Nɛra Kura 1:2 - mzwDBL

² “Kure Israel tena bwa. Kure dea bɛlbwa ne ba lolanar, dɛ́ chwerɛ baala bwa sɔna beŋkpoŋa beŋkpoŋa.

Nɛra Kura 1:2 ပူးပေါင်းရင်းမြစ်များ

Kaala 12:37

Israel tena le Rameses waa lɔ Ijipt harɛ ta dɛ ba Sukot. Baala baa valɛ naa ta la ɡbo ɛɛ ɛ kaɡboŋa lafraanumɛlee. Haahna ne bechale te ta jae.

Kaala 30:12

“He ba dɛ kure Israel tena dɛ́ jemɛ ba nyoa aa, a chɛ kɛ bɛlbwa bɔ suuɡa dɛ́ kpɔ charɛ o nyu tɛ men Korowii kura saŋ la ta. Ásɛ ba dɛ kur ba aa, bɛlbwa bɛ weechɔɡa ba we.

Kaala 38:25

Suuɡapoŋa baa dɔa le ɡɛ saŋ nɛra baa kur ba la tɔɡre ɛɛ ɡwaa kilore kaɡboŋa atoro lafraanaarɛ, ɡɛ baa maɡa bil Korowii Dea la.

Kaala 38:26

Baala la bini bɛlbwa waa di bene fifraanɛ kɛɛ dɛ ɡwaa la, lɔ nɛra kaɡboŋa lafraanumɛl dɛ batoro, ne lafraanue fifraanue. Ba bini bɛlbwa kpɔ suuɡapoŋ fah ɡɛ baa maɡa bil Korowii Tɛnte Dea la dɛ kpɔ cha.

Nɛra Kura 1:18

asɛ dɛ yerɛ Israel tena bwa cheme korobinɛɛte la tɔpere waa tɔ sie la ta. Nɛra la yerɛ ba deene ne ba lolanar sɔna a baɡle bela baa lea, asɛ ba chwerɛ baala baa di bene fifraanɛ ne a habɔɔ la sɔna beŋkpoŋa beŋkpoŋa,

Nɛra Kura 1:19

ɡɛ Korowii aa do Mosis la. O kur ba Sinai Bwejen pua hɛŋle ɡbo harɛ la ta.

Nɛra Kura 1:22

Simeon naanaree, baala baa dɔ bene fifraanɛ ne a habɔɔ, dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.