Nɛra Kura 10:9 - mzwDBL

⁹ Dɛ ba kaa jo ba harɛ ta, asɛ ba dɔma ba puu ba dɛɛ yo aa, bá hoh bɛle la. Men Korowii baa dɛ tom mɛ la ɛɛ lii ba waa, dɛ́ lɛɛ ba le ba dɔma nɔn ta.

Nɛra Kura 10:9 ပူးပေါင်းရင်းမြစ်များ

Mumpar 8:1

Anɔ bwa habɔɔ la, Korowii ta Nowa ne kpɔɡ bini ola, ne kondɛɛra bwa aa ja o nɛɛ dɛ jo daka la bini la waa soɛh. O ɡelɔ peu ta asɛ nee la ɛɛ hweeh.

2 Webena 13:12

Korowii ja ya nɛ, onee ya sitɔɔ. O sɔfore ɛɛ hoh laa bɛlee yerɛ yaa yá ba yo heya. Israel tena, he bɛ Korowii he naawa aa tomɔ yo, haa won pɔ o nɛ.”

2 Webena 13:14

Juda tena laa tena nao kɛŋɔ Israel laa tena la bar ba cheme, belaa ba do lɔŋɔ yerɛ Korowii. Asɛ sɔfore la hoh bɛle,

Yela 106:4

N Naa Korowii, he dɛ ba he nɛra chae yaa, lii n wa, he dɛ ba ba lɛɛ yaa, he cha n ɡe,

Yela 106:42

Ba dɔma fiɡ ba dɛ ɡel ba do ba lɔɡa.

Yela 136:23

Onee lii ya waa dɛ na ya sum, ɡɛ saŋ yaa lɔ wahala ta. O nyina lole saŋ bɛlbwa dɛɛ la.

Aesaya 18:3

Nɛra haa lɔ harɛ ta bwa, hé nyiŋi kɛrɛdɛ, dɛ ba pa fraŋkaa bwe doa aa, hé nao, dɛ́ cheɡ deŋne, dɛ ba hoh bɛla aa, ásɛ he no.

Aesaya 58:1

Korowii ŋɔ, “Kpɔ takpeɡ bol wa, bɛ hel! Gel he taa le kohona kɛŋɔ bɛla! Ŋɔ n nɛra Israel tena be ba deŋnekpeɡ ne ba wechɔɡa baa ɛɛ mɛ la wa.

Jeremia 4:19

Anee Jeremia ŋɔ, “N weweele kan, a kan kohona to! N bwara bwaa dɛɛ wee mɛ mɛɛ beɡre n te. N loo kuu, n bambile ɛɛ lɔ kohona! Maa won tɔ nyoa, dɛkalkɛ n no bɛla sii, dɛ no laa lɔŋɔre.

Jeremia 4:21

Saŋ besoo laa fraŋkaare, ne bɛle hoeh nɔ ɛɛ ba ɡela ɔ?”

Jeremia 4:5

Hé bola Juda ne Jerusalam tena be ŋɔ, ‘Hé hoh bɛla harɛ la bwa ta.’ Hé do lɔŋɔ kohona ŋɔ, ‘Hé boa nyoa. Hé ɡel ya chwa kaa bwɛjena baa ma danjwɛkpeɡa bara la ta.’

Jeremia 49:2

Kɛ tɔpera ane dɛ ba, ásɛ n ɡel nɛra baa lɔ Amɔn harɛ bwɛjen Raba no laa lɔŋɔre. Bwɛjen la ɛɛ paɡroo dɛ́ berɛ dimɡbia, ásɛ o bwɛjeɡre aa baro bwa ɡe fuh. Belaa Israel tena ɛɛ ba banɔ la ba fa aa doŋ ba le ba harɛ ta la doŋa le. Men Korowiirii bola.

Jeremia 6:1

Bɛnjamen dea tena, hé chwa le Jerusalam dɛ́ dɔ he nyu. Hé hoh bɛla la Tekoa, ásɛ dɛ choŋi nii Bɛt Hakerem ɡe, á baɡle kɛ siswɛm balɔ. Wekpeɡa ne harɛchɔɡ le weekaŋle nyunduabɔr dɛɛ ba.

Jeremia 6:17

Belaa men Korowii le nɛra baa dɛɛ daah heya dɛ ŋɔ, ‘Hé cheɡ deŋne dɛɛ no bɛla sii!’ Ate he ŋɔ, ‘Yaa ɡɛɛ sɛh.’

Ɛsekeɛl 7:14

Ba hoh laa bɛla nomɛlbwa kpɔ o te, kɛ nɛn waa la laa toole, dɛkalkɛ n baah di nɛnlaa la bwa nɛ.

