Nɛra Kura 1:51 - mzwDBL

⁵¹ Saŋ bɛlbwa aa chɛ kɛŋɔ bá kpɔ n Tɛnte Dea la kaa bobɛl la, Lewi dea tena laanee chɛ kɛŋɔ bá foromu. Dɛ a chɛ kɛŋɔ bá baŋro ɡe aa, banee dɔ o baŋra. Nomɛlbwa waa wola dea la ta jae bɛne belaa, bá kpoo.

Nɛra Kura 1:51 ပူးပေါင်းရင်းမြစ်များ

2 Samoɛl 6:7

Korowii baah di Ussa nɛɛ kohona, dɛkalkɛ o kono kɛ waa lawɛ Korowii Ne Nɛwɛnyina Fɔo Daka la kpoŋe la. Anomanta, Ussa sewɔ chɔ Korowii Fɔo Daka la keŋkeŋ.

Nɛra Kura 10:11

Israel tena aa le Ijipt harɛ ta bennɛɛte korobie anɛ, tɔpera fifraanɛ habɔɔ la, bam la le Korowii Tɛnte Dea la nyundua bela.

Nɛra Kura 16:40

ɡɛ Korowii aa cheɡɛ Mosis nɛɛ dɛ baɡle Eliasa la. Anɔɔ dɛ́ ja Israel tena kɛ nomɛlbwa waa wola Arɔn naa mun leɛ ta chɛ kɛ ó la Korowii sie ka fuh daawiile. Bɛlbwa ɛ ɡɛ naa, Kora ne o bala waa aa puu ba laanee wɛɛ ba nae.

Nɛra Kura 17:13

Nomɛlbwa waa bɛne Korowii Tɛnte Dea la kwaraa ɛɛ sewɔɔ. Ya bwa dɛ ba tona!”

Nɛra Kura 17:5

Naate máa leo ó ɛ sɔfo la, o daŋɡbala la ɛɛ moɡɛ papoonii, ásɛ n teŋe saŋ bɛlbwa naɡra Israel tena aa dɛ naɡre he waa a pe mɛ la ta.”

Nɛra Kura 18:22

Le fini dɛɛ kaa, dɛ Lewi dea tena laa aa, Israel te bɛlbwa bɛ n Dea Cheremibɔr bela bɛne. Aa ɛ wechɔɡaa dɛ́ kaa naate ne seo ta.

Nɛra Kura 18:3

Ba toma ɛɛ bwa lɔ he nɔn ta. Gel ba nyiŋi kɛrɛdɛ dɛɛ ɛ toma bɛlbwa sese aa lɔ n Tɛnte Cheremibɔr dembaah bela la bwa. Kɛ ɡel ba nyiŋi kɛrɛdɛ dɛ bɛ laala baa kpɔa kwaa Boɡoroŋ la bini, kɛɛ kon baa dɛ ɛ saraha o ta la ba leɡe. A ba ɡɛ naa, he ne ba bwa ɛɛ serewoo.

Nɛra Kura 18:4

Lewi dea tena la chɛ kɛŋɔ bá ba ja he nɛ, dɛɛ ɛ toma bɛlbwa sese aa lɔ n Dea Cheremibɔr bela. Kɛ nɛmpɛɛ bɛlbwa ta chɛ kɛŋɔ ó ba bela haa lole la.

Nɛra Kura 18:7

He ne he bibaala la ɡboo chɛ kɛ hé ɛ sɔfore toma kon baa dɛ ɛ saraha o ta ne pateesan la bini toma. N kpɔ sɔfore toma la dɛɛ kɛ heya. Nɛmpɛɛ bɛlbwa waa ba Boɡoroŋ la jwɛɛh la chɛ kɛ bá kpoo.”

Nɛra Kura 3:10

Le Arɔn ne o bibaala dɛ́ kpɔ sɔfore toma la do ba nɔn ta. Nomɛlbwa waa wola sɔfo ɛɛ dɛɛ ɛ sɔfo toma la chɛ kɛŋɔ bá kpoo.”

Nɛra Kura 3:38

Mosis ne Arɔn ne o bibaala chɛ kɛ bá baŋre ba tɛnte deene Korowii Tɛnte Dea la sie wee leebɔr. Banee dɛɛ ba báa ɛ Boɡoroŋ bela toma, dɛ́ɛ tɛ Israel tena bwa. Nomɛlbwa waa ɛ Mosis toma ne sɔfo Arɔn toma la chɛ kɛ bá kpoo.

1 Samoɛl 6:19

Korowii kpoo Bɛt Sɛmɛs baala fifraanuanɛ, nyiŋa baa kaa nyiŋi Korowii Ne Nɛwɛnyina Fɔo Daka la bini la wa. Bela tena la wii ba kohona, Korowii kpoe waa kpo ba la wa.