Nɛra Kura 11:10 - mzwDBL

¹⁰ Israel tena la ne ba haahna ne bii baa ir dɛ do ba tɛnte deene doonyoo dɛɛ wi, asɛ Mosis no. A ɡelɔ Korowii baah di taeh, dɛ kpɔ sibeɡra ta Mosis nɛ.

Nɛra Kura 11:10 ပူးပေါင်းရင်းမြစ်များ

Yela 106:25

Ba soɡe ba tɛnte deene bini dɛɛ naɡre wa, ba ta he waa la ta teŋɛ.

Yela 139:21

N Naa Korowii, n hah nɛra baa haeh! N kii nɛra ba deŋne aa kpeɡa baa jo he nɛ!

Yela 78:21

Korowii aa no ba waa la, o baah diu, bandia kohona la ɡelɔ nii ba le o nɛra Israel tena nɛ, asɛ a ɡwaa ba nɛɛ kohona,

Yela 78:59

Korowii aa no ba waa la, o baah diu kɛrɛdɛ, anomanta, o vɛh Israel tena kwaraa.

Aesaya 5:25

Anɔ bwa ɡelɔ Korowii baah di o nɛra nɛ, o ir nɔn dɛ́ tɛr ba deŋne. Bwejena ɛɛ jiɡruu, ásɛ nɛra baa serewe la lala chɔ fɔɡbaahna kɛŋɔ haahra ken. Anɔ bwa habɔɔ o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 17:4

Hɛɛ paŋɛ harɛ maa kwaara cheɡ heya o ɛ he kapɛrɛ kon laanee. Mɛɛ kpɔ heyaa do he dɔma lɔɡa hɛɛ tom ba, harɛ haa wola o ta jemɛ bwa ta, dɛkalkɛ he ɡelɔ n baah di, waa wola sɔɔh bwa.”

Nɛra Kura 11:1

A kaa ba kɛŋɔ Israel tena la dɛ naɡre ba wenaale wa, asɛ a chole Korowii deŋne ta. Waa noa la, bwaawee lawɔ, o ɡel nii le bela baa soɡa la, dɛ chɔɡ o baŋ bɛl.

Nɛra Kura 11:11

Asɛ Mosis pɛɛ Korowii ŋɔ, “N Naa Korowii, bɔkwa waa he kpɔ ɡɛ wahala nɔ dawɛ men maa ɛ he bonɔɔ nɛɛ ken ɔ? Bɔkwaa n ɛ dɛ jo he nɛɛ, he kpɔ ɡɛ nɛra nɔ waa bwa dawɛ n nɛɛ ŋɔ mɛ́ɛ nyiŋi ba nɛɛ nɔɔ?

Nɛra Kura 11:9

Jwaana kɔɔla aa ta bela baa baŋre ba tɛnte deene la, dɛ maana la ɡe le nyundua ba lee.

Nɛra Kura 12:3

Dɛ Mosis ɛ nomɛl waa pwɛra kɛrɛdɛ, dɛ ɡwaa nomɛlbwa harɛ nɔ ta.

Nɛra Kura 12:9

Korowii baah di ba nɛɛ kohona, dɛ kaa ɡel ba.

Nɛra Kura 16:27

Ate, nɛra la le Kora ne Datan dɛ Abiram tɛnte deene la jwɛh. Dɛ Datan ne Abiram ne ba haahna ne bii dɛ bechajeɡre bwa leɔ ba che ba tɛnte deene doonyoo.

Nɛra Kura 21:5

dɛ bol waa yaɡɛ Korowii ne Mosis ŋɔ, “Bɔkwa waa he kpɔ yaa le Ijipt harɛ ta yaa ba ba serewe pua hɛŋle ɡbo harɛ ta ken? Kondikwaa tenten bɛlbwa toole bonɔ, nee ɡe kwaraa toole. Yaa maana nɔ ɡe nyin kpa.”

Amanesoma Mak Aa Chwera Tɔn 10:14

Yeesu aa na ɡɛ baa dɛ ɛ la, o baah di ba nɛ, o ŋɔ ba be ŋɔ, “He bɛ bii la ŋwɛnɛ tɔ. Hé ɡel ba ba n be, dɛkalkɛŋɔ banɔ dɔŋa nɔɔ Korowii koobii la.

Amanesoma Mak Aa Chwera Tɔn 3:5

Asɛ Yeesu nyiŋi ba bwa, o baah di. Gɛ ba liire aa do toŋɡboŋ kohona la ta o sie lɛɛ. Anee o ŋɔ baa la be ŋɔ ó tɛr nɔn. Waa tɛr o nɔn la, dɛ o nɔn la berɔ do kpeɡri.

Mmarare 32:22

N bwaawee ɛɛ iruu kɛŋɔ ninlao, dɛ́ fuh komɛlbwa aa lɔ harɛ nɔ ta. Aa fuuh tel harɛ bini ne bwejena mune bwa.