Neehum 3:6 - mzwDBL

⁶ Mɛɛ kpɔ doŋaa ta he nɛ, n siwi aa hen su, dɛ́ ɡel nɛra bwa kpɔ sie pa he nɛ.

Neehum 3:6 ပူးပေါင်းရင်းမြစ်များ

Job Tɔn 30:19

O taɡ mɛ ta kpechɛɡre ta, n do kɛŋɔ teera ne tɔɔ aa wola toole wobɛlbwa bini la.

Job Tɔn 30:8

Ba ɛ nɛra ba wa aa wola tɔnɔ dɔe, ba ta sɔna dɔe, ba doŋ ba le harɛ la ta.

Job Tɔn 9:31

Korowii ɛɛ taɡ mɛɛ do bɔluŋ doŋa aa lɔ o bini, n bwara laala kwaraa aa men nyin, kɛŋɔ nɛn yon hah o dɔŋ la.

Jeremia 51:37

Babelɔn dɛ ba paɡra dɛ́ berɛ dimɡbia ne kalampoŋare sobɔr, dɛ́ berɛ kon nɛra aa na ba bambile teŋe baa mamɔ, nomɛlbwa aa won so bela.

Wiile 3:16

O ɡelɔ n chole bwea kuuɡi n nyena, n chɔ bomboɡ ta.

Ɛsekeɛl 16:37

nomanta, n dɛ yerɛ nɛra baa dɛ nyini he kpɔ he te tɛɛ ba la bwa cheme. Nɛra haa dɛ nyin ne banɔ la haa hah ba bwa, ásɛ n foo he yale ba siwi ta he che mumɡbal ba baah ta.

Neehum 1:14

Kenii Korowii bol he Asiiria tena waa bil, “Haa naanaree dɔ dɛ́ kpɔ he sɔna pa ba. Mɛɛ chɔɡ voɡa haa sɛah daa nee, dɛ anɔ la haa loɡa a do he voɡa deene bini la. Mɛɛ kwi he lalbɔɔ bil, dɛkalkɛ he waa ta tɔnɔ bɛlbwa dɔe.”

Habakuk 2:16

Jirima he fe aa dɔ la ɛɛ berɛ sihiih. He saŋ telo name, hé nyɔ dɛ́ chɔ mumɡbal! Korowii ɛɛ ɡeloo he ɡbaɡba nyɔ o danana nee aa su numol, ásɛ ncho dii tɔ jirima he fe aa dɔ la ta.

Sefania 2:15

Gɛɛ bwɛjen o nɛra aa dɛ lii kɛ ba soɡe deŋnesɔɔhna ta, wobɛlbwa aa ban ha la ɛɛ ba nae. Ba yon ŋɔ, “Ya bwɛjen ɛ bwɛjen tenten, bwɛɛ bɛlbwa toole o habɔɔ kpa.” Hé na chɔɡa waa chɔɡa, ásɛ kpɔɡ bini ola kpɔ bela berɛ a chɔɔbɔra. Nɛra báa teŋe baa kaa bwa ɛɛ mamɔɔ dɛɛ for nɔɔra.

Malakae 2:2

dɛ he vɛh n waa nɔ noe, dɛ vɛh jirima kpɔe dɛ́ tɛ n sɔn he bambile bwa ne naa, taahnaa mɛɛ ba heyaa taahna, dɛ́ ɡel kɛ n fe aa swee andɛɛɡa tɛ heya. N dɔɔ taah heya, dɛkalkɛ he ta he liire ɛɛ kɛŋɔ he kpɔ jirima tɛ mɛ.

Malakae 2:3

He we-ɛɛla nomanta, mɛɛ tɛr he naanar deŋnee, dɛ́ kpɔ kondɛɛra haa kpoora ɛ saraha dɛɛ tɛ mɛ tɔpejena ta la bena fɔɡle he sie, ásɛ ba kpɔ he ne loŋɡboŋbena la ɡɛ kaa.

Malakae 2:9

Anomanta, n ɡelɔ haa jirimaa dɔ, ásɛ sihiih kpo heyaa Israel tena siwi ta, dɛkalkɛ he ta n waa ta teŋɛ. Nɛra siebɔraa he nyiŋi dɛɛ bol wa.”

1 Kɔrent 4:13

Nɛra dɛ chɔɡ ya sɔn, kɛ ya te dɛ kwaa ba sɔn. Ya do kɛŋɔ puldoa haahra nɛra be, hale ba le fini.

1 Kɔrent 4:9

N te be, Korowii ɡelɔ ya banɔ nɔ yaa ɛ Yeesu toroma nɔ ka mun, dɛ do kɛŋɔ nɛra baa laɡ ba dɛɛ la ka kpoo ba, asɛ nɛra bwa ɛɛ nyiŋ ba, dɛkalkɛŋɔ nyundua toroma ne nɛra bwa dɛ nyiŋi yaa.

Hibru 10:33

Ba chɛɡre heyaa dɛ ɛ heyaa hɔhɔrɔwa nɛra baah ane ta. Dɛ he dɛ cha nɛra baa dɛ ɛɛ ba hɔhɔrɔwa ane ta.

Tɔn Jud Aa Chwera 1:7

Gɛɛ Sodom ne Gomoora tena ne bwɛɛre a fa aa lɔ ba jwɛɛh la tena, ɡe fa aa chɔ dɔŋa baa ne haah ŋwɛnɛdoŋ ta, aa wola were ne bola, dɛɛ chɔɡ ba te. Baa ɛ ɡɛ la, Korowii ɡelɔ nii le ba nɛ, ásɛ nɛra bwa na dɛ́ jemɛ kɛŋɔ Korowii dɛ tɛr wechɔɡ-ɛɛ deŋne nii aa wola dime bwa ne.