Mumpar 43:9 - mzwDBL

⁹ Mɛɛ cheo tɛ wobɛlbwa. Dɛ n ta o ne balɛ ba tɛɛ naa, bɔɔ mɛ. Dɛ n ta o ne balɛ sɔnɔnɔɔ ba tɛɛ naa, n nɛɛ wobɛlbwa dawɛ.

Mumpar 43:9 ပူးပေါင်းရင်းမြစ်များ

Mumpar 31:39

Anɔ la konchɔɡa aa dɛ kpoora bwa la, n ɡbabirii dɛɛ bɔe a kem. Anɔ la baa dɛ ŋwɛa webaŋa ne jwaana ɡe bwa la, he ɡelɔ mɛɛ bɔe a kem.

Mumpar 42:37

Asɛ Rubin ŋɔ o be ŋɔ, “Dɛ n ta Bɛnjamen ne balɛ ba tɛɛ naa, he kpoo n bibaala banɛ nɔ. Kpɔ o waa do n nɔn ta, mɛɛ berɔɔ ba o ne ba tɛɛ.”

Mumpar 43:10

Ken laa ya do waa nɔ ta dɛɛ tɛɡre aa, ya fe la kera anɛ ba.”

Mumpar 9:5

Gɛɛ nɛwɛnyini bɛlbwa ɡe waa kpo o dɔŋ la, mɛɛ ba o deŋne tɛra. Ásɛ olchɔɡe bɛlbwa ɡe waa kpo nɛwɛnyini la, ń tɛr o deŋne.

2 Samoɛl 14:9

Kɛ haah la ŋɔ o be ŋɔ, “N naa kooro, ɡel sɔnchɔɡe la dawɛ n ne n mɛɛ lolanar nɛ, ásɛ he bɛ bolchɔɡe bɛlbwa di.”

1 Koranar 1:21

Dɛ ɡɛ laa aa, he seo habɔɔ la, baa ɛ n ne n bie Solomɔnee kɛŋɔ nɛnchɔɡa ken.”

Job Tɔn 17:3

N Naa Korowii, he ɡbabir ba che tɛ mɛ nɔ. Umee lole dɛ́ ba che n habɔɔ?

Yela 119:122

Nyiŋi men maa ɛ he bonɔɔ nɛɛ kɛrɛdɛ, bɛ men ɡel tɛ mbarafo tena bá fiɡ mɛ.

Ɛsekeɛl 3:18

Dɛ n ŋɔ wechɔɡ-ɛɛ be ŋɔ wɛɛ sewɛ o wechɔɡa taa, dɛ he ta on kaeh, o ɡel o wechɔɡa la dɛ dɔ o nyu aa, wɛɛ sewɛ o wechɔɡa taa. Ate, mɛɛ pɛɛre a waa.

Ɛsekeɛl 3:20

Dɛ nɛn o wa aa toɡra la le o wetoɡra ta dɛ ɛ wechɔɡa aa, mɛɛ kpɔ kon waa dɛ ba ɡela o lɔ naa bil o sie. Haa wola on kaeh nomanta, wɛɛ sewɛ o wechɔɡa taa. Maa waa waa ɛa a toɡre laanee lii, mɛɛ pɛɛre o seo waa.

Ɛsekeɛl 33:6

Dɛ nɛn waa dɛ daah harɛ la na dɔma bala o ta bɛla la hoɛh nɛra la jemɛ, asɛ dɔma la ba kpo ba bini bɛlbwa naa, naate baa kpoo la sewɛ o wechɔɡa wa, kɛ mɛɛ pɛɛ naate waa sewa la chal waa le nɛn waa dɛ daah bɔr la be.

Ɛsekeɛl 33:8

N ŋɔ wechɔɡ-ɛɛ be ŋɔ wɛɛ sewɔɔ, asɛ he ta on kaeh o le o wechɔɡa ta, dɛ sewɛ a ta naa, mɛɛ pɛɛ o chal waa le he be.

Amanesoma Luk Aa Chwera Tɔn 11:50

Anomanta, Korowii ɛɛ pɛɛ fini nɔ nɛra o keamere nɛra aa kpoo ba le harɛ mumpar la bwa waa.

Hibru 7:22

A ɡelɔ Yeesu ɛ ajinamuu te, ásɛ nɛwɛnyina nyiŋi dɛ́ na fɔofale Korowii aa fɔwa dɛ tɛ yaa la wera waa wera dɛ ɡwaa ombene la.