Nɛra Kura 1:53 - mzwDBL

⁵³ Kɛ Léwi dea tena la te baŋre ba tɛnte deene bar n Tɛnte Dea la, ásɛ n bandia bɛ Israel tena la bwa nɛɛ ba. Lewi dea tena laanee chɛ kɛŋɔ báa nyiŋi n Tɛnte Dea la bwa ta.”

Nɛra Kura 1:53 ပူးပေါင်းရင်းမြစ်များ

1 Webena 23:32

Gɛɛ Lewi dea tena ɛ ba tomare baa kpɔa do ba nɔn ta Korowii Dea Cheremibɔr la bini ne Boɡoroŋ bela, ba do Arɔn naanar lɔɡa, dɛɛ cha ba Korowii Dea bela.

2 Webena 13:10

Ya te, Korowiirii yaa tomɛ, ya ta on vɛɛh. Arɔn naanar ɛ sɔfore dɛɛ ɛ Korowii toma, asɛ Lewi dea tena ɡe ɛɛ cha ba.

2 Webena 13:11

Chɔɔ ne jɔmɔra bwaa ba kpɔ saraha kwaa ba baa fuh, dɛ fuh daawiile a sɔɔh aa soma dɛɛ tɛ Korowii. Ba kpɔ paanoo dɛɛ dawɛ teebur waa do ɡoroŋ doŋa bɛlbwa aa wola toole o ta, dɛ choŋi kandere aa lɔ kandea daa baa kpɔ suuɡaswɛm ɛo jɔmɔra bɛlbwa. Ya dɛ ɛ waa Korowii yaa dɛ tomɔ la aa do yaa, kɛ he te vɛoh.

Jeremia 23:15

Anomanta, Koranar Bwa Kooro bol keamere baa lɔ Jerusalam waa ŋɔ, “Mɛɛ do tɛɡchɔɡa kondikwaa taa bá di, dɛ́ do ane ɡe nee ta bá nyɔ, dɛkalkɛ ba ɡelɔ nɛra aa men tomɛ harɛ la ta bobɛlbwa.”

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Lewi Dea Tena 10:6

Belaa o ŋɔ Arɔn ne o bibaala Eliasa ne Itama be ŋɔ, “He bɛ he batakaani kɛɛ á baɡle kɛŋɔ he dɛ ɛ lwe. Hé lee he nyuune. He ɛ ɡɛ naa, hɛɛ serewoo ásɛ Korowii baah di nɛra nɔ bwa nɛ. Kɛ he lolanar ne Israel tena te bwa dɔ ŋwɛnɛ kɛŋɔ ba ɛ lwe, nii Korowii aa ɡela a ba kpoo ɡɛ nɛra nɔ wa.

Nɛra Kura 1:50

Kɛ kpɔ n Tɛnte Dea, ne laala aa lɔ o bini dɛ o komɛlbwa do Lewi dea tena la nɔn ta bá chɔ a nyoa. Banee dɛɛ ba baa che o ne laala aa jaa bwa. Banee dɛ́ nyiŋi o ta dɛ́ baŋre ba tɛnte deene baro.

Nɛra Kura 1:54

Israel tena la ɛ ɡɛ waa nɔ bwa kɛrɛdɛ ken, ɡɛ tenten Korowii aa do Mosis la.

Nɛra Kura 16:46

Belaa Mosis ŋɔ Arɔn be ŋɔ, “Kpɔ kon baa dɛ fuh daawiile o bini la dɛ́ do ane o ta, dɛ́ buh nii le saraha kon la ta do o ta. Ɛ warane kpɔ kaa nɛra la baah ta, dɛ́ ka soŋe ba wechɔɡa Korowii be ó kpɔ kɛ ba. Korowii baah di ba nɛ, weechɔɡa la pa mun ba bini.”

