Nɛra Kura 1:3 - mzwDBL

³ Hé ne Árɔn kur ba ɡɛ. Hé kure le baala baa dɔ bene fifraanɛ ne a habɔɔ dɛ́ won la laa.

Nɛra Kura 1:3 ပူးပေါင်းရင်းမြစ်များ

2 Samoɛl 24:9

Joab ba kooro be ba baɡle laa tena la nyoa baɡlo ŋɔ, Israel harɛ ta ɡbo, ba lɔ laa tena kaɡboŋa lafraanuatoro, asɛ Juda harɛ ta ɡe, ba lɔ baala kaɡboŋa lafraanue.

1 Webena 5:18

Rubin ne Gad dɛ Manasɛ dea pera tena lɔ baala kaɡboŋa fifraanaarɛ dɛ banaarɛ, lafraanuanɛ fifraanumɛl baa dɛ ba wona yo laa. Ba ɛ baala baa dɛ ba wona kpoŋe kwaa baa kpɔa dɛɛ tɔ ɡbemɡbe, dɛɛ yo laa ne keri ne tori, dɛ dɔ laa yoi wejema.

2 Webena 25:5

Kooro Amasea boa baala bwa baa lɔ Juda ne Bɛnjamen deene, dɛ le ba nomonnyuune ba chɔ laa tena kaɡboŋa ne lafare nyoo ba deene ta. Baala baa di bene fifraanɛ kɛɛ dɛ ɡwaa lɔ nɛra kaɡboŋa lafraatoro. Banee ba le ba kpɔ ba te dɛ jemɛ lampeare ne kwaa baa kpɔa dɛɛ tɔ ba te ɡbemɡbe laa ta ne yoi kɛrɛdɛ.

Kaala 12:17

Hɛ́ɛ di Paanoo Iisi Aa Wola Toole a ta Tɔpejen la dɛ́ kpɔ lii men Korowii, dɛkalkɛ a ɡɛ tɔpere la taa n lawɛ heyaa le Ijipt harɛ ta denaa ta. Hé ɡel tɔpere nɔ chɔ le tɛ he ne he naanar baa ka ba saŋ bɛlbwa dɛɛ la.

Kaala 30:14

Banɔ la baa ɡale ka ja ba bala bini, dɛ dɔ bene fifraanɛ kɛɛ dɛ ɡwaa la, chɛ kɛŋɔ bá ɛ ɡɛ saraha nɔ tɛ men Korowii.

Kaala 38:26

Baala la bini bɛlbwa waa di bene fifraanɛ kɛɛ dɛ ɡwaa la, lɔ nɛra kaɡboŋa lafraanumɛl dɛ batoro, ne lafraanue fifraanue. Ba bini bɛlbwa kpɔ suuɡapoŋ fah ɡɛ baa maɡa bil Korowii Tɛnte Dea la dɛ kpɔ cha.

Nɛra Kura 14:29

Hɛɛ serewoo pua hɛŋle ɡbo harɛ nɔ ta. Bɛlbwa waa di bene fifraanɛ ne a habɔɔ ba kuro dɛ chwerɛ o sɔn, asɛ o naɡre n waa laanee dɛɛ ba sewa.

Nɛra Kura 26:2

“Hé kure Israel deene la bwa ne ba naanar baala baa baa di bene fifraanɛ ne a habɔɔ dɛ́ won la laa la.”

Nɛra Kura 3:15

“Kure Lewi dea tena ne ba lolanar bwa. Kure baala bwa, le bechale baa dɔ korobie beŋkpoŋ ka tel banomonome ta.”

Nɛra Kura 32:11

‘Baala baa le Ijipt harɛ ta ba, dɛ dɔ bene fifraanɛ ne a habɔɔ la aa harɛ maa ŋwɛɛra, dɛ baɡɛ nyoa ŋɔ n kpɔɔ tɛ Abraham ne Aesek dɛ Jekɔb naanar laanee na, ba ta n nɛɛ teŋɛ bambile bwa ne.

Nɛra Kura 33:1

Gɛ Mosis ne Arɔn aa kpɔ Israel tena le Ijipt harɛ ta dɛ tɔ ba sie ba valɛ denaa ta laanee teŋa nɔ.

Nɛra Kura 4:3

Kure baala baa di bene fifraatoro ka tel bene fifraanue, baa dɛ ba wona ɛ n Dea Cheremibɔr la toma.

Mmarare 24:5

Dɛ baa bɛlbwa mo haah dɛ a ta benanyoa dɔe yaa, he bɛ o ne laa la, he bɛ wobɛlbwa kpɔ do o nɔn ta. Hé ɡel o so dem o ne o haah lɛ ba sie.

Mmarare 3:18

N ŋɔ ba be ɡɛ saŋ ŋɔ, ‘Korowii haa dɛ tomɔ laanee tɛ heyaa harɛ nɔ ŋɔ hé so o ta. Kɛ he laa tena la vɔwɛ ntoa dɛ́ le Jɔɔdan Moo baŋ, dɛ́ tɔ he bala Israel tena sie dɛ́ ka cha ba ba ɡe dɔ ba harɛ.