Mumpar 49:26 - mzwDBL

²⁶ He naawa sweera baa sweera tɛ he mɛɛ la ɡwaa kondɛɛɡa haa dɛ naa deŋɡarere dor. Korowii le Josef cheɡ dɛ tɛo a ɡɛ hɛɛra nɔ a dawɛ o tile ta, dɛkalkɛ o ɡwaa o dɔɔranar.

Mumpar 49:26 ပူးပေါင်းရင်းမြစ်များ

Habakuk 3:6

He iro che asɛ harɛ jiɡri, he ta sie nyiŋi harɛre nɛra aa, dɛ ba dɛ chel. Bwejena aa lole le saŋ la bwa kuuɡo, asɛ deŋɡarere a ɡe aa lole le saŋ la bwa ɡe bur. He te ŋwɛnɛre ta jaɡa dɔe.

Jona 2:6

N sirimo ka chɔ bwejena lɔɡre, a do kɛŋɔ baa huɡ mɛ maa wola bɔree dɔ le dɛ́ dɔ n nyu. Kɛ n Naa Korowii le n ne seo ta.

Aesaya 66:5

Hé no waa Korowii aa dɛ bol, he nɛra haa dɛ ɔmɔ dɛɛ no o deŋna waa la. O ŋɔ, “He wa aa dɔ kasinteŋ tɛ mɛ nomanta, he bala bane hah heya, dɛ vɛh heya. Ba dɛ muɡli he baah ŋɔ, ‘He ɡel Korowii baɡle o kpeɡri dɛ́ lɛ heya ásɛ ya na he silɛɛ.’ Kɛ ba ɡbaɡbaa dɛɛ ba sihiih dii kohona.

Aesaya 54:10

Hale bwejena jiɡro le a buɡ ta, asɛ deŋɡarere chuɡri aa, n nyina aa wola jaɡa dɔe la te ɛɛ do lee, n ne he deŋnesɔɔhna fɔo la ɡe aa jaɡa dɔe ba bwa. Men Korowii maa dɔ tedoma tɛɛ laanee bola.

Yela 132:18

Sihiih ɛɛ kpo o dɔmaa kohona, kɛ o te kora ɛɛ dɔ jirimaa kɛrɛdɛ.”

Yela 89:36

wɛɛ dɔ naanaree saŋ bɛlbwa, mɛɛ nyiŋi o harɛ taa ó che kiŋkiŋ saŋ bɛlbwa kɛŋɔ wee aa dɛ chaah saŋ bɛlbwa nɔ.

Nɛra Kura 6:2

ó bol Israel tena be ŋɔ, “Dɛ haah kɛɛ baa dɛ nyin kɛ o baɡɛ nyoa dɛ́ kpɔ o te tɛ men Korowii kɛŋɔ Nasiri te aa,

Mumpar 37:28

Bonadiire la aa tel ba be la, o dɔɔranar la lawɔ le kɔlɔŋ la bini, dɛ yoɡu tɛɛ ba suuɡapoŋa fifraanɛ, asɛ ba kpɔɔ kaa Ijipt harɛ ta.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

We-ɛɛla 7:9

Dɛ Jekɔb bii la aa ba nime Josef la waa nyin, dɛ kpɔ bɔweela yoɡu tɛ Ijipt tena, asɛ ba ka kpɔɔ ɛ ba yom. Dɛ Korowii teŋɛ Josef nɛ,

Mumpar 37:8

Asɛ o dɔɔranar la bɔɔro ŋɔ, “Amɔ he dɛ lii kɛ he dɛ ba bá di kora dɛ́ nyiŋi ya nɛɛ kɛɛ?” Belaa o haeh la berɛ ɡwaa kohona kwara.

Mumpar 49:27

Bɛnjamen do kɛŋɔ noniete o sie aa beɡre ol lawa dɛ́ di. Chɔɔ ne jɔmɔra bwaa o te ɛɛ kpoo ola dɛɛ dia.”