Mumpar 9:27 - mzwDBL

²⁷ Kórowii tɛ Jafɛt naanar kohona, ba ne Sɛm bwa pɛ so bobeŋkpoŋ! Keenan ɛɛ ɛ yomii do Jafɛt lɔɡa dɛɛ tomɔ.”

Mumpar 9:27 ပူးပေါင်းရင်းမြစ်များ

Mumpar 10:2

Jafɛt bibaala waa lol ba laanee, Goma ne Maɡɔɡ ne Madai ne Javan ne Tubal ne Mɛsɛk dɛ Tiras.

Mumpar 27:29

Harɛre nɛra ɛɛ tomɛɛ, dɛ́ ɡuŋii harɛ. Hɛɛ ɛ nomoa he nya bii bwa nɛɛ, ásɛ ba ɡuŋi harɛ. Nomɛlbwa waa taahnee la, á berɛ ɡure o nyu ta, ásɛ nomɛlbwa waa soŋe andɛɛɡa tɛɛ la, ó ɡe dɔ andɛɛɡa.”

Mumpar 9:28

Nee la aa sua dɛ ba hweeh la, Nowa berɔ so dɛ di bene lafraatoro fifraanue.

Aesaya 11:10

Awola tɔpere la, Jese naa waa dɛ ba bala la ɛɛ cheo tɛ harɛre nɛra bwa kɛŋɔ fraŋkaa, ba bwa ɛɛ ba cheme o siee bela waa lole la, dɛ́ kpɔ jirima tɛo.

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

Hosia 2:14

Anomanta, mɛɛ lawɔɔ, dɛ́ kpɔɔ kaa pua hɛŋle ɡbo harɛ ta, dɛ́ ka kpɔ sɛmwobol ɡbɛɡbɛo.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

We-ɛɛla 17:14

Belaa asɔre tena la ɡel Pɔɔl kaa mpo nyoa buɡ ta, asɛ Silas ne Timoti te so Bɛrea.

Tɔn Pɔɔl Aa Chwerɛ Rom Tena 11:12

Israel tena wechɔɡa baa ɛa la ba wedɛɛɡa ne ba tɛ nɛwɛnyina, asɛ ba chola baa chola dɛ paŋɛ kwaa Korowii be la ɡe ba wedɛɛɡa tenten ne dɛ ba tɛ nɛra baa wola Israel tena ɛɛ. Israel tena chola la kwaraa aa ba wedɛɛɡa ne ba tɛ nɛwɛnyina nɔ, dɛ ba bwa lɛ Korowii wa aa, ɛrɛɛ aa ba doe yɔ?

Tɔn Pɔɔl Aa Chwerɛ Rom Tena 15:12

Asɛ Aesaya ɡe bol ja, dɛ ŋɔ, “Jese naa bɛl ɛɛ bao. On dɛ́ ir dɛ́ di kora nɛra baa wola Israel tena ɛɛ nɛ. O nɛɛ baa ba hwɛɡa dɔe.”

Ɛfesos 2:19

Anomanta, he ta hɔɔhra ɛɛ kpa. He ɛ bwɛɛlembii dɛ ja Korowii nɛra la nɛ, dɛ ɛ o ɡbaɡba lola,

Ɛfesos 3:13

Anomanta, waa maa dɛ soŋe heyaa laanee kɛ he bɛ ɡel he bwara hwah wahala maa koh he waa dɛɛ na nɔ ta. Hé jemɛ kɛŋɔ he dɛ dɔ sɔn n wahala nɔ ta.

Ɛfesos 3:6

dɛ ɡel ba jemɛ kɛŋɔ pɛɛ banɔ la baa wola Juu tena ɛɛ la ne Yeesu aa pɛa la ne Amanesoma la baa noa la nomanta, ba ja Juu tena nɛɛ dɛ ɛ Korowii kwa, dɛ bwa ja Yeesu Kristo nɛ, dɛ bwa pɛ dɛɛ di Korowii nyobaɡa la ɡe tɔnɔ.