Mumpar 49:33 - mzwDBL

³³ Jekɔb aa bol o waa bwa tonɛ o bii la be la, o kpɔ o nyu bil kapuri ta dɛ sewɛ.

Mumpar 49:33 ပူးပေါင်းရင်းမြစ်များ

Mumpar 15:5

O nao kɛŋɔ Korowii aa lawɔ le buse dɛ ka ŋɔ, “Ha sie nyiŋi nyundua, dɛ́ na ɡɛ weweela aa wara, hɛɛ won kura aa? Gɛɛ mɛɛ ba ɡela he naanar warɛ.”

Mumpar 25:17

Ismael di bene lafa fifraatoro dɛ anuanɛ mɔɔ dɛ sewɛ dɛ ka pu o naawa.

Mumpar 25:8

Dɛ o hwɛɛhrɔ kɛrɛdɛ, dɛ sewɛ dɛ ka pu o naawa.

Mumpar 35:29

mɔɔ dɛ sewɛ. Asɛ o bii Esɔ ne Jekɔb huɡo.

Mumpar 49:1

Jekɔb yerɛ o bibaala asɛ dɛ ŋɔ, “Hé bwa ba cheme, ásɛ n baɡle heyaa waa aa dɛ ba he nɛɛ bala kerekere.

Mumpar 49:29

Ate, Jekɔb berɛ ŋɔ o bii la be ŋɔ, “Taraken, n dɛ ba sewa. N baa sewaa, hé ka huɡ mɛ n mɛɛwa huɡri bɔr o fa aa lɔ Hiti te Efron koo ta.

Mumpar 49:32

Koo la ne bwebɔɔ waa lɔ o ta la, yawaa n naa Abraham yawɔ le Hiti tena be. Hé huɡ mɛ bela.”

Mumpar 50:1

Josef kaa pi o mɛɛ nɛ, dɛ wi dɛ mo o lwɛɛma.

2 Koranar 13:14

Korowii keame Elaesa bwara weo, a taa o che dɛ sewɛ. Asɛ Israel Kooro Jehoas la dɛ ka nao dɛ wi baɡlo dɛ ŋɔ, “N dɔɔ! N dɔɔ! Nɛn waa cheɡɛ Israel tena habɔɔ!”

2 Koranar 13:20

Korowii keame Elaesa baa sewɛ asɛ ba huɡo. Dɛ benanyoa bɛlbwa, Moab tena yon lɔ ba tɔ Israel tena nɛɛ dɛ́ kah ba kwa, dɛ́ berɛ kaa warane.

Job Tɔn 14:10

Kɛ dɛ nɛn te sewaa, dɛ a tonɔ, o sewaa, dɛ lee o dɔɔ jaɔ?

Job Tɔn 30:23

N jemɔ kɛŋɔ seo binii hɛɛ kaa n ne, bela haa lea cheɡ nomɛlbwa la.

Job Tɔn 5:26

Hɛɛ dɔ mkpajaŋee, he bwara ta do kpeɡri mɔɔ he sewɛ, kɛŋɔ mea yon be kɛrɛdɛ mɔɔ ba koma la.

Wejereme 12:7

Ya bwadabii ɛɛ berɔɔ kaa teera ta, ásɛ ya doma kaa Korowii waa kpɔa tɛ yaa la be.

Amanesoma Luk Aa Chwera Tɔn 2:29

“N Naa Korowii, he teŋɛ he nyobaɡa ta, name te hɛɛ wonoo ɡel men maa ɛ he bonɔɔ sewɛ sɔnɔnɔɔ,

We-ɛɛla 7:15

Asɛ Jekɔb ir kaa Ijipt harɛ dɛ ka so bela. Belaa o ne o bii la bwa ka serewe.

Hibru 11:22

Josef aa dɛ ba sewa la, o ŋɔ Israel tena be ŋɔ baa le Ijipt harɛ taa, dɛ baɡle ɡɛ baa kaa o hoɡa ne ka huɡe bwa. Waa dɛ yarada Korowii la waa o won ɛ ɡɛ.

Hibru 12:23

O binomonome o kapɛrɛ aa ku ba nɔn asɛ ba sɔna do tɔn la aa lɔ o be la ta la ɡba cheme bela. Ba ne Korowii waa dɛ ba nɛra bwa waa bola dɛ́ pa bole la, ne lala ba wa aa toɡra dɛ su o siwi, asɛ o ɡel ba ɛ nɛndɛɛɡa ka tonɛ la bwa bee he ba.