Neehum 2:10 - mzwDBL

¹⁰ Niniwe bwa chɔɡɔ, ba pa o kwaa bwa kwaraa, o chɔ pɛɛ. Ɔmee su o nɛra bwa, ba natuune sɔɔh, ba bwara ɛɛ sa, ba siebɔra ɡwaŋre.

Neehum 2:10 ပူးပေါင်းရင်းမြစ်များ

Mumpar 1:2

A ɡɛ saŋ la dɛ harɛ ta mar dɔe, dɛ komɛlbwa toole o ta. Dɛ nee tɔ komɛlbwa ta asɛ bɔr bir kpirkpir ken, asɛ Korowii Doma do nee la sie dɛ la dɛɛ ba.

Yela 22:14

N bokpeɡa tonɔ kɛŋɔ, baa fuɡe nee ta harɛ ken, asɛ n hoɡa bwa soɡre, n bambile chɔɡ, n ta hwɛɡa bɛlbwa dɔe kpa.

Aesaya 14:23

Mɛɛ ɡeloo bela berɛ kataŋa ne kwiure dobɔr, dɛ́ ɡbaa bela bwa ó chɔɡ. Men Koranar Bwa Kooroo bola.”

Aesaya 21:3

A ɡɛ waa maa naa la ɡelɔ n bwadabii wee mɛ chweeh ken, kɛŋɔ loltea aa lɔ haah ken. Waa maa noa la ɡelɔ maa won ɛ wobɛlbwa, n ɛo chinchaŋ waa maa naa la wa.

Aesaya 24:1

Hé no! Korowii dɛ ba harɛ nɔ chɔɡa o chɔ pɛɛpɛɛ. Wɛɛ lɔ nɛra baa lɔ o taa peɡre, dɛ́ chɔɡ komɛlbwa o ta.

Jeremia 30:6

Hé pɛɛ no! Baa lɛɛ won kpoŋe tea dɛ́ lolɛ bie aa? Aah ɛrɛɛ mɛɛ na baala ba bwara aa kpeɡa, ba nɔɔra dawɛ ba teene ta kɛŋɔ haah loltea aa lɔɔ nɔɔ? Nomɛlbwa siebɔr ɡwaŋɔ kohona.

Jeremia 49:23

Korowii bol bwɛjen Damaskɔs tena waa dɛ ŋɔ, “Bwɛjena Hamat ne Aapad tena liire chɔɡɔ, dɛkalkɛ ba ta amanesoma noɛ. Ba bambile dɛ wure kɛŋɔ mpo nehɛma aa taa dɛɛ kaa bobɛlbwa ken.

Jeremia 51:62

Dɛ berɛ ŋɔ, ‘N Naa Korowii, he fa bolɔ ŋɔ hɛɛ chɔɡ bonɔɔ, ásɛ nɛra kɛɛ kondɛɛra aa wola won so o ta, ó berɛ dimɡbia saŋ bɛlbwa dɛɛ la.’

Jeremia 8:21

Asɛ Jeremia ŋɔ, “Lokua su n bwa, dɛkalkɛ ba chɔɡ n nɛra. N dɛ wi, n bwara yɔr kohona.

Ɛsekeɛl 21:7

Dɛ ba bɔɔre ŋɔ, ‘Ɛrɛɛ he bambile chɔɡ hɛɛ hime kohona naa’, ŋɔ ba be ŋɔ, ‘Waa a taa lɔ sie dɛɛ ba bala waa. Ɔmee ɛɛ lawɛ nomɛlbwa kohonaa ba bwara ɛɛ sa, ba bambile chɔɡ, ba bwara yɔr.’ A dɛ ba bala. Aa bao ɡe. Men Nemenɛ Korowiirii bola.”

Ɛsekeɛl 31:15

Nemenɛ Korowii ŋɔ, “Awola tɔpere daa la aa sewa dɛ kaa lalabwɛɛ la, n ɡelɔ harɛ bini neerare aa dɛ bule bɔle o ta, á baɡle kɛŋɔ a wio. N ɡelɔ neerare ɡel pala. Daa la aa sewa la, n ɡelɔ biro ba tɔ Lɛbanɔn bwejena ta, asɛ daa aa lɔ kɔr bini bwa serewe.

Daneɛl 5:6

O siebɔr ɡwaŋɔ, o liire chɔɡ, asɛ ɔmee lawɔ kohona o natuune ɛɛ sa dɛɛ lɔ dɔŋa.

Joel 2:6

A dɛ ba naa, dɛ ɔmee chole harɛre nɛra bwa nɛ, ásɛ bɛlbwa bambile ɛɛ teŋe.

Neehum 2:2

Korowii berɔ dɛɛ ba Jekɔb jirima kpɔe tɛo, kɛŋɔ waa kpɔ Israel tena jirima tɛɛ ba la. A lole kɛŋɔ nɛnchɔɡa chɔɡ ba bwa, harɛ la chɔ pɛɛ, dɛ chɔɡ ɡrepo daa baa kpɔ a nɔna dɛɛ ɛ sen bwa.

Neehum 3:7

Nomɛlbwa waa nae la ɛɛ le habɔɔ dɛ́ ŋɔ, ‘Niniwe chɔɡɔ kwaraa. Umee dɛ́ wi tɛo wɔ? Leperaa ń dɔ nɛn ó larawe o bwara ɔ?’ ”

Sefania 3:6

Korowii ŋɔ, “N chɔɡ harɛre bwa nɛra ne ba bwɛjena, dɛ kuuɡi danjwɛɛre baa maa bara, ne a dejaŋa bwa a berɛ dimɡbeeni. Bwɛjena la chɔ pɛɛ, nɛra toole a fɔɡbaahna, nomɛlbwa ta kae kpa.

Josua 2:11

Yaa no ɡɛ la, ya jum jaoh ya bambile chɔɡ ɡɛ haa ɛa la wa. Dɛkalkɛŋɔ Korowii haa dɛ tomɔ laanee nyundua ne harɛ bwa kooro.

Josua 7:5

Ai tena doŋi Israel tena la le ba bwɛɛ doonyojen ta, dɛ kaa ba ne bobɛl baa dɛ pɛɡre bwea baa yerɔ Sebarem, dɛ kpoo ba nɛra fifraatoro dɛ banumɛl ŋwɛnɛ waa chɔa tu deŋɡare la ta. Israel tena baa ka dem la aa no waa la, ba bwara yɔrɔ taeh, ba sɔɔh kɛŋɔ noo ken.