Mumpar 45:21 - mzwDBL

²¹ Anomanta, Jekɔb bii la ɛ ɡɛ baa bol ba be la bwa. Josef kpɔ torɔɡore baa vɔwa pɛl jaɡre la ane tɛɛ ba ɡɛ kooro aa bola la. Asɛ dɛ tɛɛ ba kondikwaa baa di ŋwɛnɛ ta ɡe ja.

Mumpar 45:21 ပူးပေါင်းရင်းမြစ်များ

Mumpar 45:19

Berɛ ŋɔ ba be ŋɔ bá kpɔ kwaa aa dɔ tɔre baa taɡa kɛ torɔɡo ba vɔwɛ pɛl jaɡre, dɛ́ ka kpɔ ba haahna ne bii, dɛ́ kpɔ ba mɛɛ ɡe ba.

Mumpar 45:20

Ba bɛ komɛlbwa waa lii a we ba nɛ. Kondɛɛɡa aa lɔ Ijipt harɛ ta la bwa ɛ ba kwa.

Mumpar 45:27

Kɛ baa bol waa Josef aa bol ba be baɡlo o no, dɛ na kwaa aa dɔ tɔre baa taɡa kɛ torɔɡo ba vɔwa pɛl jaɡre, Josef aa kpɔa tɛɛ ba ŋɔ bá kpɔ ba kpɔɔ ba Ijipt la, o berɔ wɛr.

Mumpar 46:5

Belaa o le Beɛseeba asɛ o bii la kpɔ o ne ba ɡe bii ne haahna do kon waa do kɛŋɔ torɔɡo ba vɔwɛ pɛl jaɡre Ijipt kooro aa kpɔa tom ba ŋɔ bá kpɔ ba kpɔɔ ba la bini.

2 Webena 35:16

Anomanta, awola tɔpere la te, ba dɛ di Galekaa Tɔpejen la Korowii sɔn ta, dɛɛ fuh saraha kwaa kon baa ɛ sarahare dɛɛ tɛ Korowii la ta, ɡɛ Kooro Josia aa do ba la.

2 Webena 8:13

ɡɛ Mosis aa doa ŋɔ baa ɛ sarahare tɔpere bɛlbwa, Ona Tɔpera ne Korobifala Tɔpejena. Dɛ Tɔpejena atoro ane kɛŋɔ, Paanoo Iisi Aa Wola Toole A Ta Tɔpejen, ne Koo Kondikwaa Koma Tɔpejen, dɛ Kukure Tɔpejen dii ta la.

Kaala 17:1

Israel tena bwa iro le Sen pua hɛŋle ɡbo harɛ ta dɛɛ ɡaaɡe, dɛ so dɛɛ ir ɡɛ Korowii aa dɛ do ba la. Ba ɡaaɡɔ dɛ ka baŋre ba tɛnte deene so bobɛl ɡe baa dɛ yerɔ Refidim. Dɛ nee toole harɛ la ta bá nyɔ.

Wejereme 8:2

Dɛ kooro bol wa aa, nyiŋi kɛrɛdɛ dɛ́ ɛ ɡɛ waa ŋɔa, dɛkalkɛ he ŋwɛɛrɔ baɡle Korowii a wa.

Wiile 1:18

Korowii te waa toɡrɔ tɛ mɛ, kɛ menee vɛh waa waa do mɛ a ta. Hé no n be, he nɛra haa lɔ bobɛlbwa, dɛ́ na wenaale maa lɔ o ta. Ba lawɛ n bonɔɔna ne toli bwa laa ta kaa harɛfala ta.

Ɛsekeɛl 23:24

Baa kpɔ dɔmkwaa le weekaŋle nyunduabɔree, dɛ́ so torɔɡore baa vɔwa pɛl jaɡre, ne anɔ la aa dɔ tɔre baa taɡa kɛ torɔɡo warɛ kohona dɛ́ ba yo. Baa le bobɛlbwaa dɛ́ ba bare, dɛ́ kpɔ kwaa tɔ ba te ɡbemɡbe dɛ́ pi laa ɡbɛrɛre. Mɛɛ kpɔe do ba nɔn ta ásɛ ba tɛr he deŋne.

Nɛra Kura 3:16

Asɛ Mosis kur ba ɡɛ Korowii aa doo ŋɔ ó ɛ la.