Mumpar 45:20 - mzwDBL

²⁰ Ba bɛ komɛlbwa waa lii a we ba nɛ. Kondɛɛɡa aa lɔ Ijipt harɛ ta la bwa ɛ ba kwa.

Mumpar 45:20 ပူးပေါင်းရင်းမြစ်များ

Mumpar 20:15

Belaa Abemɛlɛk ŋɔ o be ŋɔ, “Na, harɛ nɔ aa chɔa kaa nɔ, n konee o bwa. Hɛɛ won ka so bobɛlbwa haa dɛ nyin.”

Mumpar 45:18

dɛ́ ka kpɔ ba mɛɛ ne ba bii ne ba dem tena bwa ba Ijipt harɛ ta. Dɛ́ wɛɛ tɛɛ baa bela waa wera Ijipt harɛ ta bonɔɔ, ásɛ ba dɔ komɛlbwa baa dɛ nyin.

Mumpar 45:19

Berɛ ŋɔ ba be ŋɔ bá kpɔ kwaa aa dɔ tɔre baa taɡa kɛ torɔɡo ba vɔwɛ pɛl jaɡre, dɛ́ ka kpɔ ba haahna ne bii, dɛ́ kpɔ ba mɛɛ ɡe ba.

Mumpar 45:21

Anomanta, Jekɔb bii la ɛ ɡɛ baa bol ba be la bwa. Josef kpɔ torɔɡore baa vɔwa pɛl jaɡre la ane tɛɛ ba ɡɛ kooro aa bola la. Asɛ dɛ tɛɛ ba kondikwaa baa di ŋwɛnɛ ta ɡe ja.

Mumpar 47:6

Ijipt harɛɛ chɔa kaa la. Harɛ la bela waa wera la, kpɔ he mɛɛ ne he dɔɔranar ka so o ta. Dɛ he nyiŋi ba bini dɛ na kɛŋɔ bane ɛɛ won nyiŋi kondɛɛra ta kɛrɛdɛ naa, kpɔ n ɡbaɡba kondɛɛra la do ba nɔn ta.”

Ɛsra 9:12

Anomanta, he bɛ he bihaahna kpɔ tɛ ba bibaala bá mo, ɡɛɛ aa wola chɛɛ kɛ he ɡe bibaala mo ba bihaahna. Hé ne ba bɛ nyopɛo fɔo bɛlbwa fɔwɛ, ɡɛ aa ɛ he won so dɛ́ biɡri, dɛ́ dɔ bokpeɡa dɛ́ di harɛ la ta kondɛɛɡa, ásɛ a chɔ le tɛ he bii saŋ bɛlbwa dɛɛ la.’

Kaala 22:7

Dɛ nomɛl kpɔ suuɡapoŋa kɛɛ laala ane tɛ o dɔŋ ŋɔ o cheɡ, asɛ a ba kɛŋɔ ba ŋwɛa asɛ ba lawɛ ŋwɛɛ la aa, ó bɔ a bele anɛ.

Aesaya 1:19

Dɛ he ɛ deŋnepwɛr dɛ no n be te naa, hɛɛ dɔ harɛ la ta kondɛɛɡaa di.

Aesaya 13:18

Baa kpɔ ba tori ne hɛmaa le bonɔɔna nɛɛ dɛ́ kpoo ba. Ba te waane laa bechasɔɔhne wa, ba ta tedoma dɔe tɛ bechajeɡre ɡe.

Ɛsekeɛl 20:17

N na ba sum, n ta ban chɔɡɛ kɛɛ dɛ kpoo ba pua hɛŋle ɡbo harɛ ta bela.

Ɛsekeɛl 7:4

Maa he nɛɛ sune, maa kpɔ kɛ heya, mɛɛ tɛr he deŋnee he wechɔɡa ne waa maa kia he ɛa la wa. Ásɛ he jemɛ kɛŋɔ menee Korowii.’ ”

Ɛsekeɛl 7:9

Maa he nɛɛ sune, maa kpɔ kɛ heya. Mɛɛ tɛr he deŋnee waa haa ɛa la ne waa maa kia he ɛ la waa, ásɛ he jemɛ kɛŋɔ men Korowiirii ba a ne.

Ɛsekeɛl 9:5

N taa dɛ no Korowii be la, o berɔ ŋɔ baala la ɡe be ŋɔ, “Hé teŋɛ o nɛɛ jo bwɛjen la bini, dɛ́ ka kpoo nɛra la. He bɛ bɛlbwa ɡel, he bɛ tedoma dɔ tɛ bɛlbwa.

Matiu 24:17

Nomɛlbwa waa soɡe saldoa ɡe, o bɛ berɛ koh o te ŋɔ o dɛ tu dɛ́ jo dea dɛ́ ka kpɔ komɛl kpa.

Amanesoma Luk Aa Chwera Tɔn 17:31

Awola tɔpere la, nomɛlbwa waa soɡe saldoa o laala do dea la, o bɛ tu ba kpɔ kpa. Gɛ tentenee nomɛlbwa ɡe waa do koo ta la, o ɡe bɛ dem ba dɛ́ ba kpɔ komɛlbwa kpa.

Mmarare 19:13

He bɛ o sum na, ásɛ a chiɡ heyaa kɛrɛdɛ. Gɛɛ dɛ le nɛn waa wola wechɔɡa ɛɛ ba kpoo la bolchɔɡe dii le Israel harɛ ta.

Mmarare 19:21

He bɛ nomɛlbwa sum dɛɛ na, dɛ he kpo nɛn aa, a nyoa hɛɛ ba kae. He fome he dɔŋ siwi aa, bá fome he ɡe kon, he ku he dɔŋ nyen aa, bá ku he ɡe kon, he teŋe he dɔŋ nɔn aa, bá teŋe he ɡe kon, he teŋe he dɔŋ nakpala aa, bá teŋe he ɡe kon.”

Mmarare 7:16

Harɛre nɛra Korowii haa dɛ tomɔ la aa kpɔa do he nɔn ta la, hé chɔɡ ba bwa. He bɛ ba sum na dɛ́ tomɛ ba voɡare ɡe, a do kɛŋɔ bela dɛ́ lawɛ heya.

Josua 7:11

Israel tena ɛ wechɔɡa, ba chɔɡ n ne ba fɔo yaa fɔwa n do ba ŋɔ baa teŋɛ a ta la ta. Ba kpɔ kwaa maa ŋɔa ba le cheɡ tɛ mɛ la ane. Ba ŋwɛa dɛ teŋe nyosone, dɛ paa ja ba laala ta.

1 Samoɛl 10:22

Anee ba ka bɔɔ le Korowii be ŋɔ, “Sɔɔl ta bonɔ balɛ mɔɔ kɛɛ?” Asɛ Korowii ŋɔ, “O sɔh bone la habɔɔ.”

1 Samoɛl 25:13

Devid ŋɔ o nɛra la be ŋɔ, “Hé kpɔ he keri.” Asɛ ba kpɔ ba keri sɛɡle ba te, Devid ɡe kpɔ o kon. Laa tena dɛ ɛ lafraanaarɛɛ ja Devid nɛ o ne ba kaa, asɛ lafraanɛ te ka ba ne nɛra baa dɛ nyiŋi laala ta la be.

1 Samoɛl 30:24

Nomɛlbwa toole dɛ́ no he waa nɔ mun. Bɛl la waa soɡa dɛɛ daah laala, ne bɛl la waa la laa bwa chɛ kɛ he bwa bɔna kɛrɛdɛ.”