Mumpar 45:15 - mzwDBL

¹⁵ O mo o dɔɔranar la lwɛrɛme dɛ wi. Asɛ a habɔɔ o ne ba bol wa.

Mumpar 45:15 ပူးပေါင်းရင်းမြစ်များ

Amanesoma Luk Aa Chwera Tɔn 15:20

Bie la aa lii ɡɛ la, o iro chiɡ ŋwɛnɛ ta dɛɛ kaa o mɛɛ be. Waa dɛ kaa o mɛɛ be la, o mɛɛ lɔ dem dɛ nao bojaŋ, asɛ o tea domɔ, o chwa chemo dɛ ka ɡbaaro pɛl o bambile.

We-ɛɛla 20:37

Baa ira la, ba lawɔ ɡbaa ba bambile, dɛ kpɔ wii dɛ kalo.

Yela 77:4

He ɡelɔ maa won dom chɔ, n bwara dɛ nyɛɡ n bol waa kahonɛ.

2 Samoɛl 14:33

Anomanta, Joab la Kooro Devid be dɛ ka bol waa nɔ baɡlo. Belaa o yerɛ Absalɔm o ba ɡuŋi o sie, asɛ kooro jaamo dɛ ɡbaaro pɛl o te.

1 Samoɛl 20:41

Bie la aa kaala la, Devid iro le Esal bwetal o fa aa kaa sɔh o ta la ta, dɛ ba ɡuŋi Jonatan sie, dɛ kpɔ sie pi harɛ kera atoro. Asɛ ba ɡbaa dɔŋa pɛl ba te, dɛ bwa ɛɛ wi, kɛ Devid wii laanee ɡwaala.

1 Samoɛl 10:1

Belaa Samoɛl kpɔ ɔleve noo loŋbir dɛ fuɡe do Sɔɔl nyu ta, dɛ ɡbaaro pɛl bambile dɛ ŋɔ, “Korowii lee he ɛ o nɛra Israel tena sitɔɔ. Hɛɛ nyiŋi ba nɛɛ, dɛ́ lɛɛ ba le ba dɔma baa bar ba cheme nɔn ta. Anee dɛ́ baɡle kɛŋɔ Korowii lee he ɛ o nɛra Israel sitɔɔ.

Rut Tɔn 1:14

Asɛ ba berɛ wi anɔ ɡe ta ja. Belaa Ɔpa mo o lwɛɛma dɛ kalo. Kɛ Rut te ta lawɔ kpoŋe dɛ ŋɔ waa on ta.

Rut Tɔn 1:9

Korowiirii dɛ́ cha heya, ásɛ bɛlbwa berɛ dɔ jaa dɛ́ dɔ bodɛɛɡe so.” Belaa o ka mo ba lwɛɛma dɛ kal ba. Asɛ ba pa mun dɛɛ wi,

Kaala 4:27

Anee Korowii ŋɔ Arɔn be ŋɔ, “Ir la pua hɛŋle ɡbo harɛ ta, dɛ́ ka cheme Mosis.” Asɛ o ir dɛ la ka chemo Korowii bwe waa do ɡoroŋ ta dɛ jaamo.

Mumpar 45:2

O wio kohona, asɛ Ijipt harɛ tena la no, kooro dem tena la bwa no.

Mumpar 33:4

Esɔ aa nao la, o chwao dɛ ka ɡbaaro pɛl o te dɛ kpɔ o nɔɔra dawɛ o vaama ta dɛ mo o lwɛɛma, ba bwa berɛ wi.

Mumpar 29:13

Laban aa no o manaara Jekɔb waa la, o chwao ka chemo dɛ ɡbaaro pɛl o te dɛ ba o ne dem. Asɛ Jekɔb bɔ o amaneɛ bwa.

Mumpar 29:11

Asɛ dɛ ka ɡbaa Rakɛl pɛl o bambile, dɛ mo o lwɛɛma dɛ wi.

Mumpar 42:24

Belaa Josef le ba be bela dɛ ka wi. Dɛ berɛ ba ba be ja o ne ba bol wa, asɛ o lawɛ Simeon le ba bini dɛ ɡel ba vɔrɔwo ba siwi ta.

Mumpar 45:14

Belaa o kpɔ o nɔɔra dawɛ o nime Bɛnjamen vaama ta dɛ wi, asɛ o ɡe lawɔ pɛl o te dɛɛ wi.

Mumpar 45:16

Baa no koodem kɛŋɔ Josef dɔɔranar balɔ la, kooro ne o nomonome bwa sie lɛo.

Mumpar 46:29

Josef jo o kon waa do kɛŋɔ torɔɡo la bɛl bini, asɛ dɛ ka cheme o mɛɛ. Baa chema la, Josef ɡbaaro pɛl o te dɛ wi taeh.