Neehum 3:11 - mzwDBL

¹¹ Gɛɛ he Niniwe tena ɡe ɛɛ ba dɛɛra dɛ́ chwa ka sɔh, dɛ́ nyin bɔr ka marɛ he dɔma bɛ heyaa na.

Neehum 3:11 ပူးပေါင်းရင်းမြစ်များ

Yela 75:8

Korowii kpoŋe numol, o bandia aa do kɛŋɔ danana nee suu. O fuɡa kɛŋɔ seŋkpeɡa tɛ nyubinikpeɡ tena bwa ba nyɔ, ba nyɔ a bwa a tonɛ kwaraa.

Aesaya 2:10

Hé bwa chwa ka jo bwebɔɔne bini, hé takapɔ dɛ́ kwi bɔɔne dɛ́ jo a bini, dɛ́ le Korowii bandia ne o kpeɡri dɛ o jirima kohona la ta.

Aesaya 2:19

Nɛra ɛɛ ɔmɔɔ kohona, dɛ́ chwa ka jo bwebɔɔne, dɛ́ kwi bɔɔne dɛ́ jo a bini, dɛ́ le Korowii bandia ne o kpeɡri, ne o jirima kohona la nyoa, ɡɛ saŋ waa ba jiɡri harɛ la.

Aesaya 29:9

Jerusalam tena nyoa ta kpoe yaa? He bwara ta yɔraa? He mwaalo ne, a ɡel he nyoŋe, he ta sen nyɔe kɛ dɛ ɡe dɛɛ, he dɛ yɛɛɡe, kɛ he ta seŋkpeɡa nyɔe.

Aesaya 49:26

Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”

Aesaya 63:6

Bandia nee n tiɡri harɛre nɛra bwa nɛ, dɛ fuɡe ba chal ta harɛ.”

Jeremia 4:5

Hé bola Juda ne Jerusalam tena be ŋɔ, ‘Hé hoh bɛla harɛ la bwa ta.’ Hé do lɔŋɔ kohona ŋɔ, ‘Hé boa nyoa. Hé ɡel ya chwa kaa bwɛjena baa ma danjwɛkpeɡa bara la ta.’

Jeremia 51:57

Mɛɛ ɡeloo o koranar ne nomonome, ne wejerema dɛ laa tena, nyɔ sen dɛɛ. Baa chɔ domii baa wola won ir kpa. Men Koranar Bwa Kooro maa ɛ Kooro laanee bola.”

Jeremia 8:14

Korowii nɛra la ŋɔ, “Ɛrɛɛ ya bwa ta so nɔɔ? Yá boa ya nyoa. Hé ɡel ya chwa kaa bwɛjena baa ma danjwɛkpeɡa bara bini, dɛ́ den ka serewe bela. Korowii ŋɔ yá na waa dɛ́ serewe, dɛ do tɛɡchɔɡa nee ta tɛ yaa ŋɔ yá nyɔ, wechɔɡa yaa ɛa dɛ jo o nɛɛ la wa.

Hosia 10:8

Voɡa aa lɔ bwea dor bwɛjen Bɛt Avɛn, bela Israel tena aa dɛ tomɛ voɡa la, dɛ ba chɔɡa. Sɔɔhne ne jabalnadaŋɛre ɛɛ leo tɔ kwaa baa dɛ ɛ saraha a ta dɛɛ tɛ ba voɡa bwa. Ásɛ ba ŋɔ bwejena ne deŋɡarere be ŋɔ, “Hé choɡli tɔ ya nɛ.”

Emɔs 9:3

Ba chwao ka sɔh Kaamɛl Bwejen doa aa, mɛɛ nyin ba bɔree, dɛ́ laɡ ba. Ba chwao le n sie ka sɔh mpo bini naa, mɛɛ ɡeloo mpo bini oljen laɡ ba chwe.

Maeka 7:17

Baa di teeraa kɛŋɔ harɛkon, kɛŋɔ kwaa aa dɛ tuuɡi tea ta ken. Baa le ba dekpeɡa taa bochela ne ɔmee ne, dɛ́ berɛ ba hen Korowii yaa dɛ tomɛ sie.

Neehum 1:10

He sennyɔɔra, nii ɛɛ fuh heyaa kɛŋɔ sɔɔhne aa kaɡre dawii baah ken.

Neehum 2:1

Niniwe tena, nomɛl dɛ ba ba yo heya. Hé daah he dekpeɡ la! Hé ta sie ŋwɛnɛ ta! Hé che kiŋkiŋ, dɛ́ kpɔ he te ka yo!

Amanesoma Luk Aa Chwera Tɔn 23:30

A ɡɛ saŋ nɛra ɛɛ ŋɔ bwejena ne deŋɡarere bee ŋɔ, ‘Hé choɡli tɔ ya nɛ.’

1 Samoɛl 13:6

Israel laa tena la aa naa kɛŋɔ a kpeɡri tɛɛ ba name la, ba chwao ka sɔh bwebɔɔne ne sɔɔhne bini, ne bwea ne bɔɔne dɛ kɔlɔŋa bini dɛ́ lɛ ba nyuune.

1 Samoɛl 14:11

Anomanta, Jonatan ne o bonɔɔ la ɡelɔ Filisti tena la na ba. Asɛ Filisti tena la ŋɔ, “Hé na, Hibru tena la bane huuhno le bɔɔne baa chwaa ka sɔh a bini la bini dɛɛ ba.”