Nɛra Kura 1:46 - mzwDBL

⁴⁶ Dɛ ba bwa lɔ nɛra kaɡboŋa lafraanumɛl dɛ batoro, lafraanue fifraanue.

Nɛra Kura 1:46 ပူးပေါင်းရင်းမြစ်များ

Nɛra Kura 26:51

Israel baala bwa baa kur ba la lɔ kaɡboŋa lafraanumɛl dɛ beŋkpoŋ, lafraanuanɛ fifraatoro.

Kaala 38:26

Baala la bini bɛlbwa waa di bene fifraanɛ kɛɛ dɛ ɡwaa la, lɔ nɛra kaɡboŋa lafraanumɛl dɛ batoro, ne lafraanue fifraanue. Ba bini bɛlbwa kpɔ suuɡapoŋ fah ɡɛ baa maɡa bil Korowii Tɛnte Dea la dɛ kpɔ cha.

Kaala 12:37

Israel tena le Rameses waa lɔ Ijipt harɛ ta dɛ ba Sukot. Baala baa valɛ naa ta la ɡbo ɛɛ ɛ kaɡboŋa lafraanumɛlee. Haahna ne bechale te ta jae.

Nɛra Kura 2:32

Israel tena baa kure ba deene nɛra bwa laanee la. Dɛ he kpɔ debele atotoro baa kura la dɛ ja dɔŋa nɛ aa, ba bwa lɔ kaɡboŋa lafraanumɛl dɛ batoro lafraanue fifraanue.

2 Webena 13:3

Kooro Abija kpɔ laa tena baa jemɛ yoi kaɡboŋa lafraanaarɛ, asɛ Kooro Jɛroboam ɡe kpɔ laa tena baa jemɛ yoi kaɡboŋa lafraanuatoro, ba ka cheme dɔŋa.

1 Webena 21:5

Joab ba kooro be ba baɡle laa tena la nyoa baɡlo ŋɔ Israel harɛ ta ɡbo, ba lɔ laa tena kaɡboŋa bele kaɡboŋ, dɛ kaɡboŋa lafa, asɛ Juda harɛ ta ɡe kaɡboŋa lafraanaarɛ fifraanuanɛ.

1 Koranar 4:20

Kooro Solomɔn bere saŋ dɛ Juda ne Israel tena warɔ kɛŋɔ mpo nyoa hɛŋle ken. Kɛ dɛ bɛlbwa dɔɔ dɛɛ di dɛɛ nyɔ, ba sie ɛɛ lɛ.

2 Samoɛl 24:9

Joab ba kooro be ba baɡle laa tena la nyoa baɡlo ŋɔ, Israel harɛ ta ɡbo, ba lɔ laa tena kaɡboŋa lafraanuatoro, asɛ Juda harɛ ta ɡe, ba lɔ baala kaɡboŋa lafraanue.

Mmarare 10:22

He naawa ba fa aa kaa Ijipt harɛ ta la, dɛ ba lɔ nɛra fifraanuanɛ ɡbo. Kɛ taraken Korowii ɡelɔ he mun ya he warɛ kɛŋɔ weweela ken.”

Nɛra Kura 23:10

Umee dɛ́ won kure Israel tena ɔ? Dɛ he bɔne ba bini bɔre anaarɛ kwaraa naa, umee dɛ́ won jemɛ ba nyoa ɔ? N dɛ nyin n sewɛ kɛ nɛra ba wa aa toɡra, ɡel n seo do kɛ ban!”

Mumpar 28:14

He naanar ɛɛ warɔɔ kɛŋɔ harɛ nɔ ta teera, dɛ́ yɛɛ kaa harɛ nɔ ta bobɛlbwa. He ne he naanar nɛɛ aa ba cheɡa, ásɛ n swee andɛɛɡa tɛ harɛ nɔ ta nɛra bwa.

Mumpar 26:3

So bonɔ tama. Mɛɛ che he mun taa dɛ́ tɛɛ hɛɛra, dɛkalkɛŋɔ he ne he naanaree mɛɛ ba ń kpɔ harɛ nɔ bwa tɛ, ɡel n nyoa maa baɡɛ he mɛɛ Abraham la che kɛrɛdɛ.

Mumpar 22:17

mɛɛ tɛɛ hɛɛra tentenee. Mɛɛ ɡeloo he naanar warɛ kɛŋɔ weweela ne mpo nyoa hɛŋle. He naanar ɛɛ yoo lɛ ba dɔma bwɛɛre dɛɛ di a kpeɡri,

Mumpar 17:6

Mɛɛ ɡeloo he naanar ya taeh, ásɛ a che he nɛɛ nɛra warɛ harɛre ta, ásɛ ba bini bane ɛ koranar.

Mumpar 15:5

O nao kɛŋɔ Korowii aa lawɔ le buse dɛ ka ŋɔ, “Ha sie nyiŋi nyundua, dɛ́ na ɡɛ weweela aa wara, hɛɛ won kura aa? Gɛɛ mɛɛ ba ɡela he naanar warɛ.”

Mumpar 13:16

Mɛɛ ɡeloo he naanar warɛ kɛŋɔ hɛŋle ken, nomɛlbwa aa wola won jemɛ ba nyoa bwa.

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Nɛra Kura 1:45

Israel baala baa di bene fifraanɛ kɛɛ dɛ ɡwaa dɛ́ won ka yo laa la, ba kur ba ɡɛ baa chwerɛ ba sɔna ba lolanar bini.

Nɛra Kura 14:29

Hɛɛ serewoo pua hɛŋle ɡbo harɛ nɔ ta. Bɛlbwa waa di bene fifraanɛ ne a habɔɔ ba kuro dɛ chwerɛ o sɔn, asɛ o naɡre n waa laanee dɛɛ ba sewa.

Nɛra Kura 11:21

Belaa Mosis ŋɔ, “Nɛra n ne baa dɛ valɛ nɔ lɔ baala kaɡboŋa lafraanumɛl, ɡɛɛ he ŋɔ hɛɛ tɛɛ baa olaa korobibir bwa naa?