Neehum 2:5 - mzwDBL

⁵ Niniwe laa nomoa le o laa tena baa kpeɡa, kɛ ba lɔ nakpale ŋwɛnɛ ta dɛɛ ba. Ba chwao dɛ ka marɛ bwɛjen la danjwɛ, dɛ kpɔ kon tɔ ba te ɡbemɡbe.

Neehum 2:5 ပူးပေါင်းရင်းမြစ်များ

Aesaya 21:5

Chaahna la bini la, n nao kɛŋɔ baa kpɔ kondikwaa cheɡ tiɡ ta, dɛ pa yale pa harɛ dɛ so a ta, dɛɛ di kwaa dɛɛ nyɔ sen! Buɡ la ta, taa den le ŋɔ, “Laa sitɔɔla, hé ir! Hé ka kpɔ dɔmkwaa haa kpɔa dɛɛ tɔ he te ɡbemɡbe laa ta la!”

Aesaya 5:27

Ba bini bɛlbwa aa koh, kɛɛ baa lɔ nakpalaa. Dom aa bɛlbwa chuɡli, baa dom ɡe chɔ. Kirisore baa vɔrɔwa áa foo, ásɛ naŋɡaware baa doa ɡe áa kɛɛ.

Jeremia 46:12

Harɛre nɛra bwa ɛɛ no he sihiih haa dia waa, bɛlbwa no he wii haa dɛ wi bobɛlbwa. Laa tena ɛɛ lɔ naa dɛ́ laa dɔŋa, dɛ́ bwa choɡli.”

Jeremia 50:29

“Hé yerɛ nɛra baa jemɛ hɛma tae bwa bá ba yo Babelɔn tena. Hé bar bwɛjen la cheme, he bɛ ɡel bɛlbwa dɔ bɔr chwa le. Hé bɔ ba kem ɡɛ ba we-ɛɛla aa doa, ɡɛ baa kpɔa ɛ ba bala la, dɛkalkɛ ba vɛh men Korowii, Israel Nɛŋɡoroŋ la.

Neehum 2:6

Gbeni baa kpɔa tɔ nee la nyoa la pilo, asɛ koodem la bwa kuuɡi.

Neehum 3:18

Asiiria koojen, nɛra baa dɛ nyiŋi he harɛ ta kɛ peteɡra la bwa chɔɔɡɔ. He nomonjena bwa serewɔ. He nɛra la bwa peɡrɔ dɛ do bwea dor, nomɛlbwa toole dɛ́ boa ba nyoa.

Neehum 3:3

Laa tena soɡe jaɡre ta dɛɛ chwa dɛ́ ka yo, dɛɛ beɡre kerele fal fal, lampeare ɛɛ nyɛɡle al-al ken. Nɛra serewɔ pirim, lala daŋɛ chɔ ba ta nyoa dɔe, nɛra ɛɛ laala.

Habakuk 1:8

Ba jaɡre ɡbaŋre ɡwaa nonietena, dɛ do ɔma ɡwaa ɡboli lɔr aa dɛ kpoa jɔmɔra. Ba nɛra baa soɡe jaɡre ta ɡe le bojaŋa, dɛ chwa kohona dɛɛ ba, kɛŋɔ kokosakire yon ir le nyundua ba harɛ baa di ol la.