Nɛra Kura 11:11 - mzwDBL

¹¹ Asɛ Mosis pɛɛ Korowii ŋɔ, “N Naa Korowii, bɔkwa waa he kpɔ ɡɛ wahala nɔ dawɛ men maa ɛ he bonɔɔ nɛɛ ken ɔ? Bɔkwaa n ɛ dɛ jo he nɛɛ, he kpɔ ɡɛ nɛra nɔ waa bwa dawɛ n nɛɛ ŋɔ mɛ́ɛ nyiŋi ba nɛɛ nɔɔ?

Nɛra Kura 11:11 ပူးပေါင်းရင်းမြစ်များ

Job Tɔn 10:2

N Naa Korowii, Bɛ men bolchɔɡe pa, ɡel ń jemɛ waa aa bala n ne he dɔ.

Yela 130:3

Dɛ he fe chwerɛ nɛn wechɔɡa waa dɛ ɛ dɛɛ bil aa, umee dɛ́ fe leɔ?

Yela 143:2

Bɛ men maa ɛ he bonɔɔ daah na, nomɛlbwa toole o waa toɡre he sie.

Kaala 17:4

Ate, Mosis soŋe Korowii ŋɔ, “N Naa Korowii, ɛrɛɛ yaa ba wona ɛ tɛ nɛra nɔ te nɔ? Ba dɛ nyin kɛ ba foɡ mɛ bwea kpo kwara.”

Kaala 5:22

Belaa Mosis berɛ ka bɔɔ Korowii ŋɔ, “N Naa Korowii, ɛrɛɛ hɛɛ do he ɡbabir nɛra hɔhɔrɔwa ta ken? Anɔ waa he tom mɛ ba be kɛɛ?

Jeremia 15:10

Asɛ men Jeremia ŋɔ, “Akwe, n nya, n na waa kɛ haa lol mɛ, harɛ nɔ nɛra bwa hah mɛ dɛɛ yoo mɛ. N ta bɛl kon kemɛ kɛɛ dɛ kemɛ le bɛl be, kɛ nɛra bwa ɡarɔ dɛɛ taah mɛ.”

Jeremia 15:18

Ɛrɛɛ n bonyɛɡa aa wola tonɛ, asɛ ba do mɛ bol kohona, maa wola chaah dɔ nɔɔ? He do kɛŋɔ nenabɔɔ kɛɛ bule hwel saŋ, nee aa wola toole a ta tɛ mɛ kɛɛ?”

Malakae 3:14

He bolɔ ŋɔ, ‘Korowii toma ɛ wepuu. Tɔnɔ besoo ya dɔ dɛɛ le waa waa kpɔa tɛ yaa ŋɔ yaa teŋɛ a ta, asɛ a berɛ do kɛŋɔ ya tea bini chɔɡɔ Koranar Bwa Kooro sie nɔɔ?

Nɛra Kura 11:10

Israel tena la ne ba haahna ne bii baa ir dɛ do ba tɛnte deene doonyoo dɛɛ wi, asɛ Mosis no. A ɡelɔ Korowii baah di taeh, dɛ kpɔ sibeɡra ta Mosis nɛ.

Nɛra Kura 11:15

Dɛ kenii hɛɛ ba men ɛɛ te naa, den kpo mɛ taraken. Dɛ n we-ɛɛla su he siwi te naa, bɛ ɡel n do le ásɛ a ɡɛ waa nɔ ba di mɛ.”

2 Kɔrent 11:28

Anɔ te bwa chɔ keŋkeŋ. Maa won baɡle a bwa. Waa aa lɔ n bini dɛɛ swɛɛ n siwi laanee kɛŋɔ, asɔre tena baa lɔ bobɛlbwa la waa dɛɛ ha mɛ tɔpere te bwa.

Mmarare 1:12

Kɛ ɛrɛɛ n ɡbo ɛɛ ba wona kpoŋe heyaa dɛ́ nyiŋi he waa bini ne waa aa dawɛ he nɛɛ dɛɛ tɛ heya ɔ?