Nɛra Kura 1:50 - mzwDBL

⁵⁰ Kɛ kpɔ n Tɛnte Dea, ne laala aa lɔ o bini dɛ o komɛlbwa do Lewi dea tena la nɔn ta bá chɔ a nyoa. Banee dɛɛ ba baa che o ne laala aa jaa bwa. Banee dɛ́ nyiŋi o ta dɛ́ baŋre ba tɛnte deene baro.

Nɛra Kura 1:50 ပူးပေါင်းရင်းမြစ်များ

2 Webena 24:6

Anomanta, o yerɛ Sɔfonomoa Jehoiada dɛ ŋɔ o be ŋɔ, “Ɛrɛɛ he ta nyiŋe Lewi dea tena la Juda ne Jerusalam, dɛ ka lɛ benanyoa bɛlbwa toɔ, Korowii bonɔɔ Mosis ne Israel tena bwa aa ŋɔa bá ka lɛ ba kwaa Korowii Dea Cheremibɔr laɔ?”

Nehemia 12:22

Ba chwerɛ Lewi dea nomonnyuune ne sɔfore sɔna bil ɡɛ saŋ Sɔfonomonome ba sɔna aa teŋa nɔ aa lole. Banee, Eliasib ne Joiada ne Johanan, dɛ Jadua. Ba chwerɛ ɡɛ sɔna nɔ tonɛ ɡɛ saŋ Koojen Dareɔs aa di kora Pɛɛsea harɛ ta.

Nehemia 12:47

Anomanta, le Sɛrobabɛl ne Nehemia bere saŋ bwaa Israel tena le, dɛɛ tɛ yelɡoola ne nɛra baa dɛ daah Korowii Dea kwa tɔpere bɛlbwa. Ba kpɔ saraha kwaa aa do ɡoroŋ dɛɛ tɛ Lewi dea tena, ásɛ ba ɡe kpɔ anɔ la aa chɛ sɔfore baa ɛ Arɔn naanar kwaa tɛɛ ba.

Nehemia 12:8

Lewi dea tena ɡe sɔnaa, Jesua ne Binui ne Kadmiel, ne Sɛrebea ne Juda dɛ Matania, ne o bala baa ja o nɛ. Banee chɔ yela baa ɡoa dɛɛ kpɛɛ Korowii Dea la nyoa.

Nehemia 13:22

Asɛ n ŋɔ Lewi dea tena la be ŋɔ, bá sɔ ba doŋa bwa ta Korowii be pera, dɛ́ kaa daah doonyoa la, ɡɛ aa ɛ ásɛ ba di Ona Tɔpere la, o do ɡoroŋ. N Naa Korowii, lii n waa anɔ ɡe ta ja, dɛ́ sune n nɛɛ ɡɛ he nyina kohona aa doa la.

Nehemia 13:5

Asɛ Eliasib kpɔ dejen ba fa aa dɛ cheɡ mea baa kpɔa ba ɛ saraha ne daawiile, ne laala bwa soo siwi aa lɔ Korowii Dea, ne mea baa bɔne a bini bɔre fi bini bɔrbeŋkpoŋa, ne senfala dɛ ɔleve noo aa chɛ kɛ ba kpɔ tɛ Lewi dea tena, ne Korowii Dea yelɡoola dɛ nɛra baa dɛ nyiŋi doonyoo ta, dɛ anɔ la baa kpɔ tɛ sɔfore bwa, do Tobia nɔn ta.

Yela 122:4

Belaa Israel deene bwa ɛɛ cheme dɛɛ kpɛɛ Korowii, ɡɛ waa do ba la.

Kaala 31:18

Korowii aa bol waa chaɡle Mosis Sinai Bwejen ta tonɛ la, o kpɔ bwepɛle anɛ o ɡbabir aa kpɔ o nɔn ɛ o Mmarare dawɛ a ta la tɛo.

Kaala 38:21

Gɛɛ koŋkwaa baa kpɔa kwaa Korowii Tɛnte Dea waa do. Mosisii do Lewi dea tena asɛ ba chwera bil. Arɔn waa ɛ sɔfo la, o bibaa Itamaa tɔ ba sie ba chwera.

