Neehum 2:13 - mzwDBL

¹³ Koranar Bwa Kooro ŋɔ, “N cheɡɛ he nɛ. Mɛɛ fuh torɔɡore haa vɔwa pɛl jaɡre laanee. Baa kpoo he laa tena laa taa, dɛ́ pa laala haa paa le bane be la. Baa he toroma taa no kpa bwa.”

Neehum 2:13 ပူးပေါင်းရင်းမြစ်များ

2 Koranar 18:17

Asiiria koojen tomɛ o nomonjena batoro, laa sitɔɔla nomoa ne o ɡbaɡba nachiɡe ne o laa nomoa ŋɔ, bá le Lakes, dɛ́ kpɔ laa tena baa wara ja, dɛ́ la Kooro Hɛsɛkea be Jerusalam. Baa laŋa la, ba kaa che ŋwɛnɛ waa bɛne bobɛl nee aa pala dɛɛ kpɔ, dɛ le nyundua tam bɛl ta dɛɛ jo bwɛjen la ta, bela nɛra bane baa dɛ ɛ yale aa lole.

2 Koranar 18:19

Asiiria laa sitɔɔla la bini bɛl ŋɔ ba be ŋɔ, Asiiria koojen dɛ nyin ó jemɛ waa Kooro Hɛsɛkea a dena dɛɛ hwɛɡɛ a ta.

2 Koranar 19:23

He tomɛ he toroma ba ɛ mbarafo baɡ mɛ ŋɔ, he wono kpɔ torɔɡore teeh kaa bwejena aa lɔ Lɛbanɔn dor. He ŋɔ belaa he teŋni peleme daa aa jaŋa kohona, ne dadɛɛɡa bwa soo siwi, dɛ jo kaa kɔr la baah tenten.

2 Koranar 19:9

Belaa Asiiria koojen no kɛŋɔ, Ijipt Kooro Tirhaka waa le Itiopia ne o laa tena dɛ́ ba ba yoo. Anomanta, o chwerɛ tɔn, dɛ kpɔ tomɛ toroma Juda Kooro Hɛsɛkea be ŋɔ,

2 Webena 32:19

Ba bol waa yaɡɛ Korowii Jerusalam tena aa dɛ tomɔ, ɡɛ tenten baa bol harɛre ane voɡare nɛwɛnyini aa kpɔ nɔn ɛa la.

Yela 46:9

O won laa nyoa sɔɔhna harɛ nɔ ta bobɛlbwa, dɛɛ kuuɡi tori ne lampeare, dɛɛ fuh kwa baa kpɔa dɛɛ tɔ ɡbemɡbe, dɛɛ yo laa.

Jeremia 21:13

N ne Jerusalam tena dɔɔ, heyaa soɡe deŋɡarere dor, a do kɛŋɔ he soɡe bwetal harɛ waa chɔa kaa ta ken. He yon ŋɔ, “Umee dɛ́ won ba yo yaa ɔ? Umee dɛ́ won ba ku ya danjwɛkpeɡa dɛ́ jo ya be nɔ?”

Jeremia 46:14

“Bol waa nɔ Ijipt bwɛjen Miɡdol ne Mɛmfes, dɛ Tapanes nɛra be ŋɔ, ‘Hé nyin bɔra che dɛɛ kpa, dɛkalkɛ Babelɔn laa tena dɛ ba ba chɔɡ harɛre nɛra baa bar heyaa cheme.’

Jeremia 50:31

Babelɔn harɛ tena, he ɛ mbarafo, men Korowii, Koranar Bwa Kooro ne he dɔɔ. Dɛkalkɛ he tɔpere telo kɛŋɔ ń tɛr he deŋne.

Jeremia 51:25

Babelɔn, he do kɛŋɔ bwejen haa dɛ chɔɡ harɛ nɔ ta nɛra. Kɛ men Korowii ɛɛ dɔm, mɛɛ ɡeloo hé fuh dɛ́ berɛ tɔɔ ásɛ n taɡɛ ta harɛ.

Ɛsekeɛl 13:8

Anomanta, Nemenɛ Korowii ŋɔ, “He dɛ neɡre nɛra, he waa ha ŋɔa aa bao ne he wepila la ɛ nyosone, n ne he dɔɔ.

Ɛsekeɛl 21:3

n ne ba dɔɔ. Mɛɛ pamɛ n keree le o tɔɔ ta, dɛ́ kpoo nɛra ba wa aa toɡra ne wechɔɡ-ɛɛra bwa.

