Mumpar 50:18 - mzwDBL

¹⁸ Belaa o dɔɔranar la ɡbabir la dɛ ka ɡuŋi o sie dɛ ŋɔ, “Kpɔ yaa ɛ he bonɔɔna.”

Mumpar 50:18 ပူးပေါင်းရင်းမြစ်များ

Mumpar 27:29

Harɛre nɛra ɛɛ tomɛɛ, dɛ́ ɡuŋii harɛ. Hɛɛ ɛ nomoa he nya bii bwa nɛɛ, ásɛ ba ɡuŋi harɛ. Nomɛlbwa waa taahnee la, á berɛ ɡure o nyu ta, ásɛ nomɛlbwa waa soŋe andɛɛɡa tɛɛ la, ó ɡe dɔ andɛɛɡa.”

Mumpar 41:43

O ɡelɔ o so o koo kon waa do kɛ torɔɡo bini, asɛ nɛra tɔ o sie dɛɛ ŋɔ, “Hé tɛ ŋwɛnɛ! Hé tɛ ŋwɛnɛ!” Gɛɛ a do ba kpɔ Josef cheɡ ŋɔ wɛɛ nyiŋi Ijipt harɛ la bwa ta.

Mumpar 42:6

Dɛ Josef ɛ Ijipt harɛ la nomoa ne nɛn waa yoɡ boyu dɛɛ tɛ harɛre bwa nɛra. Anomanta, o dɔɔranar la aa bala la, ba kaa ɡuŋi o sie, dɛ kpɔ sie piiɡi harɛ.

Mumpar 44:14

Juda ne o bala aa tel Josef dem la, dɛ o ta lole, asɛ ba ka ɡuŋu harɛ.

Mumpar 45:3

A habɔɔ la, Josef ŋɔ o dɔɔranar la be ŋɔ, “Menee Josef. N mɛɛ ta lole naa?” Waa bɔɔ ba ɡɛ la, ba ta wone chaŋe wobɛlbwa, dɛkalkɛ ɔmee laɡ ba.

Mumpar 50:17

o ŋɔ ya ŋɔ he be ŋɔ, ‘Hé kpɔ ya wechɔɡa yaa ɛɛ la bwa kɛ yaa. Ya dɛ soŋe, kpɔ ya wechɔɡa kɛ yaa. Kpɔ Korowii he mɛɛ aa tomɔ la bonɔɔna wechɔɡa kɛ yaa.’ ” Waa la aa tel o be la, o wio.

Mumpar 50:19

Asɛ Josef ŋɔ ba be ŋɔ, “He bɛ ɔmɛ, n laa Korowii.