Hosia 5:8

Hé hoh laa bɛla Gebea, dɛ́ hooh Rama ɡe. Hé do laa lɔŋɔ Bɛt Avɛn. Bɛnjamen dea tena, hé ir dɛ́ tɔ sie.

Lewi Dea Tena 23:24

“Korobinuanɛ tɔpere waa tɔ sie ta la, hé onɛ dɛ́ bwa cheme bɛle hoeh ne dɛ́ɛ tomɛ men Korowii.

Emɔs 3:6

Laa bɛla sio bwɛjen bɛl ta naa, o nɛra aa ɔmaa? Wechɔɡa ane chiɡ bwɛjen bɛl nɛra nɛ aa, dɛ Korowii laa ɡela a ba ɡɛ naa?

Sefania 1:16

wɛɛ ɛ laa bɛle hoeh tɔperee, ásɛ laa tena lɔŋɔre tɔ. Baa yo bwɛjena baa ma danjwɛkpeɡa bara, a dɔ dejaŋaa.

Nɛra Kura 31:6

Mosis ɡelɔ ba kaa laa la, asɛ sɔfo Eliasa bibaa Fenehas kpɔ laala aa do ɡoroŋ la ane, ne bɛle ba hoh dɛɛ baɡle laa la wa.

1 Kɔrent 14:8

Dɛ ba dɛ hoh laa bɛla ásɛ nɛra no dɛ́ ka yo, dɛ baa on hoh kɛrɛdɛ naa, umee dɛ́ won jemɛ dɛ́ kpɔ o te nɔ?

Mmarare 20:1

Mosis berɔ ŋɔ, “Dɛ he kaa cheme he dɔma laa ta, asɛ dɛ na kɛŋɔ dɔma la torɔɡore baa vɔwɛ jaɡre pɛla la warɔ ɡwaa heya aa, he bɛ ban ɔmɛ. Dɛkalkɛŋɔ Korowii haa dɛ tomɔ o le he ne Ijipt harɛ ta la ɛɛ che he mun taa.

Josua 6:5

Bɛlhoohla la ɛ dɛ́ hoh ba bɛle la kohona, ásɛ nɛra la bwa ɛɛ dooɡe lɔŋɔre kohona. Danjwɛɛ baa mao bar bwɛɛ la ɛɛ choɡluu, ásɛ nomɛlbwa den jo bwɛjen la ta.”

Sitɔɔla 10:12

ne Sidon ne Amalɛk, dɛ Mayɔn tena aa ɛ heyaa hɔhɔrɔwa, he wi yer mɛ la, n laa lɛ heyaa le ba nɔn ta naa?

Sitɔɔla 10:8

ba yoo ba a bena la, dɛ den pɔ ba nɛɛ kwaraa. Ba ɛ Israel tena la bwa baa lɔ Jɔɔdan Moo wee leebɔr, dɛ do Gelead harɛ o fa aa ɛ Amɔre tena la harɛ hɔhɔrɔwa bene fi dɛ anuatoro.

Sitɔɔla 2:18

Saŋ bɛlbwa Korowii aa tɛɛ ba sitɔɔ la, o dɛ chao dɛ́ lɛɛ ba le ba dɔma nɔn ta ɡɛ saŋ sitɔɔ la taa soɡe le la. Korowii dɔ tedoma dɛɛ tɛɛ ba, wii baa dɛ wi hɔhɔrɔwa nɛra aa dɛ ɛɛ ba la wa.

Sitɔɔla 3:27

Waa tel Efrem deŋɡarere harɛ ta la, o hoh bɛla yerɛ Israel tena, asɛ ba teŋɛ o nɛɛ le deŋɡarere la dor o tɔ ba sie ba kaa laa.

Sitɔɔla 6:34

Korowii Doma baa so Gedeɔn nɛ, asɛ o hoh bɛla dɛɛ yerɛ Abeɛsa tena bá ba teŋɛ o nɛ.

Sitɔɔla 6:9

N lawɛ heyaa le Ijipt tena ne nɛra baa dɛ ɛ heyaa hɔhɔrɔwa nɔn ta kpeɡri ne. N doŋi harɛre nɛra le he sie dɛ kpɔ ba harɛ tɛ heya.

1 Samoɛl 10:18

dɛ ŋɔ Korowii Israel tena aa dɛ tomɔ la ŋɔ, “Menee lawɛ heyaa le Ijipt harɛ ta, dɛ lɛ heyaa le Ijipt tena ne harɛfala nɛra baa dɛ fiiɡi heyaa nɔn ta.