Mumpar 50:24 - mzwDBL

²⁴ Josef ŋɔ o dɔɔranar la be ŋɔ, “N dɛ́ ba sewa, kɛ Korowii ɛɛ nyiŋi he nɛɛ ásɛ dɛ kpɔ heyaa le harɛ nɔ ta kaa harɛ waa baɡɛ Abraham ne Aesek ne Jekɔb nyoa la ta.”

Mumpar 50:24 ပူးပေါင်းရင်းမြစ်များ

Mumpar 12:7

Belaa Korowii ba Abram be dɛ ba ŋɔ, “Harɛ nɔɔ mɛɛ ba kpɔe tɛ he naanar.” Anomanta, Abram pa bwea dawɛ dɔŋa nɛ bobɛl, dɛ kwaa saraha kon dɛ kpoo kwaa dɛɛ tɛ Korowii bela, kpɔe Korowii aa kpɔ o te baɡlo la wa.

Mumpar 13:15

A ɡɛ harɛ nɔ bwaa mɛɛ ba kpɔe tɛ he ne he naanar ó den ɛ he kon saŋ bɛlbwa dɛɛ la.

Mumpar 13:17

Anomanta, ɡaaɡe harɛ la bwa ta, dɛ́ na ɡɛ waa doa dɛkalkɛŋɔ he nɔn taa mɛɛ ba kpɔe do.”

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

Mumpar 15:7

O ŋɔ o be ja ŋɔ, “Menee Korowii, menee kpɔe le Ur waa lɔ Babelɔn harɛ ta, dɛ ba kpɔ harɛ nɔ tɛɛ o ɛ he ɡbabir kon saŋ bɛlbwa dɛɛ la.”

Mumpar 15:8

Belaa Abram bɔɔro ŋɔ, “Nemenɛ Korowii, ɛrɛɛ aa ba ɛɛ ń jemɛ kɛŋɔ n konee yɔ?”

Mumpar 17:8

Mɛɛ tɛ he ne he naanar Keenan harɛ haa ɛ hɔɔhra dɛ so o ta taraken nɔ bwaa, ásɛ o ɛ he kon saŋ bɛlbwa dɛɛ la, ásɛ n ɛ Korowii haa dɛɛ tom mɛ.”

Mumpar 21:1

Korowii aa baɡɛ Saara nyoa la, o chao dɛ ɡel o nyobaɡa la ɛ ɡɛ.

Mumpar 26:3

So bonɔ tama. Mɛɛ che he mun taa dɛ́ tɛɛ hɛɛra, dɛkalkɛŋɔ he ne he naanaree mɛɛ ba ń kpɔ harɛ nɔ bwa tɛ, ɡel n nyoa maa baɡɛ he mɛɛ Abraham la che kɛrɛdɛ.

Mumpar 28:13

Dɛ Korowii cheɡɛ o jwɛh dɛ ŋɔ, “Menee Korowii, menee he mɛɛ Abraham ne Aesek tomɛ la. Harɛ haa chɔ o ta nɔ, he ne he naanaree mɛɛ ba kpɔe tɛ.

Mumpar 3:19

Hɛɛ kwee bɔwɔbee mɔɔ dɛ́ di kwa ka tel kɛŋɔ haa berɛ kaa teera maa kpɔa mae la bini, dɛkalkɛ teera hen, teera binii he berɛ dɛɛ ba kaala.”

Mumpar 35:12

Harɛ maa kpɔa baɡɛ he nabaa Abraham ne he mɛɛ Aesek nyoa la, he ne he naanar baa ka ba habɔɔ laanee mɛɛ ba kpɔe tɛ.”

Mumpar 46:4

Mɛɛ teŋɛ he nɛɛ kaa bela, ásɛ dɛ berɛ ba he naanar ne a ɡɛ Keenan harɛ nɔ ta. He dɛ ba sewaa, Josef ɛɛ lawɛɛ he sewɛ.”

Mumpar 47:29

O seo tɔpere aa dɛ tel la, o yerɛ Josef dɛ ŋɔ o be ŋɔ, “Kpɔ nɔn do n hwie baah dɛ́ ŋwɛɛ kɛŋɔ nyina haa dɛ nyin mɛ ne kasinteŋ haa dɔa kohona tɛ mɛ nomanta, n sewaa, haa men Ijipt harɛ taa huɡe.

Mumpar 48:21

Jekɔb ŋɔ Josef be ŋɔ, “Taraken n seo telo, kɛ Korowiirii dɛ́ teŋɛ he nɛ, dɛ́ berɛ kpɔ heyaa ba Keenan, waa ɛ he naawa harɛ ta.

Mumpar 50:5

N mɛɛ aa dɛ ba sewa la, o ɡelɔ n ŋwɛɛ baɡlo kɛŋɔ mɛɛ huɡoo bwebɔɔ waa kwaaro o do Keenan harɛ ta laanee. Anomanta, n dɛ soŋe, ó ɡel ń la ka huɡe n mɛɛ, ásɛ dɛ berɛ ba.”

