Neehum 3:10 - mzwDBL

¹⁰ Kɛ ba wono ba yo he nɛra, dɛ laɡ ba kaa harɛfale bɛl ta. Ba lawɛ bechale dɛ kpɔ ba cha harɛ ba bini toɡri chɔ fɔɡbaahna. Ba lawɛ nomonjena dɛ bil daa ba nyuune ta, dɛ kpɔ jɔɡrɔre do sitɔɔla.

Neehum 3:10 ပူးပေါင်းရင်းမြစ်များ

2 Koranar 8:12

Anee Hasael ŋɔ, “N dɔɔ, ɛrɛɛ hɛɛ wi nɔɔ?” Elaesa ŋɔ, “N jemɛ wechɔɡa haa dɛ ba Israel tena ɛɛ. Hɛ́ɛ fuh ba bwɛjena baa ma danjwɛkpeɡa bara laanee. Dɛ́ kpoo ba bonɔɔna keri ne, dɛ́ tiɡri ba bechale nɛɛ do harɛ, dɛ́ ya ba tekpoŋra teene keri ne.”

Job Tɔn 6:27

Hɛɛ won ta bie bilalbii waa kwara! Dɛ yoɡ he daamanar dɛ́ dɔ suuɡa.

Yela 137:8

Babelɔn tena, ɡɛ haa kpɔa ɛ yaa nɔ, Korowii swee andɛɛɡa tɛ nɛra baa bá bɔ heya a kem.

Yela 137:9

Nɛra baa bá lawɛ he bechasɔɔhne, dɛ́ kpɔ ba cha bwea la, Korowii swee ba andɛɛɡa.

Yela 149:8

Bá vɔrɔwe ba koranar jɔɡrɔre ne, dɛ́ do kwaa ba nomonjena nakpale.

Aesaya 13:16

Baa cheo dɛɛ nyiŋi ba lɔɔ ba bii kpoo, dɛ́ jo ba deremi dɛ́ bal ba laala dɛ paɡɛ ba haahna ɡe.”

Aesaya 13:6

Hé kpɔ nɔɔra dawɛ nyu dɛ́ wi. Tɔpere Korowii aa lea cheɡ la telo. Korowii Waa Ɛ Kpeɡri Bwa Dɔɔ la tɔpere waa dɛ ba nɛra chɔɡa la telo.

Aesaya 19:4

Mɛɛ kpɔ Ijipt tenaa do kooro nyubinikpeɡ te bɛl nɔn ta, o wa do ɔma, wɛɛ nyiŋi ba nɛ. Men Korowii, Koranar Bwa Kooroo bola.”

Aesaya 20:4

Gɛ tentenee Asiiria koojen ɛɛ ba Ijipt ne Itiopia tena waa kaa yoo ba, dɛ laɡ ba la ɛɛ ba bá valɛ dakpaŋ ne nakpapɛɛ ne. Nomonome ne bechale bwa ɛɛ valɛ mumɡbal sihiih nee.

Wiile 2:19

Ir jwaana bɛlbwa dɛ́ɛ wi, dɛ́ɛ yerɛ Korowii ó chae. Pili he bambile dɛ́ɛ soŋo ó sune he bii nɛ, bechale lɔr aa kpo ba ba serewe chɔ fɔɡbaahna la wa.

Wiile 4:1

Na ɡɛ ya suuɡaswɛm sie aa chɔɡa, suuɡaswɛm tenten o fa aa dɛ nyɛɡle kohona la, o ta berɛ do ɡɛ kpa. Korowii Dea bwedɛɛɡa a yoɡ aa kpeɡa, peɡrɔ dɛ chɔ fɔɡbaahna.

Ɛsekeɛl 29:7

Baa lawɛ kpoŋe la, he pɛɡrɔ dɛ tɔɡɛ ba vaama. Baa kpɔ ba te dawɛ he nɛɛ la, he kuu dɛ ɡel ba nyaŋ diɡe.

Hosia 13:16

Samaria tena chɛ kɛŋɔ ba bolchɔɡe ɡure ba nɛ, dɛkalkɛ ba ɛ men Korowii baa dɛ tom mɛ la deŋnekpeɡ. Laa taa baa ba ba kpoora, ásɛ dɛ kpɔ ba bechale cha harɛ dɛ́ ya ba tekpoŋra teene.”

Joel 3:3

Ba ta bie n nɛra nɛ, dɛ́ jemɛ nɛra baa dɔ bá ɛ ba yoma, ba yoɡ ba bibaala ne bihaahna, dɛ kpɔ ba suuɡa bɔ hanjwamanere ne sen kem.

Emɔs 1:13

Korowii ŋɔ, “Amɔn tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba yo laa dɛɛ nyin ba harɛ do kan, anomanta, ba kpoo Gelead tekpoŋra, dɛ ya ba teene.

Obadia 1:11

Awola Jekɔb naanar dɔma aa lɔa ka tɔ Jerusalam tena nɛɛ la, he Edom tena cheɡɔ nyiŋi ba pa ba kondɔɔh bɔne dɔŋa. He ɡe ɛ nɛnchɔɡa kɛ ban.