Nehemia 10:31 - mzwDBL

³¹ Dɛ nɛŋhɔɔhra baa soɡa bar yaa yoɡ mea kɛɛ komɛlbwa tɛ yaa Ona Tɔpere kɛɛ tɔpere waa do ɡoroŋ bɛlbwa ta naa, yaa yawɛ. Bene anuanɛ bɛlbwa ta la, yaa ɡel ya harɛre ta paraa, dɛ́ kpɔ kema nɛra aa di yaa ɡe kɛ.

Nehemia 10:31 ပူးပေါင်းရင်းမြစ်များ

2 Webena 36:21

Anee ɡela waa Korowii aa cheɡɛ o keame Jeremia nɛɛ bol la ɛ kpela. O ŋɔ, “Harɛ la ɛɛ chɔɡoo, dɛ́ chɔ kɛ dimɡbia bene fifraanuanɛ baa wola won parɛ o ta.”

Nehemia 13:23

A ɡɛ saŋ n berɔ na kɛŋɔ Juda baala la ɡalɡa mo Asdɔd ne Amɔn dɛ Moab haahna.

Nehemia 13:27

A chɛ kɛ yá teŋɛ wechɔɡ damanta ne kasinteŋ haa wola dɔe dɛ tɛ Korowii yaa dɛ tomɔ nɔ nɛ, dɛ́ ɡe ka mo haahna baa ɛ nɛŋhɔɔhra kɛɛ?

Kaala 12:16

Tɔpere waa tɔ sie ne tɔpenuanɛ wee la taa chɛ kɛ hé cheme dɛ́ tom mɛ. Nomɛlbwa ta chɛ kɛ ó ɛ toma bɛlbwa, nemenɛ kondikwaa waa ɛ dɛ́ di ɡbo.

Kaala 20:10

kɛ Ona Tɔpere la te ɛ men Korowii haa dɛ tom mɛ la tɔpere. O telaa, he bɛ toma bɛlbwa ɛ o ta. He ne he bibaala kɛɛ bihaahna kɛɛ bonɔɔna, kɛɛ toli bɛlbwa bɛ toma ɛ. Hale he kondɛɛra te bɛlbwa, ne hɔɔhra kwaraa baa lɔ he dem.

Kaala 34:16

Hé nyin ba bihaahna tɛ he bibaala ba mo, asɛ baa tomɛ ba voɡa la aa, ba ken ɛɛ berɛ he bibaala la liiree le n be dɛɛ tomɛ ba voɡa la.

Aesaya 58:6

Nyoa vɔwa maa dɛ nyin laanee kɛŋɔ, hé foo nɛra baa wola wobɛlbwa ɛɛ ba do ba dea la ta. Hé lɛ nɛra baa dɛ fiɡ ba ásɛ ba dɔ ba te.

Lewi Dea Tena 16:29

A ɡɛ Mmarare nɔ chɛ kɛŋɔ á chɔ le tɛ heyaa saŋ bɛlbwa dɛɛ la. Korobinuanɛ te la tɔpera fi ta, a chɛ kɛ hé vɔwɛ nyoa dɛ bɛ toma bɛlbwa ɛ, Israel te kɛɛ hɔɔh bɛlbwa waa soɡe he binii yoo,

Lewi Dea Tena 23:21

Awola tɔpere la chɛ kɛ hé ɡel he tomare bwa bil, dɛ́ cheme dɛ́ tom mɛ. A chɛ kɛ á ɛ waa aa chɔ le tɛ he ne he naanar baa ka ba bobɛlbwa haa soɡa.

Lewi Dea Tena 23:3

Tɔpera anumɛlee lole kɛ hé kpɔ ɛ he tomare, kɛ tɔpenuanɛ wee la ɛ Ona Tɔpere. O ɛ tɔpere hé bwa aa cheme dɛ́ɛ tom mɛ o ta. He bɛ toma bɛlbwa ɛ o ta bobɛlbwa haa soɡa, o ɛ Ona Tɔpere dɛ tɛ Korowii.

Matiu 6:12

dɛ́ kpɔ ya wechɔɡa kɛ yaa, ɡɛ yaa kpɔ ya dɔŋa wechɔɡa dɛɛ kɛ ba la.

Kolosi 2:16

Anomanta, dɛ nomɛlbwa dɛ pwah heyaa kwaa ane haa dɛ di, ne kwaa haa dɛ nyɔ, ne he tɔpejena dii benanyoa ne Korobifala Tɔpejena, ne Ona Tɔpera ta naa, he bɛ on dawɛ.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.