Mumpar 46:5 - mzwDBL

⁵ Belaa o le Beɛseeba asɛ o bii la kpɔ o ne ba ɡe bii ne haahna do kon waa do kɛŋɔ torɔɡo ba vɔwɛ pɛl jaɡre Ijipt kooro aa kpɔa tom ba ŋɔ bá kpɔ ba kpɔɔ ba la bini.

Mumpar 46:5 ပူးပေါင်းရင်းမြစ်များ

Mumpar 21:14

Anomanta, Abraham iro chɔmbibii dɛ kpɔ kondikwaa ne oltɔn pur, dɛ do nee o bini o su dɛ kpɔ chɔŋɛ Heeɡa vaama ta. O lawɛ bie la ja o nɛ, dɛ ta ba ŋwɛnɛ ba kaa. Heeɡa aa lea kaa la, bobɛl waa ɛ pua hɛŋle ɡbo harɛ baa yerɔ Beɛseebaa o ka do dɛɛ ɡaaɡe.

Mumpar 45:19

Berɛ ŋɔ ba be ŋɔ bá kpɔ kwaa aa dɔ tɔre baa taɡa kɛ torɔɡo ba vɔwɛ pɛl jaɡre, dɛ́ ka kpɔ ba haahna ne bii, dɛ́ kpɔ ba mɛɛ ɡe ba.

Mumpar 45:21

Anomanta, Jekɔb bii la ɛ ɡɛ baa bol ba be la bwa. Josef kpɔ torɔɡore baa vɔwa pɛl jaɡre la ane tɛɛ ba ɡɛ kooro aa bola la. Asɛ dɛ tɛɛ ba kondikwaa baa di ŋwɛnɛ ta ɡe ja.

Mumpar 45:27

Kɛ baa bol waa Josef aa bol ba be baɡlo o no, dɛ na kwaa aa dɔ tɔre baa taɡa kɛ torɔɡo ba vɔwa pɛl jaɡre, Josef aa kpɔa tɛɛ ba ŋɔ bá kpɔ ba kpɔɔ ba Ijipt la, o berɔ wɛr.

Kaala 10:24

Belaa kooro yerɛ Mosis dɛ ŋɔ, “Hé kaa ásɛ dɛ ka tomɛ he Korowii la. Hé kpɔ haahna ne bechale kaa dɛ́ ɡel kondɛɛra la te.”

Kaala 10:26

A chɛ kɛ yá kaa ya kondɛɛra ɡe bwa ne beŋkpoŋ kwaraa aa wola ka. A bini anee yaa ba kpɔe ɛ saraha tɛ Korowii yaa dɛ tomɔ la, kɛ dɛ ya ta bela telaa, yaa won jemɛ anɔ la yaa lawɛ ɛ.”

We-ɛɛla 7:15

Asɛ Jekɔb ir kaa Ijipt harɛ dɛ ka so bela. Belaa o ne o bii la bwa ka serewe.

1 Samoɛl 12:8

Jekɔb ne o bii aa kaa jo Ijipt harɛ ta asɛ baa fiɡ ba la, he naawa wio no Korowii ŋɔ ó cha ba. Asɛ o tomɛ Mosis ne Arɔn ba ba lawɛ he naawa le Ijipt harɛ ta, dɛ kpɔ ba ba so bonɔ.