Nɛra Kura 10:29 - mzwDBL

²⁹ Dɛ Mosis helabaa sɔne Jetro dɛ ɛ Midian te. O bibaa sɔne Hobab. Awola bɛl, Mosis ŋɔ Hobab be ŋɔ, “Ya dɛ ba ira kaa harɛ Korowii aa ŋɔa wɛɛ kpɔɔ tɛ yaa la ta. O baɡɛ yaa nyoa ŋɔ bela ɛɛ do werii tɛ yaa. Yaa ka nyiŋi kɛrɛdɛɛ, anomanta, ɡel ya ne he kaa.”

Nɛra Kura 10:29 ပူးပေါင်းရင်းမြစ်များ

Mumpar 12:7

Belaa Korowii ba Abram be dɛ ba ŋɔ, “Harɛ nɔɔ mɛɛ ba kpɔe tɛ he naanar.” Anomanta, Abram pa bwea dawɛ dɔŋa nɛ bobɛl, dɛ kwaa saraha kon dɛ kpoo kwaa dɛɛ tɛ Korowii bela, kpɔe Korowii aa kpɔ o te baɡlo la wa.

Mumpar 13:15

A ɡɛ harɛ nɔ bwaa mɛɛ ba kpɔe tɛ he ne he naanar ó den ɛ he kon saŋ bɛlbwa dɛɛ la.

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

Mumpar 17:8

Mɛɛ tɛ he ne he naanar Keenan harɛ haa ɛ hɔɔhra dɛ so o ta taraken nɔ bwaa, ásɛ o ɛ he kon saŋ bɛlbwa dɛɛ la, ásɛ n ɛ Korowii haa dɛɛ tom mɛ.”

Mumpar 32:12

Henee ŋɔa ŋɔ hɛɛ ɡeloo he naanar warɛ kɛŋɔ, mpo nyoa hɛŋle nomɛlbwa aa wola won kur ba.”

Yela 100:1

Harɛ nɔ nɛra bwa, hé ɡo silɛɛ yela kpɛɛ Korowii.

Yela 34:8

Hé daɡɛ Korowii waa la, dɛ́ na kɛ o wer, nɛra baa chwaa kaa marɔ la, ba na som.

Yela 95:1

Hé ba ya kpɛɛ Korowii! Hé ɡel ya ɡo silɛɛ yela kpɛɛro, onee do kɛ Bwetal ya chwa kaa marɔ.

Kaala 18:1

Mosis helabaa Jetro waa ɛ Midian harɛ sɔfo la, no Korowii waa waa ɛa tɛ Mosis ne o nɛra Israel tena, dɛ kpɔ ba le Ijipt harɛ ta la wa.

Kaala 18:12

Ate, Jetro kpɔ kon waa fuh ɛ saraha ne saraha kwaa ane ɡe ba tɛ Korowii. Asɛ Arɔn ne Israel nomonome bwa le ba, asɛ ba ne o di kwa Korowii sie.

Kaala 18:27

Ate, Mosis ka do o helabaa Jetro ŋwɛnɛ o kaa o bwɛ.

Kaala 2:18

Bihaahna la aa bera la dem ba mɛɛ be la, o bɔɔ ba ŋɔ, “Ɛrɛɛ fini te he ba warane ken?”

Kaala 2:21

Ba kaa yerɛ Mosis ó ba, waa bala la o sie baa lɛ kɛŋɔ wɛɛ so ba bee. O ne baa soɡa la sie tama la, sɔfo Jetro lawɛ o bihaah Sepora tɛo o mo.

Kaala 3:1

Awola bɛl, Mosis kpɔ o helabaa Jetro waa ɛ Midian sɔfo la kondɛɛra kaa di bɔr. O teɡa ka ɡarɛ pua hɛŋle ɡbo harɛ ta, dɛ ka le bwe waa do ɡoroŋ baa yerɔ Sinai la ta.

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Kaala 6:4

Asɛ n ne ba fɔwɛ fɔo kɛŋɔ mɛɛ kpɔ Keenan harɛ baa soɡe o ta kɛŋɔ hɔɔhra laanee tɛɛ ba ó ɛ ba kon.

