Mumpar 47:26 - mzwDBL

²⁶ Anomanta, Josef ɛ mmara harɛ la ta kɛŋɔ nomɛlbwa komɛ o koo kwa aa, ó bɔne a bini bɔre anue, dɛ́ kpɔ bɔrbeŋkpoŋ ba tɛ kooro. A ɡɛ mmara la ta lɔ Ijipt harɛ ta ba le fini. Nemenɛ harɛ waa ɛ sɔfore kon la ɡboo wola jae.

Mumpar 47:26 ပူးပေါင်းရင်းမြစ်များ

Mumpar 14:20

Nemenɛ Korowiirii dɔ jam kɛŋɔ waa ba he dɔma ne harɛ asɛ he tiɡri ba nɛɛ nɔ.” Asɛ Abram bɔne koŋkwaare waa kaa lɛ o dɔma la be la bini bɔre fi, dɛ kpɔ bɔrbeŋkpoŋ tɛ kooro Mɛlkesɛdɛk.

Mumpar 28:22

Bwe maa kpɔa pa dɛ kpɔ dɛɛ liiri nɔɔ dɛɛ ba he torome bɔr ɛɛ. Ásɛ komɛlbwa ɡe haa tɛ mɛ la, bɔre fi bɛlbwa la, mɛɛ tɛɛ bɔrbeŋkpoŋii.”

Mumpar 41:34

A chɛ kɛ he nyin nomonome bane ɡe, ba nyiŋi dɛɛ lɛ kondikwaare bene anuanɛ la ta, ɡɛ saŋ kondikwa aa ba warɛ harɛ nɔ ta kohona la. Bá bɔne a bini bɔre anue dɛ́ lɛ bɔrbeŋkpoŋ.

Mumpar 47:22

Sɔfore ɡbo harɛɛ kaa ba ta yawɛ. Ba te ta ba harɛ yoɡe, dɛkalkɛ dɛ kooro tɛɛ ba kondikwaa baa di.

Mumpar 47:25

Asɛ ba chaŋe ŋɔ, “Nomoa, he lɛ ya nyu dɛ nyiŋi yaa kɛrɛdɛ. Yaa ɛ kooro bonɔɔnaa.”

Ɛsra 7:24

A chɛ kɛ hé jemɛ ja kɛŋɔ he ta kpeɡri dɔe kɛ he lɛ toɔ bɛlbwa soo siwi le sɔfore ne Lewi dea tena, ne yelɡoola dɛ nɛra baa dɛ daah Korowii Dea doonyoo, ne bonɔɔna baa dɛ ɛ toma Korowii Dea, kɛɛ tom-ɛɛ bɛlbwa waa kaa dɛɛ ɛ toma Korowii Dea be.

Ɛsekeɛl 7:24

Mɛɛ ɡeloo nɛnchɔɡa tenten le harɛre ta ba, dɛ́ ba lɛ he deene dɛ́ kpɔ. Mɛɛ ɡeloo he kpeɡnɛra haa dɛ hwɛɡɛ ba nɛɛ la nyoa sɔɔh, dɛ́ ɡel bela haa dɛ tomɛ voɡa la ɛ pɛɛpɛɛ.

Lewi Dea Tena 27:30

Kondikwaa bɛlbwa aa le harɛ la ta dɛ ɛ mea kɛɛ daa nɔna la, a chɛ kɛ he bɔne a bɛlbwa bini bɔre fi, dɛ́ kpɔ bɔrbeŋkpoŋa ba tɛ men Korowii. A ɛ kwaa aa do ɡoroŋ dɛ tɛ mɛ.

Nɛra Kura 18:21

Lewi dea tena te, Israel tena kwaa baa bɔne a bini bɔre fi dɛ kpɔ bɔrbeŋkpoŋ baa tɛ mɛ laanee n kpɔ tɛɛ ba kɛŋɔ ba kapɛrɛ, toma baa dɛ ɛ n Dea Cheremibɔr bela nomanta.

Mmarare 14:22

Anee Mosis berɛ ŋɔ, “Bena bɛlbwa koo kwaa haa dɔ la, hé bɔne a bini bɔre fi dɛ laa bɔrbeŋkpoŋ kwaa cheɡ.

Mmarare 26:12

Bene atoro bɛlbwa he bɔne he koo kwaa bini bɔre fi, ásɛ dɛ kpɔ bɔrbeŋkpoŋ tɛ Lewi dea tena ne hɔɔhra ne bilalbii dɛ luhaahna baa soɡe he baah la, ásɛ ba bwa dɔ di dɛ vaɡre. He ɛ ɡɛ tonaa,