Neehum 1:15 - mzwDBL

¹⁵ Hé ha sie nyiŋi bwejena dor! Nɛn waa kpoŋe amanesoma dɛ valɛ bela, dɛɛ bol deŋnesɔɔhna wa. Juda tena, hé di he tɔpejena la, dɛ́ kpɔ kwaa haa baɡɛ Korowii nyoa la ba tɛo. Nyubinikpeɡ tena aa heyaa ba yo he harɛ ta kpa. Mɛɛ chɔɡ ba bwaa kwaraa.

Neehum 1:15 ပူးပေါင်းရင်းမြစ်များ

Yela 107:15

A chɛ kɛ bá kpɔ jam tɛ Korowii, o nyina aa wola jaɡa dɔe, ne o nyokpowaa waa ɛa tɛɛ ba la wa,

Yela 107:8

A chɛ kɛ bá kpɔ jam tɛ Korowii, o nyina aa wola jaɡa dɔe, ne nyokpowaa waa ɛa tɛɛ ba la wa,

Aesaya 41:27

Men Korowiirii tɔ sie bol amanesoma la Jerusalam tena be. Men tomɛ torome ŋɔ ó ka bol ba be.

Aesaya 42:11

Nɛra haa soɡe pua hɛŋle ɡbo harɛ bwɛɛre ta, hé ɡo yela kpɛɛ Korowii! Keda naanar, bela bwa haa soɡa la, hé ɡe ɡo kpɛɛra yela! Sela tena, hé le bwejena dor dɛ́ kpɔ silɛɛ ɡo yela tɛo!

Aesaya 52:1

Bwɛjen Jerusalam, ir! Ir nyu ne! Kpɔ bokpeɡa tɔ he te kɛŋɔ yal ken. Jerusalam, Korowii bwɛɛ waa do ɡoroŋ, kpɔ he yadɛɛɡe tɔ dɛ dɔ jirima. Nɛra baa wola Korowii tomɛ, dɛ kah doŋa te bɛlbwa, aa won jo he bwɛɛ nɔ ta kpa.

Aesaya 52:7

Hé na ɡɛ toroma baa kpoŋe Amanesoma dɛ valɛ bwea dor dɛɛ ba wa aa dɔ nyokpoa ne, dɛɛ bol deŋnesɔɔhna ne Korowii lɛɛ wa! Hé no ba bala wa aa, he bambile ɛɛ sɔɔh heyaa taeh. O bol Saayɔn tena be ŋɔ, “Korowii haa dɛ tomɔ di kora!”

Joel 3:17

“Anee dɛɛ ba ɡela he jemɛ kɛŋɔ men Korowii haa dɛ tom mɛ, n soɡe n Saayɔn Bwejen waa do ɡoroŋ la ta. Jerusalam ɛ bwɛjen maa lea cheɡ o do ɡoroŋ, nɛŋhɔɔhra aa won ba yo dɛ́ pɔ n nɛra nɛɛ kpa.

Lewi Dea Tena 23:2

“Anɔɔ ɛ n tɔpejena maa lea cheɡ a chɛ kɛŋɔ hé bwa cheme dɛ́ɛ tom mɛ a ta.

Lewi Dea Tena 23:4

Tɔpejena men Korowii aa lea cheɡ ŋɔ hé cheme dɛ́ɛ di laanee nɔ.

Neehum 1:14

Kenii Korowii bol he Asiiria tena waa bil, “Haa naanaree dɔ dɛ́ kpɔ he sɔna pa ba. Mɛɛ chɔɡ voɡa haa sɛah daa nee, dɛ anɔ la haa loɡa a do he voɡa deene bini la. Mɛɛ kwi he lalbɔɔ bil, dɛkalkɛ he waa ta tɔnɔ bɛlbwa dɔe.”

Amanesoma Luk Aa Chwera Tɔn 2:10

Anee nyundua torome la ŋɔ ba be ŋɔ, “Hɛ́ɛ berɛ ɔma! Amanesoma aa dɛ ba silɛɛ ne bala ba tɛ nɛra bwa la nee n ba.

Amanesoma Luk Aa Chwera Tɔn 2:14

“Hé tɛ Korowii waa lɔ nyundua la sɔn, ásɛ dɛ ɡel nɛwɛnyina baa lɔ harɛ ta Korowii siwi aa su ba la ɡe dɔ bosɔɔhna.”

We-ɛɛla 10:36

He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ.

Tɔn Pɔɔl Aa Chwerɛ Rom Tena 10:15

Dɛ Korowii ta nɛn tomaa, ɛrɛɛ wɛɛ ba ɛɛ dɛ bol o waa laɔ? Anee kɛŋɔ Korowii Tɔn aa ŋɔa la. O bolɔ ŋɔ, “Hé na ɡɛ toroma baa kpoŋe Amanesoma dɛɛ valɛ la, hé no ba bala wa aa, he bambile ɛɛ sɔɔh heyaa taeh!”