Nɛra Kura 16:9

Korowii Israel tena aa dɛ tomɔ aa pere heyaa le he bala Israel tena bini, dɛ kpɔ heyaa bɛno ŋɔ hɛ́ɛ ɛ o Tɛnte Dea la toma, dɛ́ berɛ che Israel tena bwa sie, dɛ́ cha ba baa tomɛ Korowii ɡɛ aa chɛa la, a ɡbo ta maɡraa?

Nɛra Kura 17:7

Ate, Mosis pa ka teɡli Korowii Tɛnte Dea, O Ne Nɛwɛnyina Fɔo Daka la sie.

Nɛra Kura 2:17

Dɛ Israel tena dɛ iraa, Lewi dea tena la dɛ che n Dea Cheremibɔr ne o laala, dɛ́ do banɔ la baa tɔ sie ne banɔ la baa ka mun ta la baah ta, ba bwa ɛɛ kaa. Gɛ ba bɛlbwa aa pɛa dɛ so la, ɡɛ tentenee dɛ ba iro dɛɛ kaa bofale aa, baa teŋɛ dɔŋa nɛ, bɛlbwa ne o fraŋkaa.

Nɛra Kura 3:23

Gɛsɔn naanar la chɛ kɛ bá baŋre ba tɛnte deene Korowii Tɛnte Dea la habɔɔ wee cholibɔr.

Nɛra Kura 3:29

Banee chɛ kɛ bá baŋre ba tɛnte deene Korowii Tɛnte Dea la habɔɔ weekaŋle harɛbɔr pera.

Nɛra Kura 3:35

Abihail bibaa Suriel ɛ Merari dea bii bwa nomoa. Banee chɛ kɛ bá baŋre ba tɛnte deene Korowii Tɛnte Dea la habɔɔ weekaŋle nyunduabɔr pera.

Nɛra Kura 3:38

Mosis ne Arɔn ne o bibaala chɛ kɛ bá baŋre ba tɛnte deene Korowii Tɛnte Dea la sie wee leebɔr. Banee dɛɛ ba báa ɛ Boɡoroŋ bela toma, dɛ́ɛ tɛ Israel tena bwa. Nomɛlbwa waa ɛ Mosis toma ne sɔfo Arɔn toma la chɛ kɛ bá kpoo.

Nɛra Kura 31:30

Israel tena la ɡe kwaa la, hé lɛ nɛra ne nae ne keeɡore, ne peera ne boohna dɛ kondɛɛre te bɛlbwa ta, fifraanunue bini bɔrbeŋkpoŋa dɛ́ kpɔ tɛ Lewi dea tena baa dɛ ɛ n Tɛnte Dea la toma dɛɛ nyiŋi o ta la.”

Nɛra Kura 31:47

Israel tena baa wola laa la laŋɛ kwaa baa dɔa laa ta la, Mosis kpɔ nɛmbeŋkpoŋ le nɛra fifraanue bɛlbwa bini, ne kondɛɛra fifraanue bɛlbwa bini, dɛ́ kpɔ tɛ Lewi dea tena baa dɛ nyiŋi Korowii Tɛnte Dea la ta dɛɛ ɛ o toma la.

Nɛra Kura 8:19

Israel tena bwa bini la, Lewi dea tenaa n kpɔ do Arɔn ne o bibaala nɔn ta baa cha ba, dɛ́ che Israel tena naa ta dɛɛ ɛ toma n Dea Cheremibɔr bela. Bá soŋe ba wechɔɡa men Korowii be dɛɛ tɛɛ ba, ásɛ dɛ bɛlbwa la Boɡoroŋ la jwɛɛh kwara naa, weechɔɡa bɛlbwa bɛ on pu.”

2 Timoti 4:2

hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba.

1 Samoɛl 6:19

Korowii kpoo Bɛt Sɛmɛs baala fifraanuanɛ, nyiŋa baa kaa nyiŋi Korowii Ne Nɛwɛnyina Fɔo Daka la bini la wa. Bela tena la wii ba kohona, Korowii kpoe waa kpo ba la wa.