Neehum 2:11 - mzwDBL

¹¹ Bɔkwa waa pu bwɛɛ o fa aa do kɛŋɔ nyujentena sobɔr laɔ? Niniwe tena fa aa lɔ ba bwɛɛ kɛŋɔ nyujente ombal ne onnee, dɛ so bela dɛɛ dɛ́ɛ a bii, a ne a biirii ba dɛɛ ka, aa wola komɛlbwa ɔmɛ.

Neehum 2:11 ပူးပေါင်းရင်းမြစ်များ

Mumpar 49:9

Juda do kɛŋɔ nyujente ken. Kpaahna taa he che dɛ kpeɡ. O chɔ harɛ kɛ nyujente aa, umee dɛ wonu wɔ?

Aesaya 13:7

Gɛ saŋ telaa, nomɛlbwa bwara ɛɛ yɔroo, ásɛ ba hwɛɡa ɡe tonɛ.

Aesaya 31:4

Waa Korowii aa bol men Aesaya be laanee nɔ. “Gɛ nyujente onjen yon lawɛ ol dɛ́ kpoo dɛɛ ŋoo, ásɛ ba yerɛ peteɡra warɛ ŋɔ, bá doŋu, waa wola aahra baa dɛ aahro la ɔmɛ, waa wola ba ɡbɔɡa chaŋe la, ɡɛ tentenee men Koranar Bwa Kooro ɛɛ ba bala bá ɛ Saayɔn Bwejen ta, dɛ́ ba yo Jerusalam dɔma nomɛlbwa aa wola won kah mɛ.

Aesaya 5:29

Ba ɡbɔɡa do kɛŋɔ nyujentena aa dɛ si. Gɛ nyujente lawɛ ol dɛ́ yon tuuɡu dɛɛ kaa dɛɛ kɔɡre la, ɡɛɛ ba lawɛ n nɛra dɛɛ kaa, dɛɛ ɛ, nomɛlbwa aa wola won lɛɛ ba.

Jeremia 2:15

He dɔma do kɛŋɔ nyujentena dɛɛ si, dɛ ɡel he harɛ berɛ pua hɛŋle ɡbo harɛ. He bwɛɛre fuoh, nɛra chwa le a ta kaa.

Jeremia 4:7

Gɛ nyujente yon le o sɔɔhbɔr dɛɛ ba la, ɡɛɛ nɛn waa dɛ chɔɡ harɛre kpɔ o te dɛ le dɛɛ ba. O le bela waa lole, dɛ́ ba chɔɡ he harɛ. He bwɛjena ɛɛ berɛ dimɡbiaa, nɛra aa wola a taa so.

Jeremia 50:17

Israel tena do kɛŋɔ kondɛɛra nyujentena aa chwaa teŋɛ a nɛɛ a peɡre ken. Asiiria koojen do kɛ nyujente dɛ lawɛ Israel tena, asɛ naate waa ka mun paɡre Israel tena hoɡa laanee Babelɔn Kooro Nebukadnesa.”

Jeremia 50:44

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Babelɔn tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?

Ɛsekeɛl 32:2

“Nɛwɛnyini bie, kpɔ wiile ŋɔ Ijipt kooro be ŋɔ, ‘He do kɛŋɔ nyujente harɛre ta nɛra baah ta, he do kɛŋɔ lɛŋɔ waa lɔ moo ta. He dɛ jo nenabɔɔne ta dɛ́ pora a chɔɡ.

Joel 2:6

A dɛ ba naa, dɛ ɔmee chole harɛre nɛra bwa nɛ, ásɛ bɛlbwa bambile ɛɛ teŋe.

Maeka 5:6

Nomonome la ɛɛ ka yo Asiiria tena baa ɛ Nimrod harɛ ta tena laalee, dɛ́ pɔ ba nɛ. Baa lɛ yaa le Asiiria laa tena nɔn taa awola baa ba che ya nɛɛ dɛ́ valɛ kaa ya harɛ jwɛhre ta la.

Neehum 2:12

Ba do kɛŋɔ nyujente aa kpo ol, dɛ peeɡe o bini tɛ o haah ne bii, dɛ che ol la su o bɔɔ bini.

Neehum 3:1

Bwɛjen nɛŋkpoa ne nyosonteŋna aa su o ta la tena bwɛɛlɛ. Kondɔɔh su he bwa, he dɔma ɛɛ ba a pae kaa.

Sefania 3:3

Bwɛjen la nomonome do kɛŋɔ nyujentena aa dɛ dooɡe lɔŋɔre ken, o koranar ɡe do kɛŋɔ ɡboli aa lawɛ ol jɔmɔra, aa wola won haŋre dɛ́ ɡel hoɡ ɡba ka tɔɔ per o ta.

Nɛra Kura 23:24

Ba do kɛŋɔ nyujente nee ken, waa soɡe dɛɛ biɡri, dɛ o di ol waa kpoo. Waa so biɡri, dɛ o kpɛle kon waa kpoo chal bwa.”