Ɛsekeɛl 26:3

Anomanta, Nemenɛ Korowii ŋɔ, ‘Taaya tena, n ne he dɔɔ. Mɛɛ ɡeloo harɛre nɛra wur bá tɔ he nɛɛ kɛŋɔ mpo nehɛma ken dɛ́ yo heya.’

Ɛsekeɛl 28:22

men Nemenɛ Korowii ŋɔ, ‘Bwɛjen Sidon, n ne he dɔɔ. He nɛɛ mɛɛ ba cheɡa dɔ jirima. He nɛra ɛɛ jemɔɔ kɛŋɔ menee Korowii ɡɛ saŋ maa ba tɛr ba deŋne, dɛ́ baɡle kɛŋɔ n do ɡoroŋ la.

Ɛsekeɛl 29:10

N ne he dɔɔ, n ne he nenabɔɔne ɡe dɔ. Mɛɛ chɔɡ Ijipt harɛ bwaa o chɔ pɛɛ, le bwɛjen Miɡdol waa lɔ weekaŋle nyunduabɔr, ka le bwɛjen Aswan o ɡe aa lɔ weekaŋle harɛbɔr, dɛ́ kpoŋe ka le Itiopia harɛ jwɛh ta.

Ɛsekeɛl 29:3

Ŋɔ o be ŋɔ men Nemenɛ Korowii ŋɔ, ‘Ijipt kooro, n ne he dɔɔ, he do kɛŋɔ lɛŋɔ damanta dɛ do he nenabɔɔne ta. He ŋɔ Nael Moo ɛ he kon, he ɡbabirii ɛo.

Ɛsekeɛl 35:3

Men Nemenɛ Korowii ŋɔ, ‘Edom bwejena, n ne he dɔɔ. Mɛɛ tɛr nɔnee pa he nɛɛ dɛ́ chɔɡ harɛ la, o ta do ɔma dɛ́ chɔ pɛɛ.

Ɛsekeɛl 38:3

dɛ ŋɔ o be ŋɔ men Nemenɛ Korowii, n ne o dɔɔ.

Ɛsekeɛl 39:1

Nemenɛ Korowii ŋɔ men Ɛsekeɛl be ŋɔ, “Nɛwɛnyini bie, bol waa aa dɛ ba koonomoa Gɔɡ waa ɛ koonomoa dɛɛ nyiŋi Mɛsɛk ne Tubal be ŋɔ, n ne o dɔɔ. Kenii men Nemenɛ Korowii bol,

Ɛsekeɛl 5:8

Anomanta, men Nemenɛ Korowii ne he Jerusalam tena dɔɔ. Mɛɛ pa heyaa bolchɔɡee harɛre nɛra bwa siwi ta.

Neehum 2:12

Ba do kɛŋɔ nyujente aa kpo ol, dɛ peeɡe o bini tɛ o haah ne bii, dɛ che ol la su o bɔɔ bini.

Neehum 3:1

Bwɛjen nɛŋkpoa ne nyosonteŋna aa su o ta la tena bwɛɛlɛ. Kondɔɔh su he bwa, he dɔma ɛɛ ba a pae kaa.

Neehum 3:12

Dekpeɡa aa tɔ heyaa ɡbemɡbe la bwa do kɛŋɔ fiɡ daa aa nɔnɛ a nɔnloɡla, dɛ ba yiiɡi daa la aa, o nɔna yon ba lee naate waa dia la nyoa bini.

Neehum 3:15

Belaa nii ɛɛ ba heyaa fuih, ba kpoo heyaa laa ta, dɛ́ he heyaa kɛŋɔ tontombɛ yon di kwaa la. Hé ɡel he nɛra warɛ kɛ hɔɔhre, kɛɛ tontombɛ.

Neehum 3:5

Koranar Bwa Kooro ŋɔ, “Niniwe, n cheɡɛ he nɛ. Mɛɛ laa he yalee kpɔ he mun ta, dɛ́ ɡel harɛre nɛra bwa nae, ásɛ sihiih kpoe ba siwi ta.

Josua 11:6

Anee Korowii ŋɔ Josua be ŋɔ, “Hɛ́ɛ berɛ ɔma, kere saŋ nɔ bɔr, mɛɛ kpɔ baa do he Israel tena nɔn taa hé kpoo ba. Hé ɛ dɛ́ chaa ba jaɡre la nadɛɛne, dɛ́ fuh kwaa aa do kɛŋɔ torɔɡo ba vɔwa pɛl jaɡre la.”

Josua 11:9

Josua ɛ ɡɛ Korowii aa doo la. O ɡelɔ ba chaa ba jaɡre la nadɛɛne, dɛ fuh torɔɡore baa vɔwa pɛl jaɡre la.