Nɛra Kura 1:36 - mzwDBL

³⁶ Bɛnjamen naanaree, baala baa dɔ bene fifraanɛ ne a habɔɔ dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.

Nɛra Kura 1:36 ပူးပေါင်းရင်းမြစ်များ

Mumpar 44:20

Asɛ ya chaŋe ŋɔ ya dɔ mɛɛ o hwɛɛh dɛ dɔ nime bɛl ɡe. Ya mɛɛ aa hwɛɛhra la taa o lolɔ, asɛ o dɔɔ o ne waa pɛ nya la sewɛ a ka o ɡbo, anomanta, o mɛɛ dɛ nyin o waa taeh.

Mumpar 46:21

Bɛnjamen ɡe bibaalaa nɔ, Bɛla ne Bɛka ne Asbɛl ne Gɛra ne Naaman ne Ehi ne Rɔs ne Mupim ne Hupim dɛ Aad.

Mumpar 49:27

Bɛnjamen do kɛŋɔ noniete o sie aa beɡre ol lawa dɛ́ di. Chɔɔ ne jɔmɔra bwaa o te ɛɛ kpoo ola dɛɛ dia.”

2 Webena 17:17

Dɛ le Bɛnjamen dea ɡe, Eliada waa jemɛ yoi kohona, o chɔ laa tena kaɡboŋa lafraanɛ baa kpoŋe tori ne hɛma, ne kwaa baa kpɔa dɛɛ tɔ ɡbemɡbe dɛɛ yo laa nyoa.

Nɛra Kura 1:35

Manasɛ dea tena lɔ kaɡboŋa fifraatoro dɛ banɛ lafraanɛ.

Nɛra Kura 1:37

Bɛnjamen dea tena lɔ kaɡboŋa fifraatoro dɛ banue lafraanaarɛ.

Wepila 7:8

O do Sebulon dea nɛra kaɡboŋa fi dɛ banɛ, dɛ do Josef dea nɛra kaɡboŋa fi dɛ banɛ, asɛ Bɛnjamen dea ɡe, o do nɛra kaɡboŋa fi dɛ banɛ nso.

Sitɔɔla 20:15

Buɡ la ta, Bɛnjamen dea tena boa laa tena kaɡboŋa fifraanɛ dɛ banumɛl nyoa le ba bwɛɛre ta ba kpoŋe tokobie, dɛ kpɔ ja baala lafraanuanɛ baa lee ba le Gebea bela la nɛ.