Nehemia 6:10 - mzwDBL

¹⁰ Awola bɛl, n la Delaya bibaa Sɛmaya dem. O nabaa sɔne Mɛhetabɛl. Maa laŋa la, dɛ o laa ɡbera tɔ o nɛ. O ŋɔ n be ŋɔ, “Gel n ne he ka sɔh Korowii Dea Boɡoroŋ Tenten bela, dɛ́ laa ɡbeni la tɔ ya nɛ, dɛkalkɛ ba dɛ nyini dɛ́ kpo. Baa bao jwaana saŋ nɔ bɔr, dɛ́ ba kpoe.”

Nehemia 6:10 ပူးပေါင်းရင်းမြစ်များ

Mumpar 36:39

Kooro Baal Hanan ɡe aa baa sewɛ la, Hadad chiɡ o naa ta, dɛ di kora. Dɛ o bwɛjen sɔne Pau. O haah ɡe sɔne Mɛhetabɛl, o ɛ Matrɛd bihaah. Matrɛd ɡe nya sɔne Mɛsahab.

1 Koranar 6:5

Ba ma deene sawɛ Korowii Dea la, ne danjwɛɛ waa lɔ o bini tenten la dɛ bar o bwa dɛ ma dejeɡre sarawa.

2 Koranar 11:3

Jehoseba kpɔ Joas sɔh Korowii Dea bela bene anumɛl, ɡɛ saŋ haŋkooro Atalia aa dɛ nyiŋi harɛ la ta la.

2 Koranar 9:8

Kooro Ahab dem nɛra ne o naanar bwa chɛ kɛ bá serewe. Mɛɛ kpo baa te bɛlbwa waa le o demii le Israel harɛ ta. Hale yoma kɛɛ nɛra baa dɛ di ba nyuune bwa.

2 Webena 28:24

Kooro Ahas berɔ pa kwaa aa lɔ Korowii Dea la, dɛ ka paɡra burbur ken. O laa Korowii Dea waa lɔ Jerusalam la ɡbeni tɔɔɡe, dɛ kwaa bɔra baa ɛ sarahare a ta dɛɛ tɛ voɡa Jerusalam bobɛlbwa.

2 Webena 29:3

Kooro Hɛsɛkea aa di kora benanyoa beŋkpoŋ korobiloɡle ta la, o berɔ kwaa pili Korowii Dea ɡbeni, dɛ ɡel ba kwaara.

2 Webena 29:7

Ba berɔ laa Korowii Dea la ɡbeni tɔɔɡe, dɛ ɡel kandere la dirimi, dɛ vɛh daawiile a sɔɔh aa soma, kɛɛ saraha kwaa baa dɛ fuah fueh Korowii Israel tena aa dɛ tomɔ la Dea bini.

Ɛsra 10:31

Le Harim ɡe naanar bini, Eliesa ne Isihija ne Malkija ne Sɛmaya dɛ Simion,

Ɛsra 8:16

Anomanta, n yerɛ Eliesa ne Areɛl ne Sɛmaya, ne Ɛl Netan ne Jarib ne Ɛl Netan, ne Netan ne Sekaria dɛ Mɛsolam ba fa aa ɛ nomonome, dɛ yerɛ Joiarib ne Ɛl Netan baa dɔ wejema kohona,

Nehemia 6:12

N nao kɛŋɔ Korowii laa tomɔ, kɛ yawaa Tobia ne Sanbalat yawɔ sen ŋɔ, ó ba bol ɡɛ waa la n be.

Yela 12:2

Nyosonee bɛlbwa teŋe dɛɛ tɛ o dɔŋ, nyokpɛlee ba kpɔ dɛɛ neɡre dɔŋa.

Yela 37:12

Nyubinikpeɡ tena dɛ vɔrɔwe nɛra ba wa aa toɡra vɔrɔwa, dɛɛ nyiŋ ba sichɔɡa ne.

Sɛɡla 11:9

Nyoa nee nɛn waa nyiŋi nɛn sie mɔɔ dɛɛ ɛ waa ɛɛ chɔɡ o dɔŋ, kɛ nɛn o wa aa toɡra te, o wejemaa dɛɛ lɛo.

Jeremia 36:5

Asɛ n ŋɔ Baruk be ŋɔ, “Ba ta men ŋwɛnɛ tɛɛ n won jo Korowii Dea,

Ɛsekeɛl 3:24

Korowii Doma la baa so n nɛɛ dɛ laɡ mɛ ir che, dɛ bol waa n be ŋɔ, “Kaa he dem dɛ́ ka laa ɡbera tɔ he nɛ.

Malakae 1:10

O berɔ ŋɔ, “N dɛ nyin kɛ he sɔfore la bini bɛl fee tɔɔɡe men Korowii Dea ɡbeni, bela haa joa dɛ kaa ɛ saraha la, ásɛ he bɛ won jo ka choŋi nii saraha kon la ta ɛ sarahasale. N sie aa he nɛɛ lɛ, maa he nɔn ta saraha kon bɛlbwa ɡee lɛ.

Matiu 7:15

Hɛ́ɛ nyiŋi nyosonteŋna baa ŋɔa Korowii keameree ban la kɛrɛdɛ. He na ba aa, ba pwɛre kɛŋɔ peera ken. Kɛ ba bini te, ba sie beɡre kwaa kɛ ɡboli ken.

Amanesoma Jɔn Aa Chwera Tɔn 3:20

Nomɛlbwa waa dɛ ɛ wechɔɡa la, waa bochaah nyin, dɛkalkɛŋɔ o le bochaah ta naa, nɛra ɛɛ na o wechɔɡa laanee.

We-ɛɛla 21:30

Ate, bwɛɛ la tena bwa lɛ ɡaeh, dɛ chwa le bobɛlbwa dɛ lawɛ Pɔɔl, dɛ tuuɡu le Korowii Dea la bini. Buɡ la ta, dɛ ba tɔɔɡe Korowii Dea la ɡbeni bwa.