Nɛra Kura 1:53

Kɛ Léwi dea tena la te baŋre ba tɛnte deene bar n Tɛnte Dea la, ásɛ n bandia bɛ Israel tena la bwa nɛɛ ba. Lewi dea tena laanee chɛ kɛŋɔ báa nyiŋi n Tɛnte Dea la bwa ta.”

Nɛra Kura 10:21

Kohat dea tena laanee cheɡɛ Korowii Tɛnte Dea la bini laala aa do ɡoroŋ dɛ ɡe teŋɛ. Gɛrsɔn ne Merari dea tena la dɛ baŋre Korowii Tɛnte Dea la mɔɔ Kohat naanar yon tel bela.

Nɛra Kura 17:7

Ate, Mosis pa ka teɡli Korowii Tɛnte Dea, O Ne Nɛwɛnyina Fɔo Daka la sie.

Nɛra Kura 18:5

He ɡbabir chɛ kɛŋɔ hé nyiŋi Boɡoroŋ la ne kon baa dɛ ɛ saraha o ta la ta, ásɛ n baah bɛ Israel tena la nɛɛ ba di kpa.

Nɛra Kura 2:17

Dɛ Israel tena dɛ iraa, Lewi dea tena la dɛ che n Dea Cheremibɔr ne o laala, dɛ́ do banɔ la baa tɔ sie ne banɔ la baa ka mun ta la baah ta, ba bwa ɛɛ kaa. Gɛ ba bɛlbwa aa pɛa dɛ so la, ɡɛ tentenee dɛ ba iro dɛɛ kaa bofale aa, baa teŋɛ dɔŋa nɛ, bɛlbwa ne o fraŋkaa.

Nɛra Kura 20:11

Ate, o ɡɔɔ daŋɡbala la lɔ bwe la kera anɛ, asɛ nee palɛ le bwe la ta yɔɔ ken, ba ne ba kondɛɛra bwa nyɔ.

Nɛra Kura 4:15

Dɛ he dɛ ba ira kaa bofale, asɛ Arɔn ne o bibaala tɔ laala aa do ɡoroŋ ne kwaa aa do ɡoroŋ baa kpɔa dɛɛ ɛ toma la ta tonaa, mɔɔ Kohat naanar ká kpɔ che kaa. Kɛ ba bɛ a ɡɛ kwaa aa do ɡoroŋ la leɡe, ásɛ dɛ ba sewɛ. Banee dɔ ŋwɛnɛ kɛ bá che n Dea Cheremibɔr laala ne o koŋkwaa bwa.

Nɛra Kura 4:3

Kure baala baa di bene fifraatoro ka tel bene fifraanue, baa dɛ ba wona ɛ n Dea Cheremibɔr la toma.

Nɛra Kura 8:19

Israel tena bwa bini la, Lewi dea tenaa n kpɔ do Arɔn ne o bibaala nɔn ta baa cha ba, dɛ́ che Israel tena naa ta dɛɛ ɛ toma n Dea Cheremibɔr bela. Bá soŋe ba wechɔɡa men Korowii be dɛɛ tɛɛ ba, ásɛ dɛ bɛlbwa la Boɡoroŋ la jwɛɛh kwara naa, weechɔɡa bɛlbwa bɛ on pu.”

Nɛra Kura 8:20

Gɛ Korowii aa do Mosis la, ɡɛɛ o ne Arɔn dɛ Israel tena bwa ɛ Lewi dea tena la.

Nɛra Kura 8:22

Baa ɛ ɡɛ tonɛ la, Lewi dea tena pa mun kaa ɛ toma Korowii Dea Cheremibɔr bela, asɛ Arɔn ne o bibaala ɛɛ nyiŋi ba nɛ. Gɛ Korowii aa do Mosis ŋɔ bá ɛ Lewi dea tena la, ɡɛɛ ba ɛ.

Wepila 15:5

Anɔ habɔɔ la, n berɔ na Korowii Dea waa lɔ nyundua la baa pilu cheɡ. Korowii Dea Cheremibɔr baa baŋro wɛɛ baɡle kɛŋɔ Korowii lɔ o nɛra bini laanee.