Mumpar 46:34 - mzwDBL

³⁴ hé nyiŋi kɛrɛdɛ dɛ́ ŋɔ o be ŋɔ haa ira bwa, kondɛɛra ta nyiŋa toma ɡboo hɛɛ ɛ ɡɛ ya naawa aa ɛa wubwa la. O no ɡɛ naa, wɛɛ ɡeloo he so Gosen harɛ bonɔ.” Dɛ Ijipt tena kii peteɡra, a waa Josef ŋɔ ba ŋɔ ɡɛ la.

Mumpar 46:34 ပူးပေါင်းရင်းမြစ်များ

Mumpar 13:7

A ɡɛ nomanta, naɡra chole Abram bonɔɔna baa dɛ nyiŋi o kondɛɛra ta la, ne Lɔt bonɔɔna baa dɛ nyiŋi o ɡe kwaa ta la baah. Gɛ saŋ dɛ Keenan harɛ tena ne nɛra bane baa dɛ yer ba Pɛrɛs tena ta soɡe harɛ la ta.

Mumpar 13:8

Belaa Abram ŋɔ Lɔt be ŋɔ, “Nɛmbeŋkpoŋii n ne he bwa, anomanta, a ta chɛɛ kɛŋɔ n ne he yo, a ta chɛɛ kɛŋɔ n bonɔɔna ne he bonɔɔna ɡe yo.

Mumpar 26:20

A kaa ba kɛ nɛra bane baa dɛ nyiŋi kondɛɛra nɛ dɛ le Gerar balɔ, ba ne Aesek bonɔɔna baa dɛ nyiŋi o ɡe kondɛɛra ta la ɛɛ yo. Asɛ bela tena la baɡle ŋɔ, “Ya konee kɔlɔŋ la.” Anomanta, Aesek pa kɔlɔŋ la sɔn Esɛk. O munii webeɡra. Dɛkalkɛŋɔ ba beɡre o wa.

Mumpar 30:35

Awola tɔpere la, Laban lawɛ bombala aa lɛɡra ne anloni aa peeɡa kɛɛ anɔ la aa lɛɡre ampoŋa do o bii nɔn ta baa nyiŋi a ta. O lawɛ peera aa bira bwa ɡe jaa ba.

Mumpar 34:5

Dɛ Jekɔb noɔ kɛŋɔ Sɛkem ɡuɡri o bihaah Daena o ne o chɔ, kɛ bela la, o ta wobɛlbwa chaŋɛ, dɛkalkɛ dɛ o bibaala la kaa nae ne dibɔr ba ta balɛ mɔɔ.

Mumpar 37:12

Awola bɛl, o dɔɔranar la kpɔ o mɛɛ kondɛɛra la kaa dibɔr Sɛkem pera,

Mumpar 37:2

Kenii o bii ne o naanar waa do, Jekɔb bie Josef aa di bene fi dɛ anuanɛ la, dɛ o ne o dɔɔranar dɛ nyiŋi kondɛɛra ta. O mɛɛ haahna banɛ baa dɛ yer ba Bilha ne Silpa la biirii ban. Josef yon ba taa dichɔɡa o dɔɔranar aa dɛ di o mɛɛ be.

Mumpar 43:32

Ba kpɔ Josef kwaa cheɡo korɛ, asɛ o dɔɔranar la ɡe kwaa korɛ. Dɛ Ijipt tena bane jao dɛ ɡee di kwaa la ane. Dɛ Ijipt tena kii ba ne Hibru tena nɔn pɛɛ dɛ́ di kwa, anomanta, ba korɛ ba kwa.

Mumpar 45:10

Ó ba, dɛ́ ba so Gosen waa lɔ Ijipt harɛ nɔ ta dɛ́ bɛn mɛ. Ó kpɔ o bii ne o naanar ne peera ne boohna, ne o nae dɛ komɛlbwa waa dɔa ba.

Mumpar 45:18

dɛ́ ka kpɔ ba mɛɛ ne ba bii ne ba dem tena bwa ba Ijipt harɛ ta. Dɛ́ wɛɛ tɛɛ baa bela waa wera Ijipt harɛ ta bonɔɔ, ásɛ ba dɔ komɛlbwa baa dɛ nyin.

Mumpar 46:32

Mɛɛ ŋɔ o bee ŋɔ he ɛ peteɡra dɛɛ nyiŋi kondɛɛra ta, anomanta, he ba he kondɛɛra ne he kwaa haa dɔa bwa ne.

Mumpar 47:11

Josef kpɔ o mɛɛ ne o dɔɔranar ka so harɛ la ta, bela waa wera ŋɔ ó ɛ ba kon, ɡɛ kooro aa bola la. Dɛ bela bɛne bwɛjen Rameses, Gosen bela.

Mumpar 47:3

Belaa kooro bɔɔ ba ŋɔ, “Bɔkwa tomaa hɛɛ ɛɔ?” Asɛ ba chaŋe ŋɔ, “Nomoa, ya ɛ peteɡra kɛŋɔ ya naawa fa aa ɛa la.

Mumpar 47:4

Ya balɔ dɛ́ ba so harɛ nɔ ta, dɛkalkɛ lɔr chole Keenan harɛ ta taeh, kondikwaa toole ya kondɛɛra kwaraa di. Nomoa, ya dɛ soŋe kɛ he tɛ yaa bɔr ya so Gosen harɛ ta.”

Mumpar 47:6

Ijipt harɛɛ chɔa kaa la. Harɛ la bela waa wera la, kpɔ he mɛɛ ne he dɔɔranar ka so o ta. Dɛ he nyiŋi ba bini dɛ na kɛŋɔ bane ɛɛ won nyiŋi kondɛɛra ta kɛrɛdɛ naa, kpɔ n ɡbaɡba kondɛɛra la do ba nɔn ta.”

Kaala 8:22

Kɛ awola tɔpere la, Ijipt harɛ Gosen n nɛra aa soɡe bela la te aa ɡɛ waa nɔɔ na. Chwɛɛhne la aa ba te nɛɛ ba, ásɛ he jemɛ kɛŋɔ menee Korowii maa lɔ n nɛra baah ta.

Kaala 8:26

Anee Mosis chaŋe ŋɔ, “A ta maɡrɛ kɛ ya ɛa bonɔ. Kwaa yaa kpɔ tɛ Korowii la ɛ kwaa haa kia. Dɛ ya ŋɔ ya ɛa he siwi ta naa, he nɛra aa yaa bwea foɡre kpo aa?