Neehum 3:7 - mzwDBL

⁷ Nomɛlbwa waa nae la ɛɛ le habɔɔ dɛ́ ŋɔ, ‘Niniwe chɔɡɔ kwaraa. Umee dɛ́ wi tɛo wɔ? Leperaa ń dɔ nɛn ó larawe o bwara ɔ?’ ”

Neehum 3:7 ပူးပေါင်းရင်းမြစ်များ

Aesaya 51:19

Wekpeɡa anɛ nɔɔ pu heya, umee dɛ́ won larawe heyaa bwara ɔ? Laa yoi ɡelɔ he harɛ chɔɡ, lɔr chole he nɛra nɛ. Nomɛlbwa toole dɛ́ bwɛɛ heya.

Jeremia 15:5

Korowii ŋɔ, “Jerusalam tena, umee dɛ́ sune he nɛɛ jaɔ? Nomɛl lole dɛ́ wi tɛ heya aa? Umee dɛ́ bɔɔ heyaa he bokpeɡa dɔe waa jaɔ?

Jeremia 50:18

Anomanta, Koranar Bwa Kooro, Israel tena aa dɛ tomɔ la ŋɔ, “Mɛɛ tɛr Babelɔn kooro deŋnee, dɛ́ chɔɡ o harɛ ɡe, ɡɛ maa tɛr Asiiria koojen deŋne la.

Jeremia 51:9

Asɛ nɛŋhɔɔhra baa soɡe bela ŋɔ, ‘Ya takapɔ ŋɔ ya cha ba, kɛ a kaa mun ta. Hé ɡel ya ɡel ba waa tɛɛ ba, ásɛ bɛlbwa berɛ kaa o harɛ ta. Korowii kpɔ o kpeɡri dɛ tɛr ba deŋne dɛ chɔɡ ba kwaraa.’ ”

Wiile 2:13

Akwe! Ee, Jerusalam maa dɛ nyini kohona, ɛrɛɛ ń bol he waɔ? Ɛrɛɛ mɛɛ ba wona larawe he bwara ɔ? Nomɛlbwa ta he wenaale nɔ dɔŋa nae bwa. He wenaale nɔ bini luŋri kɛŋɔ mpo vil ken, he ta hwɛɡa bɛlbwa dɔe.

Neehum 1:1

Waa aa chiɡ bwɛjen Niniwe, Korowii bol baɡle Neehum waa le Ɛlkɔs chaahna ta, asɛ o chwerɛ bil laanee nɔ.

Sefania 2:13

Korowii ɛɛ che o kpeɡri taa, dɛ́ chɔɡ Asiiria harɛ, ásɛ o bwɛjen Niniwe chɔ pɛɛ, dɛ́ berɛ pua hɛŋle ɡbo harɛ, nee aa wola o taa do.

Nɛra Kura 16:34

Nɛra la aa joa dɛɛ kaa harɛ bini dɛɛ wi la, Israel tena baa lɔ baah bela chwao dɛɛ dooɡe lɔŋɔre ŋɔ, “Hɛɛ chwa! Harɛ dɛ ba pera ya ɡe jo o bini kaa.”

Wepila 18:10

Baa che bojaŋee, dɛkalkɛŋɔ baa ɔmɛ o hɔhɔrɔwa waa dɛ na laanee dɛ́ɛ ŋɔ, “Akwe! Akwe! Bwɛjen Babelɔn la o tena fa aa dɛ di kpeɡri ɡa la, waa puu kerabeŋkpoŋ o paɡre.”