Job Tɔn 30:23

N jemɔ kɛŋɔ seo binii hɛɛ kaa n ne, bela haa lea cheɡ nomɛlbwa la.

Kaala 12:41

A ɡɛ bene lafraanaarɛ fifraatoro nɔ jaɡa taa Korowii nɛra baa lɔ Ijipt harɛ la bwa ir le bela.

Kaala 12:51

Awola tɔpere la tentenee Korowii lawɛ o nɛra Israel tena bwa le Ijipt harɛ denaa ta.

Kaala 13:19

Mosis aa dɛ kaa la, o pa Josef hoɡa dɛkalkɛ Josef ɡelɔ Jekɔb bii fa ŋwɛɛ baɡlo. O ŋɔ, “Korowii ɛɛ ba lɛ heyaa, anomanta, a chɛ kɛ hé kpɔ n chɔɔ le bonɔ harɛ nɔ ta.”

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Kaala 33:1

Ate, Korowii ŋɔ Mosis be ŋɔ, “Le bonɔ kaa, he ne nɛra haa kpɔ ba le Ijipt harɛ ba la, ásɛ dɛ kaa harɛ maa ŋwɛɛra baɡle Abraham ne Aesek dɛ Jekɔb ŋɔ ba naanaree mɛɛ ba kpɔe tɛ la ta.

Kaala 4:31

asɛ ba yaradao. Baa noa kɛŋɔ Korowii na ɡɛ baa dɛ ɛɛ ba hɔhɔrɔwa asɛ ba waa hiaoh kohona la, ba ɡuŋo dɛ duuru.

Wejereme 12:5

ɡɛ saŋ nɛra aa dɛɛ ɔmɛ bwejaŋa dor laŋa, ne ɔmee aa lɔ fɔɡbaahna, ne ɡɛ saŋ daa bɛl waa dɛ fe fepoŋa. Ásɛ hɔɔhre jah dɛɛ kaa tama tama, pɛlchɔɡa bwa ba a jaɡa, dɛkalkɛŋɔ nɛra boa ba nyoa, dɛɛ ba ba kaa lalabwɛ.

Wejereme 12:7

Ya bwadabii ɛɛ berɔɔ kaa teera ta, ásɛ ya doma kaa Korowii waa kpɔa tɛ yaa la be.

Nɛra Kura 32:11

‘Baala baa le Ijipt harɛ ta ba, dɛ dɔ bene fifraanɛ ne a habɔɔ la aa harɛ maa ŋwɛɛra, dɛ baɡɛ nyoa ŋɔ n kpɔɔ tɛ Abraham ne Aesek dɛ Jekɔb naanar laanee na, ba ta n nɛɛ teŋɛ bambile bwa ne.

Tɔn Pɔɔl Aa Chwerɛ Rom Tena 5:12

Nɛmbeŋkpoŋ nɛɛ a che wechɔɡa ba harɛ nɔ ta, asɛ a che o wechɔɡa ta seo ba harɛ ta. A waa seo bu nɛwɛnyini bwa la, dɛkalkɛŋɔ nɛwɛnyini bwa ɛ wechɔɡa.

Mmarare 1:8

Harɛ nɔ waa chɔ he sie nɔ, hé kaa dɛ́ ka kpɔ. Harɛ nɔɔ n baɡɛ nyoa ŋɔ mɛɛ kpɔɔ tɛ he naawa, Abraham ne Aesek ne Jekɔb dɛ ba naanar baa ka ba la.’ ”

Mmarare 6:10

Mosis berɔ ŋɔ, “Dɛ Korowii kpɔ heyaa ka tel harɛ waa baɡɛ he naawa, Abraham ne Aesek dɛ Jekɔb nyoa kɛ wɛɛ tɛ heyaa la ta, bwɛjena aa wera he laa vɔrɔwa,

Hibru 11:22

Josef aa dɛ ba sewa la, o ŋɔ Israel tena be ŋɔ baa le Ijipt harɛ taa, dɛ baɡle ɡɛ baa kaa o hoɡa ne ka huɡe bwa. Waa dɛ yarada Korowii la waa o won ɛ ɡɛ.

Hibru 9:27

Kerabeŋkpoŋii nɛwɛnyini bɛlbwa ɛɛ ba sewa, ásɛ a habɔɔ la, Korowii bol o waa dɛ́ pa bole.

Josua 24:32

Gɛ saŋ baa le Ijipt harɛ ta dɛɛ ba la, ba kpɔ Josef hoɡa kaa dɛ ka huɡe Sɛkem. Harɛ Jekɔb aa yawa le Sɛkem bibaa Hamɔ bibaala be suuɡapoŋa lafa la ta. Harɛ la baa ɛ Josef naanar kapɛrɛ kon.