Neehum 1:12 - mzwDBL

¹² Anomanta, kenii Korowii ɛɛ bol o nɛra Juda tena be, “A lole kɛŋɔ Asiiria tena kpeɡri, dɛ warɛ dɛ dɔ nɛra bá ba cha ba, kɛ mɛɛ chɔɡ baa le harɛ nɔ ta bá he kwaraa. Juda tena, menee ɡela he fa na wahala, kɛ maa berɛ ɡel he na ɡɛ kpa.

Neehum 1:12 ပူးပေါင်းရင်းမြစ်များ

2 Koranar 19:35

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ dɛ ba na ɡɛ nɛra la aa serewa chɔ bobɛlbwa.

2 Koranar 19:37

Awola bɛl, o ka dɛ tu voɡa o voɡ Nesrɔk dea, asɛ o bibaala banɛ, Adramɛlɛk ne Saresa ka kpoo kere ne, dɛ chwa le kaa Ararat harɛ ta. Asɛ o bibaa Esaahadon chiɡ o naa ta, dɛ di kora.

Kaala 12:12

Awola jwaana la tenten la, mɛɛ valɛ Ijipt harɛ ta bwaa, dɛ́ kpo bibanloɡle bɛlbwa waa ɛ binyoa, ne kondɛɛre bɛlbwa ɡe biloɡle ombal. Mɛɛ chɔɡ voɡa aa lɔ Ijipt harɛ ta bwaa. Menee Korowii.

Aesaya 10:16

Anomanta, Korowii, Koranar Bwa Kooro ɛɛ kpɔ ɡwaŋa weelaa ta Asiiria koojen laa tena baa kpeɡa kohona nɛ, ásɛ dɛ chɔɡ o jirima kɛŋɔ nii yon fuh kon tonɛ la.

Aesaya 17:14

A tel jɔmɔra aa, ba dɛ ɛ ɔmewa, kɛ tɔɔ ne pera chɔɔ dɛ ba kaalɔ. A ɡɛ waa nɔɔ dɛ́ chiɡ nɛra baa bal ya laala kɛ laa ta kwa kaa la nɛ.

Aesaya 30:19

Saayɔn tena, nɛra haa soɡe Jerusalam, haa wi kpa. Korowii dɛ na he sum. He wio noo waa, buɡ la ta, wɛɛ no he bee.

Aesaya 31:8

Asiiria tena ɛɛ serewoo dɛ ba ne nɛra laa yoa, kere waa wola nɛn kon ɛɛ dɛɛ ba ba kpoora. Baa chwa laa taa, ásɛ ba lawɛ ba bini bonɔɔna yoma.

Aesaya 37:36

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ, dɛ ba na ɡɛ nɛra la aa serewa chɔ bobɛlbwa.

Aesaya 51:22

Nemenɛ Korowii haa dɛ tomɔ wɛɛ che he habɔɔ la ŋɔ, “Hé na, n lɛ n danana nee numol haa nyɔ o bini sen dɛɛ la le he nɔn ta. Haa anee nyɔ kpa bwa.

Aesaya 7:20

Gɛ saŋ Korowii ɛɛ kpɔ Asiiria koojenii kɛŋɔ nɛn waa dɛ fonɛ dɛ le Yufretis Moo baŋ, ó ba fonɛ he nyumpona ne he tampona dɛ he bwara pona bwa.

Aesaya 8:8

dɛ́ su kpɔ Juda harɛ bwa, dɛ́ tel ba baŋa ta dɛ́ bɔle komɛlbwa ta. Imanoɛl, wɛɛ paɡri o kenaa tɔ he harɛ la bwa.”

Daneɛl 11:10

Siiria kooro la bii ɛɛ boa laa tena damanta nyoa, dɛ́ kpɔ ba te, dɛ́ ka yoo ba. Baa su harɛ la ta bobɛlbwaa kɛŋɔ nee yon su dɛ́ palɛ dɛɛ kpɔ bobɛlbwa la, dɛ́ yo ka tel dekpeɡ waa lɔ ba dɔma bwɛjen doonyoa.

Joel 2:19

Korowii chaŋ ba ŋɔ, “Mɛɛ tɛ heyaa mea ne senfala ne ɔleve noo kohonaa a maɡre he ne. Maa ɡel harɛre ta nɛra mamɛ heyaa kpa.

Neehum 1:15

Hé ha sie nyiŋi bwejena dor! Nɛn waa kpoŋe amanesoma dɛ valɛ bela, dɛɛ bol deŋnesɔɔhna wa. Juda tena, hé di he tɔpejena la, dɛ́ kpɔ kwaa haa baɡɛ Korowii nyoa la ba tɛo. Nyubinikpeɡ tena aa heyaa ba yo he harɛ ta kpa. Mɛɛ chɔɡ ba bwaa kwaraa.

Wepila 7:16

Lɔr ne nyɔɡre aa ban kpo kpa bwa. Wee aa ba nɛɛ lɔ cheihcheih, bɔr ɡe aa ba nɛɛ wɔrɔbe bambam.