Mumpar 50:5 - mzwDBL

⁵ N mɛɛ aa dɛ ba sewa la, o ɡelɔ n ŋwɛɛ baɡlo kɛŋɔ mɛɛ huɡoo bwebɔɔ waa kwaaro o do Keenan harɛ ta laanee. Anomanta, n dɛ soŋe, ó ɡel ń la ka huɡe n mɛɛ, ásɛ dɛ berɛ ba.”

Mumpar 50:5 ပူးပေါင်းရင်းမြစ်များ

Mumpar 3:19

Hɛɛ kwee bɔwɔbee mɔɔ dɛ́ di kwa ka tel kɛŋɔ haa berɛ kaa teera maa kpɔa mae la bini, dɛkalkɛ teera hen, teera binii he berɛ dɛɛ ba kaala.”

Mumpar 48:21

Jekɔb ŋɔ Josef be ŋɔ, “Taraken n seo telo, kɛ Korowiirii dɛ́ teŋɛ he nɛ, dɛ́ berɛ kpɔ heyaa ba Keenan, waa ɛ he naawa harɛ ta.

Mumpar 50:24

Josef ŋɔ o dɔɔranar la be ŋɔ, “N dɛ́ ba sewa, kɛ Korowii ɛɛ nyiŋi he nɛɛ ásɛ dɛ kpɔ heyaa le harɛ nɔ ta kaa harɛ waa baɡɛ Abraham ne Aesek ne Jekɔb nyoa la ta.”

Mumpar 50:4

A ɡɛ tɔpera la aa baa kaa la, Josef ŋɔ o nomondɔŋa be ŋɔ, “N poo heya, hé ka ŋɔ kooro be tɛ mɛ.

Mumpar 50:6

Baa laŋa dɛ́ ka bol kooro be la, o chaŋɔ ŋɔ, “Kaa dɛ ka huɡe he mɛɛ ɡɛ haa ŋwɛɛra baɡlo la.”

2 Webena 16:14

asɛ ba huɡo Kooro Devid Bwɛjen Jerusalam, bwe bɛl waa komɔ kɛŋɔ dea o ɛ o ɡbaɡba huɡribɔr bini. Ba kpɔ konsɔɔhsoma ne nosɔɔhsoma fɔɡlo dɛ huɡo. Nɛra warɔ cheme dɛ mar nijena a fuh, a baɡle jirima baa kpɔa dɛɛ tɛo o seo la wa.

Job Tɔn 30:23

N jemɔ kɛŋɔ seo binii hɛɛ kaa n ne, bela haa lea cheɡ nomɛlbwa la.

Yela 79:3

Ba kpoo nɛra ba chal fuɡe dɛɛ palɛ kɛŋɔ nee ken, dɛɛ palɛ Jerusalam fɔɡbaahna bwa, nomɛlbwa toole dɛ huɡ ba.

Wejereme 12:5

ɡɛ saŋ nɛra aa dɛɛ ɔmɛ bwejaŋa dor laŋa, ne ɔmee aa lɔ fɔɡbaahna, ne ɡɛ saŋ daa bɛl waa dɛ fe fepoŋa. Ásɛ hɔɔhre jah dɛɛ kaa tama tama, pɛlchɔɡa bwa ba a jaɡa, dɛkalkɛŋɔ nɛra boa ba nyoa, dɛɛ ba ba kaa lalabwɛ.

Wejereme 12:7

Ya bwadabii ɛɛ berɔɔ kaa teera ta, ásɛ ya doma kaa Korowii waa kpɔa tɛ yaa la be.

Wejereme 6:3

Dɛ nomɛl soɡo biɡri dɛ dɔ bii lafa, kɛ o soɡa dɛ biɡri bwa habɔɔ, dɛ o ta wone dɔ silɛɛ o kondɔɔh waa dɔa ta, dɛ sewɛ ba huɡo kɛrɛdɛ naa, amɔ dɛ bie baa haro ta kwaraa ɡwaalo.

Aesaya 22:16

‘Henee umeo? Umee tɛɛ ŋwɛnɛ ŋɔ hé pɛɡre bwe, dɛ́ kpɔ bela ɛ he lalbɔɔ, asɛ hɛɛ ɛo bodɛɛɡe dɛ́ kpɔ bela ɛ he chɔɔbɔr nɔɔ?

Matiu 27:60

dɛ kpɔɔ ka huɡe lalbɔɔ o ɡbaɡba aa forɛ bwe bɛl ta o do kɛŋɔ dea ken baa wola nomɛlbwa o bini huɡe mɔɔ la, dɛ ɡbili bwejen bɛl tɔ o nyoa, asɛ dɛ le bela kaa.

Mmarare 4:22

Mɛɛ sewɛ harɛ nɔ taa, maa Jɔɔdan Moo baŋee le. Heyaa dɛɛ ba he le dɛ́ ka so bela harɛdɛɛɡe ompare la ta ó ɛ he kon.

1 Samoɛl 14:43

Ate, Kooro Sɔɔl bɔɔ Jonatan ŋɔ, “Baɡ mɛ waa haa ɛa.” Asɛ o ŋɔ, “N daŋɡbala nyoa n kpɔ li tooh tama di, dɛɛ ba sewa taraken la.”