Mumpar 6:6 - mzwDBL

⁶ o bambile bini chɔɡɔ kɛ waa ta nɛwɛnyina ba harɛ nɔ ta. Gɛ waa nɔ aa we o nɛɛ kohona nomanta o ŋɔ,

Mumpar 6:6 ပူးပေါင်းရင်းမြစ်များ

Aesaya 63:10

Ba ɛ deŋnekpeɡ o nɛɛ dɛ ɡel Korowii Domadɛɛɡe tea bini chɔɡ. Anomanta, Korowii berɛ ba dɔm dɛ yoo ba.

1 Samoɛl 15:11

“A dɛ we n nɛɛ kɛ maa cheɡ Sɔɔl kooro, dɛkalkɛŋɔ o ta n waa ta teŋɛ dɛ vɛɛh mɛ.” Samoɛl liire chɔɡ ɡɛ waa nɔ waa kɛrɛdɛ, asɛ o wi no Korowii awola jwaana la bwa.

Ɛfesos 4:30

He bɛ ɡel Korowii Domadɛɛɡe la tea bini chɔɡ. Korowiirii kpɔɔ do heyaa nso dɛ́ won jemɛ he banɔ la waa dɛ ba lɛɛ o lɛɛ tɔpere la.

Hibru 3:10

Anomanta, n baah di ɡɛ nɛra la nɛ, asɛ n ŋɔ ba bambile ta n waa lawɛ bwa, asɛ ba vɛh n waa ta teŋa.

1 Samoɛl 15:29

Korowii Israel tena aa dɛ tomɔ la dɔ jirima, waa nyosone teŋe, waa o liire ɡe charɛ. Nɛwɛnyini laa on ó charɛ o liire.”

2 Samoɛl 24:16

Dɛ Korowii le o nyundua torome bɛl dɛ tɛo kpeɡri ŋɔ ó ba chɔɡ Jerusalam. Waa dɛ la ka chɔɡo la, Korowii berɔ charɛ o liire, dɛ ŋɔ nyundua torome la be ŋɔ, “Gel! A maɡre ɡɛ.” Gɛ saŋ dɛ torome la lɔ Jebus te Arauna mea lɔ bɔr.

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

Jona 3:10

Belaa Korowii aa naa kɛ ba charɛ ba liire le ba wechɔɡa ŋwɛnɛre ta la, o tea domɛ ba nɛ, dɛ ɡel chɔɡa waa ŋɔa wɛɛ chɔɡ baa la.

Joel 2:13

He bɛ he laala kɛɛ á baɡle he suna dii, hé ɡel he suna dii baɡle kɛ he bambile chɔɡɔ.” Hé charɛ he liire dɛ́ berɛ ba Korowii haa dɛ tomɔ be, o bambile too dɛ dɔ tedoma tɛ nɛn. O baah aa di warawara, o nyina ta jaɡa dɔe. O kpɔ nɛra wechɔɡa dɛɛ kɛ ba saŋ bɛlbwa, waa wola ba deŋne tɛr.

Kaala 32:14

Anomanta, Korowii charɛ o liire dɛ le hɔhɔrɔwa waa aah o nɛra ŋɔ o fe ɛɛ kpɔɔ ba ta ba nɛɛ laanee.

Ɛsekeɛl 33:11

Ŋɔ ba be ŋɔ men Nemenɛ Korowii taa lole nɔ, n ŋwɛɛrɔ ŋɔ, ‘Ń sie aa wechɔɡ-ɛɛra seo ta lɛ, n dɛ nyin kɛ ba le a ta, dɛ́ dɔ ba nyu. Israel tena, hé charɛ! He charɛ he liire, dɛ́ le liichɔɡa ŋwɛnɛ bɛlbwa ta. Hé ɡel wechɔɡa haa dɛ ɛ la. Ɛrɛɛ hɛɛ nyin seo nɔɔ?’

Jeremia 26:19

Juda Kooro Hɛsɛkea ne Juda tena ta Maeka kpoe. Kooro Hɛsɛkea ɔmɛ Korowii dɛ soŋe ŋɔ o na o sum. Asɛ Korowii charɛ o liire wenaale waa ŋɔa o fe ɛɛ kpɔɔ ba ta ba nɛɛ la ta. Kɛ taraken ya berɔ dɛɛ nyin wenaale kohona dɛ́ ba ta ya nɛ.”

