Nɛra Kura 11:15 - mzwDBL

¹⁵ Dɛ kenii hɛɛ ba men ɛɛ te naa, den kpo mɛ taraken. Dɛ n we-ɛɛla su he siwi te naa, bɛ ɡel n do le ásɛ a ɡɛ waa nɔ ba di mɛ.”

Nɛra Kura 11:15 ပူးပေါင်းရင်းမြစ်များ

Jona 4:3

N Naa Korowii, n poori den kpo mɛ. N sewɔ bɔ n be kɛŋɔ maa soɡe le.”

Jeremia 20:18

Bɔkwa waa ɡela ba lol mɛ te nɔ? Ń ba na wenaale dɛɛ di suna, ásɛ sihiih kpo mɛ n soɡa bini bwa waa kɛɛ?

1 Koranar 19:4

dɛ valɛ tɔpebir kaa pua hɛŋle ɡbo harɛ ta. O kaa so chunchule ta daa bɛl mun, dɛ soŋe seo tɛ o te kɛŋɔ o fee sewɛ. O soŋe Korowii ŋɔ, “N Naa Korowii, name te a maɡre ɡɛ, ɡel ń sewɛ. N ta n naawa baa serewa la ɡwaalɛ.”

Sefania 3:15

Korowii ɡel he deŋne tɛra, dɛ le he dɔma bwa ne. Korowii waa ɛ Israel kooro la ja he nɛ. Komɛlbwa toole he ɔmɛ kpa.

Kaala 32:32

Kɛ taraken, n dɛ soŋe kɛ he kpɔ ba wechɔɡa kɛ ba, dɛ a laa ɡe aa, he fee n sɔn le tɔn haa chwerɛ he nɛra sɔna do o bini la ta.”

Jems 1:4

Hé dɔ bambile wobɛlbwa ta dɛ́ ka tonɛ, ásɛ dɛ won che a ta dɛ́ jemɛ wa, dɛ́ dɔ dadɛɛɡe, ásɛ wobɛlbwa bɛ heyaa nya harɛ nɔ ta.

Jeremia 15:18

Ɛrɛɛ n bonyɛɡa aa wola tonɛ, asɛ ba do mɛ bol kohona, maa wola chaah dɔ nɔɔ? He do kɛŋɔ nenabɔɔ kɛɛ bule hwel saŋ, nee aa wola toole a ta tɛ mɛ kɛɛ?”

Job Tɔn 7:15

dɛ́ ɡel n pɛla lawɛ kɛŋɔ baa hamɛ n lobi n sewɛ dɛ ɡwaa kɛ aa ka n hoɡa ɡbo nɔ.