Nɛra Kura 11:12 - mzwDBL

¹² Menee kpoŋe ɡɛ nɛra nɔ bwa teene dɛ lol ba kɛɛ? Ɛrɛɛ he ŋɔ ń nɔɡ ba kɛ haah ne bie, dɛ́ kpɔ ba kaa harɛ haa baɡɛ ba naawa nyoa dɛ ŋwɛɛ ja a ta la ta nɔɔ?

Nɛra Kura 11:12 ပူးပေါင်းရင်းမြစ်များ

Mumpar 13:15

A ɡɛ harɛ nɔ bwaa mɛɛ ba kpɔe tɛ he ne he naanar ó den ɛ he kon saŋ bɛlbwa dɛɛ la.

Mumpar 24:7

Dɛ berɛ ŋɔ, “Korowii Waa Dɛ Di Kora Nyundua laanee kpɔ mɛ le n mɛɛ dem ne harɛ baa lol mɛ o ta la ta, dɛ ŋwɛɛ baɡ mɛ kɛŋɔ n naanaree wɛɛ ba ɡɛ harɛ nɔ kpɔe tɛ. Wɛɛ ɡeloo o nyundua torome tɔ he sie, ásɛ he won ka dɔ haah ba tɛ n bie nɔ.

Mumpar 26:3

So bonɔ tama. Mɛɛ che he mun taa dɛ́ tɛɛ hɛɛra, dɛkalkɛŋɔ he ne he naanaree mɛɛ ba ń kpɔ harɛ nɔ bwa tɛ, ɡel n nyoa maa baɡɛ he mɛɛ Abraham la che kɛrɛdɛ.

Mumpar 50:24

Josef ŋɔ o dɔɔranar la be ŋɔ, “N dɛ́ ba sewa, kɛ Korowii ɛɛ nyiŋi he nɛɛ ásɛ dɛ kpɔ heyaa le harɛ nɔ ta kaa harɛ waa baɡɛ Abraham ne Aesek ne Jekɔb nyoa la ta.”

2 Koranar 10:1

Dɛ Kooro Ahab dɔ bibaala fifraanuanɛ ba do bwɛjen Samaria. Kooro Jehu chwerɛ tɔne, dɛ tomɛ nɛra ba kpɔ la Samaria ka tɛ Jesreel nomonnyuune baa lɔ bela, ne bela nomonome ne nɛra baa dɛ nyiŋi Kooro Ahab bii nɛ. Tɔn la bini waa kɛŋɔ,

2 Koranar 10:5

Koodem bela nomoa, ne onɔ la waa dɛ nyiŋi bwɛjen la ta, ne nomonnyuune ne nɛra baa dɛ nyiŋi Kooro Ahab bii nɛɛ tomɔ ba ka ŋɔ Kooro Jehu be ŋɔ, “He bonɔɔnaa yan, wobɛlbwa haa bol ya be la, yaa ɛo. Yaa kooro bɛlbwa cheɡa ba, ɛ ɡɛ bwa aa maɡra tɛɛ.”

Kaala 13:11

Korowii baa kpɔ heyaa ba Keenan harɛ ta, dɛ kpɔ tɛ heyaa ɡɛ waa ŋwɛɛra dɛ baɡɛ he ne he naawa nyoa la tonaa,

Kaala 13:5

Dɛ Korowii baa kpɔ heyaa tel Keenan ne Hiti ne Amɔre ne Hivi, dɛ Jebus tena harɛ waa ŋwɛɛra baɡle he naawa ŋɔ wɛɛ kpɔɔ tɛ heya ó ɛ he kon la ta, harɛpare ondɛɛɡe ta naa, a chɛ kɛ hé di a ɡɛ tɔpere nɔ korobie nɔ ta. Dɛkalkɛ o ba he ne harɛ o taa soma ta.

Kaala 33:1

Ate, Korowii ŋɔ Mosis be ŋɔ, “Le bonɔ kaa, he ne nɛra haa kpɔ ba le Ijipt harɛ ba la, ásɛ dɛ kaa harɛ maa ŋwɛɛra baɡle Abraham ne Aesek dɛ Jekɔb ŋɔ ba naanaree mɛɛ ba kpɔe tɛ la ta.

Kaala 6:8

N baɡɛ Abraham ne Aesek dɛ Jekɔb nyoa kpeɡri nɛ harɛ maa ŋɔa mɛɛ kpɔɔ tɛɛ ba la wa. Mɛɛ kpɔɔ tɛ heya ó ɛ he kon pi. Men Korowii bola.’ ”

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Aesaya 49:15

Korowii ŋɔ, “Haah ɛɛ won soh o bilole waa ɔro wa aa? Dɛ nya ɛɛ soh o bie waa yaa, n te aa he waa soeh ba bwa.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Ɛsekeɛl 34:23

Kooro waa do kɛ n bonɔɔ Kooro Devidii mɛɛ ba lee kɛŋɔ peteɡre beŋkpoŋ wɛɛ nyiŋi ba nɛ.

Amanesoma Jɔn Aa Chwera Tɔn 10:11

Menee Peteɡredɛɛɡe la. Dɛ seo kwaraa yaa, mɛɛ kpɔ n nyuu charɛ n peera.

1 Kɔrent 4:15

Dɛ he dɔ nɛra ba warɛ pirim, dɛ won cha heyaa Yeesu Kristo ŋwɛnɛ ta naa, n ɡboo ta he mɛɛ. Menee tɔ sie bol Amanesoma la he be. A taa n che ɛ he mɛɛ Yeesu Kristo waa ta.

Galaasia 4:19

N bii maa lolɛ heyaa Yeesu Kristo waa ta, he ta he da charɛ dɛ do kɛ Yeesu Kristo aa, he ɡelɔ n tea berɛ dɛɛ wee mɛ kɛ lol tea aa dɛ we haah la.

Mmarare 1:31

Hé berɔ na ɡɛ waa ɛa tɛ heyaa pua hɛŋle ɡbo harɛ la ta ja, ɡɛ waa kpɔ heyaa kɛŋɔ mɛɛ yon kpɔ o bie la. O kpɔ heyaa le bela bwa dɔŋ haa lea dɛ ba tel bonɔ nɔ.’

1 Tesalonika 2:7

Ya ɛ Yeesu Kristo toroma, dɛ fe dɔ ŋwɛnɛ kɛ ya lɛ komɛl le he be. Kɛ ya tɛ heyaa sisɔna kɛŋɔ haah naa ta tea dɛɛ dɛɛ o bechasɔɔhna la.