1 Webena 21:15

Korowii le nyundua torome bɛl dɛ tɛo kpeɡri ŋɔ ó ba chɔɡ Jerusalam. Waa dɛ la ka chɔɡo la, Korowii berɔ charɛ o liire, dɛ ŋɔ torome la be ŋɔ, “Gel! A maɡre ɡɛ.” Gɛ saŋ dɛ torome la lɔ Jebus te Arauna mea lɔ bɔr.

Aesaya 48:18

Dɛ he fe cheɡ deŋne n waa ta naa, he fe dɔ deŋnesɔɔhna kɛrɛdɛ, kɛŋɔ nenabɔɔ waa wola hweeh bwa, dɛ́ dɔ kpeɡri kohona kɛŋɔ mpo nehɛma ken, dɛ́ won wobɛlbwa ɛɛ á toɡre.

Yela 106:45

He koh ba waa dɛ lii fɔo he ne baa fɔwa la, dɛ che he nyina waa kana la ta, dɛ charɛ he liire.

1 Samoɛl 15:35

Samoɛl ta Kooro Sɔɔl nae kpa, dɛ ka tel o serewe wee. Dɛ o wio dɛɛ tɛo te. A we Korowii nɛɛ kɛ waa cheɡo kora Israel.

Mmarare 32:36

Korowii ɛɛ lɛ o nɛraa ɡɛ saŋ ba bokpeɡa aa ba tonɛ. Wɛɛ dɔ tedomaa tɛ nɛra baa dɛ tomɔɔ, ɡɛ saŋ baa wola nomɛlbwa dɔe ó cha ba.

Mmarare 32:29

Dɛ he ɛ wejerema dɛɛ no waa mun aa, he fe jemɛ ɡɛ aa ɛa ɡɛ waa nɔ ba he nɛ.

Mmarare 5:29

Dɛ ba pɛla fe ɛɛ lawɔɔ saŋ bɛlbwa dɛɛ duu mɛ, dɛɛ teŋɛ n waa bwa ta naa, ba ne ba naanar wobɛlbwa fe ɛɛ maɡroo tɛɛ ba.

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

Hibru 3:17

Lepetena nɛɛ Korowii baah di bene fifraanaarɛ nɔɔ? Nɛra baa ɛ wechɔɡa dɛ serewe kpɔɡ baah la, ba nɛɛ o baah di.

Malakae 3:6

Korowii ŋɔ, “Menee Korowii, maa charɛ bwa, a waa ɡela he Jekɔb naanar ta do le la.

Hosia 11:8

Israel tena, ɛrɛɛ mɛɛ ba wona ɡel heya ɔ? Ɛrɛɛ mɛɛ ba wona le heyaa tɛɔ? Mɛɛ won chɔɡ heyaa kɛŋɔ Adma tena aa? Ɛrɛɛ mɛɛ ba wona chɔɡ heyaa kɛŋɔ Seboiim tena ɔ? N liire aa men ɡɛ baɡle, nyina maa dɛ nyin heyaa la kan taeh.

Yela 119:158

Maa nɛra baa wola hen yarada la nyin, dɛkalkɛ baa he Mmarare ta teŋɛ.

Yela 110:4

Korowii baɡɛ nyoa waa wola o liiree charɛ ŋɔ, “Hɛɛ ɛ sɔfoo saŋ bɛlbwa dɛɛ la kɛŋɔ Mɛlkesɛdɛk.”

Yela 95:10

Bene fifraanaarɛ bwaa n baah di ba nɛ, asɛ n ŋɔ, ‘Ba deŋne kpeɡri! Ba vɛh waa maa do ba a ta.’

Yela 81:13

N dɛ nyin kɛ n nɛra fe aa no n deŋna wa, ásɛ dɛɛ teŋɛ n waa ta.

Yela 78:40

Keraŋwɛnɛ bwaa ba ɛ deŋnekpeɡ o nɛ, pua hɛŋle ɡbo harɛ ta, dɛ teŋɛ ɡel o bambile chɔɡ.

Tɔn Pɔɔl Aa Chwerɛ Rom Tena 11:29

Korowii te dɔɔ ŋɔ o nɛnee nɛn, dɛ ŋɔ wɛɛ ɛo wedɛɛɡaa yaa, waa nsana le.

Mumpar 6:7

“Mɛɛ chɔɡ nɛwɛnyina maa taa bwaa, ne ola ne jumbii ne kwaa aa dɛ tuuɡi tea ta ne anɔ la aa dɛ huuh bwa, dɛkalkɛ a dɛ we n nɛɛ kɛ maa taa.”

Jeremia 18:7

Dɛ saŋ bɛlbwa n ŋɔ mɛɛ chɔɡ harɛ bɛl nɛraa, dɛ́ paɡro dɛ́ kuuɡi o bwa,