkpela ɛɛ do o som.

2 Samoɛl 12:10

Haa wola n waa ta teŋɛ dɛ ka kpɔ Uria haah mo nomanta, he naanar baa ka ba bwa la ɛɛ sewɛ laa taa, haa deŋnesɔɔhnaa dɔ he dem ɡe bwa.

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.

Josua 24:27

Dɛ ŋɔ ba be ŋɔ, “Hé na, bwe nɔɔ ɛ ya bwa danseɛ, o no wobɛlbwa Korowii aa bol ya be. Wɛɛ ɛ danseɛɛ, dɛ he baa le habɔɔ ŋɔ haa Korowii tomɛ kpa aa, o le heyaa tɛ.”

Kaala 16:13

Awola jɔmɔra la, chayambwibwi balɔ ba tɔ bela baa soɡa la bwa. Tɔ aa pera chɔɔ la, mɛn leo dɛ bar bela baa baŋre ba tɛnte deene la dɛ pwe harɛ la bwa.

Kaala 16:8

Anee Mosis berɛ ŋɔ, “Hɛ́ɛ jemɔɔ kɛŋɔ Korowiirii dɛ́ tɛ heya ola he chwe jɔmɔra, ne kondikwa bɛlbwa haa dɛ nyin dɛ́ di chɔɔ, dɛkalkɛ o na ɡɛ haa dɛ naɡre o wa kohona. Ya ɡee bamewa hɛɛ naɡre ya waɔ? Ya waa laa hɛɛ naɡre la, Korowii waa hɛɛ naɡre.”

Nɛra Kura 11:19

Tɔpebeŋkpoŋ kɛɛ tɔpera anɛ kɛɛ tɔpera anue, kɛɛ tɔpera fi kɛɛ tɔpera fifraanɛ laa.

Nɛra Kura 11:21

Belaa Mosis ŋɔ, “Nɛra n ne baa dɛ valɛ nɔ lɔ baala kaɡboŋa lafraanumɛl, ɡɛɛ he ŋɔ hɛɛ tɛɛ baa olaa korobibir bwa naa?

Kaala 16:3

dɛ ŋɔ, “Korowii fe den kpoo yaa Ijipt harɛ ta kwaraa naa, a fe bɔ. Yaa lɔ bela dɛ ola su viine, yaa di kondikwa ɡɛ yaa dɛ nyin. Dɛ a bɛlbwa ta yaa nyae, asɛ he kpɔ yaa ba ta pua hɛŋle ɡbo harɛ ta bonɔ lɔr kpo yaa ya bwa ɛɛ ba serewa nɔ.”

Nɛra Kura 11:13

Leperaa mɛɛ ba ola dɔe dɛ́ tɛ nɛra nɔ bwa dɔŋa ba chwe o? Ba teŋɔ wi dɛɛ noo mɛ ŋɔ ń tɛɛ ba ola bá chwe.

Nɛra Kura 14:3

Ɛrɛ waa Korowii kpɔ yaa dɛɛ ba harɛ nɔ ta ásɛ ba ba kpoo yaa nɔɔ? Baa lawɛ ya haahna ne biirii kaa. Ya berɔ kaa Ijipt harɛ ta fe ta bɔ naa?”

Nɛra Kura 14:4

Asɛ ba ŋɔ dɔŋa be ŋɔ, “A chɛ kɛ yá le nomoa waa tɔ ya sie, dɛ́ berɛ kaa ya ne Ijipt harɛ ta.”

Nɛra Kura 16:13

Kpɔe haa kpɔ yaa le Ijipt harɛpare ondɛɛɡe ta, dɛ berɛ dɛɛ ba ba kpoo yaa ta pua hɛŋle ɡbo harɛ ta bonɔ ta maɡraa? Gɛɛ he berɛ dɛɛ nyin dɛ́ di kpeɡri ya nɛ aa?

Nɛra Kura 20:4

Bɔkwa waa he ba ya ne pua hɛŋle ɡbo harɛ nɔ ta ya ne ya kondɛɛra bwa ɛɛ ba serewa nɔɔ?