Neehum 1:14 - mzwDBL

¹⁴ Kenii Korowii bol he Asiiria tena waa bil, “Haa naanaree dɔ dɛ́ kpɔ he sɔna pa ba. Mɛɛ chɔɡ voɡa haa sɛah daa nee, dɛ anɔ la haa loɡa a do he voɡa deene bini la. Mɛɛ kwi he lalbɔɔ bil, dɛkalkɛ he waa ta tɔnɔ bɛlbwa dɔe.”

Neehum 1:14 ပူးပေါင်းရင်းမြစ်များ

2 Koranar 19:37

Awola bɛl, o ka dɛ tu voɡa o voɡ Nesrɔk dea, asɛ o bibaala banɛ, Adramɛlɛk ne Saresa ka kpoo kere ne, dɛ chwa le kaa Ararat harɛ ta. Asɛ o bibaa Esaahadon chiɡ o naa ta, dɛ di kora.

2 Webena 32:21

Asɛ Korowii tomɛ nyundua torome bɛl o ba kpoo Asiiria laa tena ne ba laa sitɔɔla, dɛ nomonome baa lɔ bela baa soɡa bwa. Anomanta, Koojen Senakerib kpɔ sihiih berɛ ba kaa Asiiria harɛ ta. Waa laŋa la, o kaa jo o voɡ dea, asɛ o bibaala bane ka kpoo keri ne.

Job Tɔn 18:17

Nomɛlbwa aa ba waa lii harɛ nɔ ta ba sɔna he kwaraa.

Yela 109:13

Gel o naanar bwa serewe, dɛ́ ɡel o sɔn nyoɡre naanar baa ka ba bwa bini.

Yela 71:3

He do kɛŋɔ Bwetal maa chwaa baa marɛ saŋ bɛlbwa, che he waa haa bola la ta, dɛ́ lɛɛ mɛ. Henee n Bwetal, ne n danjwɛkpeɡ.

Kaala 12:12

Awola jwaana la tenten la, mɛɛ valɛ Ijipt harɛ ta bwaa, dɛ́ kpo bibanloɡle bɛlbwa waa ɛ binyoa, ne kondɛɛre bɛlbwa ɡe biloɡle ombal. Mɛɛ chɔɡ voɡa aa lɔ Ijipt harɛ ta bwaa. Menee Korowii.

Sɛɡla 10:7

Nɛn o wa aa toɡra na som, baa o waa soh, kɛ nɛnchɔɡe te waa won soeh warane.

Aesaya 19:1

Waa aa chiɡ Ijipt harɛ ta, Korowii bol baɡle Aesaya chaahna ta laanee nɔ. Hé na! Korowii cheɡɛ bam ta, dɛɛ ba Ijipt harɛ ta wɔrɔbe nɛ. Voɡare aa lɔ bela bwa jum jah o sie, asɛ bela tena bwa bwara yɔr.

Aesaya 33:13

He banɔ la haa lɔ bojaŋa, hé no waa maa ɛa! He banɔ haa bɛna ɡe, hé sɛh kɛŋɔ n dɔ kpeɡri.”

Jeremia 50:2

“Bol Babelɔn harɛ waa baɡle harɛre nɛra bwa. Ir fraŋkaa, á baɡle waa aa dɛ ba! Bɛ wobɛlbwa kpɔ sɔh, ŋɔ, ‘Babelɔn dɛ́ ba paɡra. Baa paɡre ba voɡ Maadukuu, ásɛ sihiih kpo Babelɔn harɛ voɡa aa ɛ kii kwaa la bwa.’

Daneɛl 11:21

Nyundua torome la berɔ ŋɔ, “Nɛmpɛɛ bɛl waa wola kora la ta jae ɛɛ ba chiɡ Siiria kooro naa taa, dɛ́ di kora. Wɛɛ kpɔ laalee ba ta harɛ la ta nɛra nɛ, ɡɛ saŋ baa dɛɛ lii kɛŋɔ deŋnesɔɔhna lole. Ásɛ dɛ che neɡra ŋwɛnɛ ta dɛɛ di kpeɡri.

Daneɛl 5:27

Tekel munii kɛŋɔ, ba kpɔe chɔŋɛ kon baa kpɔa dɛɛ maɡɛ kwaa ta, dɛ na kɛ haa tɔɡɛ.

Lewi Dea Tena 26:30

Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya.

Maeka 5:13

Mɛɛ berɔɔ chɔɡ voɡa haa sɛah, ne bwea haa paaɡa dɛɛ duura bwaa, ásɛ haa kwaa he ɡbabir aa kwaara laanee tomɛ kpa.

Maeka 5:14

Mɛɛ fuɡri voɡhaah Asera dajaŋaa le he bini, dɛ́ paɡre he bwɛjena.

Habakuk 2:10

He vɔrɔwɔ dɛ chɔɡ harɛre nɛra kohona, dɛ ɡel sihiih kpo he ɡbaɡba dem tena, dɛ berɛ ba waane ba dawɛ he nɛ.

1 Samoɛl 3:13

N tɔ sie ɡel o jemɛ kɛŋɔ mɛɛ tɛr o ne o dem tena deŋnee o bibaala waa baa bola yaɡ mɛ la wa, dɛkalkɛ o ta ban kasinteŋ dii.