Neehum 3:13 - mzwDBL

¹³ He laa tena bwa berɛ haahna. He bwɛjena doonyoo pilo paɡri nɛɛ tɛ he dɔma, a doonyoo ɡbeni bwa fuoh.

Neehum 3:13 ပူးပေါင်းရင်းမြစ်များ

Yela 107:16

dɛkalkɛ o kuuɡi ayaawa ɡbeni, dɛ teŋni bune baa kpɔa kaɡra.

Yela 147:13

Onee ɡela bune baa kpɔa dɛɛ karɛ he ɡbeni do kpeɡri, dɛ swee andɛɛɡa dɛɛ tɛ he nɛra baa soɡe he bini.

Aesaya 19:16

Awola tɔpere, Ijipt tena ɛɛ ɛo kɛŋɔ haahna ken. Baa ɔmɔɔ ba bwara chel Koranar Bwa Kooro nɔn waa ɡɔɔra dɛ́ kpɔ tɛr ba deŋne la wa.

Jeremia 50:36

Hé ka kpoo keame nyosonteŋna la. Ba ɡɛnɔ kohona! Hé ka kpoo ba banyoola. Ɔmee kohona chole ba nɛ.

Jeremia 50:37

Hé chɔɡ ba jaɡre ne kwaa aa do kɛ torɔɡore la! Hé ka kpoo laa tena baa ba dɛ cha ba la bwa! Hé na ɡɛ baa ɡwɛɡra! Hé chɔɡ deene baa dɛ cheɡ laala a yoɡ aa kpeɡa a bini. Baa paa kɛŋɔ laa ta kwaa kaa.

Jeremia 51:30

Babelɔn laa tena ɡel yoi dɛ ka so ba dekpeɡa bini. Ba bokpeɡa tonɔ ba do kɛŋɔ haahna ken. Ba kuuɡi bune baa kpɔa dɛɛ kaɡre ba doonyojena bwa, dɛ kpaa nii do ba deene ta.

Obadia 1:9

Bwɛjen Teman laa tena bwa ɛɛ ɔmɔɔ kohona. Baa kpoo ba bwaa Edom harɛ la taa.

Neehum 2:6

Gbeni baa kpɔa tɔ nee la nyoa la pilo, asɛ koodem la bwa kuuɡi.

Neehum 2:7

A chɛ kɛ Niniwe chɔ pɛɛ, ásɛ ba lawɛ o nɛra laa ta kaa. O toli ɛɛ wiu kɛŋɔ kwehre ken, dɛɛ lɔ ba bambile á baɡle kɛ ba dɛ di suna.

Neehum 3:15

Belaa nii ɛɛ ba heyaa fuih, ba kpoo heyaa laa ta, dɛ́ he heyaa kɛŋɔ tontombɛ yon di kwaa la. Hé ɡel he nɛra warɛ kɛ hɔɔhre, kɛɛ tontombɛ.