Aesaya 2:3

Nɛra ɛɛ warɔɔ dɛ́ ka ŋɔ, “Hé ba ya kaa Korowii Saayɔn Bwejen la doa Jerusalam, Korowii Jekɔb aa tomɔ la Dea. Wɛɛ baɡle yaa o ŋwɛnɛree, ásɛ yaa valɛ o webaɡla ta.” Saayɔn Bwejen taa o Mmarare ɛɛ ba lee, bá bol baɡle o nɛra Jerusalam bela.

Jeremia 50:5

Baa bɔɔ Saayɔn ŋwɛnɛ waa, dɛ́ kpɔ sie chaɡɛ bela kaa. Baa kpɔ ba tenee ba pɛl men Korowii, ásɛ n ne ba fɔwɛ fɔo waa do le saŋ bɛlbwa dɛɛ la, baa wola o waa soh bwa.

Nɛra Kura 10:28

Israel tena vala baa valɔ la, ɡɛɛ ba valɔ denaa ta.

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

We-ɛɛla 7:5

A ɡɛ saŋ la, Korowii ta harɛ la pera teŋe tɛ Abraham kɛŋɔ ó ɛ o ɡe kon nɔ. O ta naɡale beŋkpoŋ del kwara teŋe tɛo. Kɛ Korowii baɡɔ nyoa ŋɔ wɛɛ kpɔɔ tɛo, ásɛ harɛ la ɛ o ne o naanar kon. A ɡɛ saŋ la Korowii aa baɡɛ Abraham nyoa nɔ la, dɛ o ta bii dɔe mɔɔ.

Mmarare 30:5

Ásɛ he berɛ ba kpɔ harɛ he naawa fa aa soɡe o ta wubwa la so ó ɛ he kon. Wɛɛ berɔɔ ɡel he do wer dɛ́ warɛ ɡwaa ɡɛ he naawa fa aa doa la.

Mmarare 4:40

Hɛ́ɛ teŋɛ o Mmarare bwa maa dɛ bol he be fini nɔ ta, ásɛ a do wer tɛ he ne he bii ne naanar baa ka ba, ásɛ he won so harɛ waa kpɔa dɛɛ ba heyaa tɛɛ la ta saŋ bɛlbwa.”

Taetos 1:2

Korowii mkpa aa wola jaɡa dɔe la hwɛɡaa n dɔ. Korowii waa wola nyosone teŋe laanee baɡɛ ɡɛ mkpa nɔ nyoa bil mɔɔ dɛ ta komɛlbwa.

Hibru 6:18

Korowii baɡɛ nyoa dɛ ŋwɛɛ o tenten ja. Webele anɛ nɔ ɡelɔ nyobaɡa la do kpeɡri, dɛkalkɛŋɔ Korowii aa won teŋe nyosone. Anee dɛ do ya nɛra yaa ba Korowii be ŋɔ ó lɛ yaa la ɡbemba, ásɛ ya won do kpeɡri ya hwɛɡa yaa dɛ hwɛɡɛ o nɛɛ la ta.

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.

Sitɔɔla 1:16

Mosis helabaa naanar Ken tena le Jeriko, dɛ ba ja Juda dea tena nɛɛ ba ka so pua hɛŋle ɡbo harɛ nɛra bini waa lɔ Nɛɡɛv, dɛ bɛne bwɛɛ Arad.

Sitɔɔla 4:11

Dɛ baa bɛl sɔne Heba dɛ ɛ Ken te. O le o nɛra bini dɛ ka baŋre o tɛnte dea dajen bɛl waa cheɡɛ Saananim dɛ bɛne Kedes mun. Ken tena nɔ ɛ Mosis menchoro Hobab naanar.

1 Samoɛl 15:6

O kah Ken tena ba ne baa soɡa la ŋɔ, “Hé le Amalɛk tena la bini kaa, ásɛ n bɛ pɛ kpo he ne ban. Israel tena aa le Ijipt harɛ ta dɛɛ ba la, hé nyin ba wa.” Asɛ Ken tena la le ba bini kaa.